¹ .Waloowo omusaiza eyayetebwabwanga eibara lya Annaniya n'oSafiira omukali wamwe; natunda ebyamwe. ² . Niyebisiraku,oku muwendo,omukali wammwe yeena nka akimaite ,n'aleetaku kitundu -butundu n'ata oku maguru gabakwenda. ³ Baitu opeteero n'akoba ati Annaniya!Ositani akwizuulya omutima gwamu nobeyega omwikiriiri. ⁴ .Niwebisiraku okumuwendo gw'andumiro? ne yali eyo yaali tiyaamu?Era okutunda tibyaali omu buyinza bwamu?kiki ekikusalisiryewo omu mutima n'okola oti?tobeggere bantu baitu Kanca. ⁵ .Annaniya niyawuliire ebigambo ebyo nagwa ansi n'atondoka entiisa gingi n'ekwata bona bona abawulire ebyo. ⁶ .Aboojo nibaimuka ni baamuzinga nka bakumutwala ni bamuziika. ⁷ .Awo olwayikire,waali wakaire essaawa isatu,Omukali wamwe yenna n'ayingira nkatamaite nka bwe bibbaire. ⁸ . oPetero n'amwiramu ati onkobere ati mwatuundire endumiro omuwendo gutyo? nakoba ati numwo,baitu oPetero namukoba. ⁹ .kiki ekyabaikizisirye okukema omwoyo gwa mukama?Bona amagulu agabazikire ,oyiibamu gali ku lwigi wenna bakutwale. ¹⁰ .Omu bwangu omukali n'agwa oku amagulu byamwe,n'atondoka ;aboojo nibamuziika ammwe n'oyiibamwe. ¹¹ .Entiisa egikooto muno n'ekwata eiramyo lyona nabo boona bawuliirebyo. ¹² .Obumanyiiso n'ebyamagero bingi nibikolebwanga n'emikono gy'abakwenda omu bantu;bonna abali omu kisasi kya Sulamaani n'omwoyo gumwei. ¹³ .N'abandi tiwaliwo gonze omwei, eyasobola okwegaita nabo,baitu abantu babagulumizenga. ¹⁴ .Abaikiriza baingi nibeeyongeranga okwegaita n'Omukama waiswe baingi abasaiza n'abakali. ¹⁵ .N'okuleeta nibaleetanga abalwaire oku mazira nibabatanga oku mukeeka n'oku bitanda,o peteero nibweyaiza ekituuru kyaamwe kiyike oku bandi. ¹⁶ . Era te ebibbura nibikumbananga nka bikuzwa omu bibuga ebiriraine o Yerusaalemi nka bakuleeta abalwaire n'abaali babonyabonyezebwe embandwa,nibatambiwanga bona . ¹⁷ .Baitu nayimuka,o Kabona asinga obukulu n'abaali naye(nikyo kitundu ky'abasaddukaayo) nibaizula eibuba. ¹⁸ .Nibakwata abakwenda,nibabata omunkomyo . ¹⁹ .Baitu Omalayiika wa Mukama obwiire naigulaawo ennyige eza nkomyo n'abawulukya enzai nabakoba ati. ²⁰ .Mwaabe,mwemeere,mukobere ab'omu iramyo abantu ebigambo byona, bye mubweine. ²¹ .Nibawulire,nibayingira omu Iramyo,emmambya nibegesya baitu o Kabona omukluu naiza n'abantu.Baitu,Nayeta Olukiiko olw'abakaire bona,abaana ba Israeiri, nasindiika omuntu omunkomyo okubaleeta. ²² .Baitu abasaiza ababiire tibasangireeyo muntu yenna omunkomyo;nibaira nibasimoola nka bakoba bati . ²³ .Enkomyo tugyajjire gisibe kusai,dala abakumi nka bemereire okulwigi;Baitu nitwigwireewo,titusangiremu muntu ! ²⁴ . Nibawulire ebigambo ebyo:Omukulu wa nkomyo n'abakabona abakulu;nibasoberwa;omukweraliikiira okwingi,ekigambo kini kiza nka bwe kiza okutambula. ²⁵ .Nka bakyali awo,omuntu naiza n'abakoba ati bona bona abantu be mwataire omwikomera;bali omu Iramyo bemereire bakwegesya abantu! ²⁶ .Awo omukulu n'abaami niba baleeta,ti lwa amaani,olw'okubba baali bakutiina abantu baleme okubakubba amabbale. ²⁷ . Nibabaleeta nibabata omu maiso ga lukiiko o Kabona asinag obukulu n'ababulya nka akukoba ati. ²⁸ .okulagira twabalagiire obutayegesya omwibara eryo;era bona mwireeyo omu Yerusaalemi okwegesya kwaanywe mukwendya kuleeta omusaayi gwa muntu oyo okwiswe. ²⁹ .Baitu oPetero n'abakwenda nibairamu ati kiggwaniire okuwura Okanca okusinga abantu. ³⁰ .Okanca wa bazeiza yayimbokerye oYesu gwe mwaitire nnwye bwemwamuwaniikire oku musalaba. ³¹ .Oyo Kanca yamuninisirye oku mukono gwaamwe ogulyo okubba omukulu erate omucunguri,okuweeryaayo edi Israeiri okwenenya n'okucungura oku bibbi. ³² .Naiswe niiswe abajjurwa ba bigamba ebyo bigambo ebyo erate n'omwoyo omwikiiri Okanca gwe yawaire abamugondera. ³³ .Baitu nibawulire ebyo,nibagongera muno muno nibasala olukwe olw'akubaita . ³⁴ .Baitu omusaiza omukulu,Omu Farisaayo nayemeera omu lukiiko;yali musomesya wamateeka era te abantu nibamutamu ekitinisya n'akoba ati mwekere muwulukye abakwenda enzai kadyoli , ³⁵ . Abasaiza ba Israeiri mwekuume muno nejemukwaba okubkola ³⁶ .Erai omubiseera ebyakaire oSyuuda yayimukire nka akukoba ati"ninje muntu mukulu,Abantu nka ebikumi binayi nibimwegaitaku;Baitu bamwitire;bona nibasasana nibawulire emirembe nijibula2. ³⁷ .Oluzwanyuma omusaiza owondi gwebayeetanga Yuda wa Galiraya omunaku ezz'okuwandiika abantu okubabala,yenna nayimuka n'atwara ekibuura ekikoto okumusengerya noyo yenna nabula boonaboona bali bamuwulire nibasasana. ³⁸ . Nati nku bakoba ati mwebalame muno abantu bani mubaleke; okuteesa kuni nomulimu gunu oba nka bizwiire mu bantu biza kulikira. ³⁹ .Baitu oba bya Kanca;timukwaaba kubirikirya muleme okuboneka nka bakulwana n'Okanca. ⁴⁰ .Nibamuwuura:nibeeta abakwenda nibabakoba nka bakubalagira obutasimola nka okuibara lya Yesu nibabataisya. ⁴¹ . Awo nibazwa omu maiso ga Lukiiko nka bassanyukire muno;olw'okubba balowozere okubabonyabonya lwa ibara lya yesu. ⁴² .Buli lunaku bayegesyanga omu Iramyo,omu mamayumba nka bakubulira ati oYesu yayinbookere erate niye Kristo.