¹ .Awo omu biro ebyo abegesya, beyongeire obwingi niwabbawo okwemulugunya omu bakerenisit, abaebulaniya olw'okubba abanamwandu baabwe;babafisisyanga nk'okuweereza okwabwe bwekwali. ² .Eikumi nababiri, nibeta ekibbura kyona ekya abegesya ni babakoba ati"Tikiwooma iswe okulekanga kigambo kya Kanca nituweerezanga oku meeza. ³ .Aale ni abooluganda;mulonde abantu omu nnywe abasiimibwe musanju,abaizwire omwoyo akwera namagezi omubo betwata oku mulimo ogwo. ⁴ . Baitu Iswe twanyiikiranga okuramya n'okuweereza ekigambo kya Kanca. ⁵ .Ekigambo ekyo nikisimibwa baingi, omu kibbura nibalonda ositeefano, omuntu eyaizwire okwikiriza n'omwoyo akwera no Firipo no Putokoola, no Nikanooli n'oTimoni, Pammena n'oNikolaawo omukyufu ow'Antiyokia, ⁶ .Nibata omu maiso g'abakwenda; nibasaba nibataaku emikono. ⁷ .Ekigambo kya Kanca nikisasana; omwenda ogwa abegesya omu Yerusaalemi nigweyongeraku muno;ekibbura ekikoto ekya bakabona nibagondera okwikiriza. ⁸ .oSiteefano bwe yaizwiire ekisa n'amaani;nakolanga eby'amagero n'obumanyiiso obukooto omu bantu. ⁹ .Baitu niwaimuka abantu abantu abandi aba ikumbaaniro erya abalibettina, nerya Abakuleene,n'erya abalegezandereya nera abakirukiya nerya Abasiya nibamuwakanya namaani. ¹⁰ .Tibasoboeire magezi nomwoyo oSiteefano bye yasimoolanga. ¹¹ .Awo nibaweeryanga abantu empeera bakobe oyo twamuwulire nkasimoola ebigambo ebizuma oMusa n'Okanca ¹² .Awo nibabakoba okumbanya abantu abakaire n'abawandiiki,nibaiza gyali nibamukwata nibabatwala omu lukiiko. ¹³ .Nibemeerya abajurwa abobubeyege babakobere ati omuntu oyo taleka kusimoola bigambo bibbi oku kifo kini ekikiriiri kyamateeka. ¹⁴ .Olw'okubba timuwulire nk'abakoba ati oYesu omunazaleesi oyo alizikiriza ekifo kini, ali wanyisya empiisa ezataweibwe oMusa. ¹⁵ .Bamwekalirye amaiso,bona abaali abaikaire omu lukiiko nibamubona nka amaiso gaamwe ga kwisana aga malayika.