¹ .Nibaali nka bakusimola n'ekibbura,nibayiza gyebali bakobona,omukulu wa iramyo n'abasaddukaayo. ² .Nka banauwaire muno:olw'okubba bayegeserye ekibbura;era te baabulire oku bwa yesu okuzuukirya omu bafu. ³ .Ni batataaka emikono ni babata omwi nkomyo okwikya mambya,olw'okubba bwali buswekere. ⁴ .Baitu abandi baingi bawulire ebigambo nibaikiriza omuwendo gwa abasiza ni gubba nka enkumi itaanu. ⁵ .Awo nibwaikire emmambya,olw'okubba,Aabakulu n'abakaire,Abawandiiki nibakumbaiira omu Yerusaalemi. ⁶ .Okabona akusinga obukulu n'okayafa n'oYokaana n'Alegezendirana bona ab'ekika kya kabona kya kabona akusinga obukulu. ⁷ .Ni baba akati nibabulya ati "maani ki,eibara ki eribakolesesya nnywe bini?" ⁸ .Awo o Peteero ni yaizwiire Omwoyo omutukuvu n'abakoba ati ⁹ . we mutubulirye leero olw'okukola okusai omulwaire,ekimuwonerye? ¹⁰ .mwetegye nywena n'ekibbura kyona ekya ba Isiraeri ati omwibara lya Yesu Kristo omunazaleesi,gwe mwakomereire nnwye,Okanca gwe yazuukirye omu bafu oku bwamwe;ono ayemereire nka mwomi omu maiso gaanywe. ¹¹ .Oyo niyreibbaale eryanyomeirwe nnywe abombiki erifookere erikulu ery'oku nsonda. ¹² .so ndooo mu wuundi bulokozi,olw'okubba ndoowo na eibara lindi wansi w'aiguru eryaweibwe abantu eritugwaniire okucungura. ¹³ .Awo nibabweine obugumu bwa Peteero n'o Yokaana,nibategya okubba abantu abatamaite okusoma era abategeseibwe muno,nibewuunya nibetegya nka baali ammwe n'o Yesu. ¹⁴ .Era te babweine omuntu eyawonnyezebwe nka ayemerire nabo nibabulwa eby'okwiramu. ¹⁵ .Baitu yabakobere bazzwe omu lukiiko;ni basala amagezi bonkai nka bakoba ati ¹⁶ .Twakola tutyai abantu bani?olw'okubba bakoore akamanyiisyo akayikirire,ekigambo ekyo;kimanyiibwe abantu bonna abaikala omu Yerusaalemi n'olwekyo titusobola oku kyegaana. ¹⁷ .Baitu kireme okweyongeranga okutambula mu bantu,tubakange balemenga omwibara eryo n'omuntu yenna yenna. ¹⁸ .Ni babeta nibabakoba baleme okwiramu okusimoola n'akadyoli gonze okwegesyanga omwibara lya Yesu. ¹⁹ .Baitu o Peteero n'o Yokaana nibairamu nibakoba ati" oba nga kisai omu maiso ga Kanca okuwuura nnwye okusinga Okanca?musimoole. ²⁰ .olw'okubba iswe titusobola butasimoolanga bye twabweine bye tuwulire. ²¹ .Bona,oluzwanyuma olw'okwongera oku bakobanga babataisirye nka tibakubona musango gwona gwebakwaba okubataku.okubabonereza olw'ekibbura;olw'okubba bona bali bakutendereza Okanca olw'ekyo ekikoleibwe. ²² . Olw'okubba obukulu bwammwe yaali ayakaliire emyaka amakumi annai omuntu eyakoreirwe akamanyiisyo kani aka kuwonyezebwa. ²³ .Ni babataisirye nibaba omu kibbura kyaabwe nibabakobera byona bye babakobere abakobona abakuru n'abakaire. ²⁴ .Bona nibawulire ni baimukya eddoboozi lyaabwe n'omwoyo gumwei edi Okanca nibakoba ati Mukama niwe wakoore iguru n'ensi n'ennyanja n'ebirumu byona. ²⁵ .Nuwe wasimoore ku bwa mwoyo omutukuvu omukamwa k'abaziza baiswe omwojjo wamu o Daudi ati abanamawanga ekibeeisalisye akajegere?n'ebikka birowoozerye ebitaalimu? ²⁶ .Abakama b'ansi basimbire nyiriri n'abakulu bakumbaine ammwe oku mukama n'oKristo wammwe? ²⁷ Eky'amazima bakumbaniire omu kibuga muni oku mwojo waamu omutukuvu o Yesu gwe wasukireku amafuta o Keerode n'o Pontiyo Piraato,ammwe n'abamawnga n'ebikka bya israeiri. ²⁸ .Bakoore, byona Omukono gwamu n'okutesya kwaamu bye byagiire eirai okubbaawo. ²⁹ .Aale ati buni Mukama bona,okukuunga okwabwe kuni;oweerye abairu baamu bgume muno okusimoolanga ekigambo kyaamu. ³⁰ .Baitu niwagolororanga omukono gwaamu,otambaenge obumanyiisyo n'amagero bikolebewenga omwibara lya mutaani wamu omutukuvu Yeesu. ³¹ .Nibamaare okuramya,omu kifo webakumbaine ni wakakankana;bona bona nibaizula omwoyo akweera nka bakusimoola kigambo kya Kanca n'obuvumu. ³² .N'ekibbura kyabwe,bonaabaikirize baali n'omutima gumwe n'emmeme amwei era ndoowo n'omwe eyakobonga ati ekinti kini kyali nakyo,kyaamwe yena baitu byona bye bbbanga nabyo mu bumwei. ³³ .N'amaani gaingi abakwenda ni bongeranga okukoba kwaabwe okw'okwizukira Mukama waiswe o Yesu. n'ekisa kingi nikibbanga ku bona bona. ³⁴ .Olw'okubba omubenyenere; timwalimu eya yendyenga olw'okubba bona bona bali ensuku,oba ennyumba;bazigulisyanga ni baleetanga omuwendo gwazo zzebagalusyanga. ³⁵ .Nibaguta omu maiso oku bigere bya bakwenda,ni bagabiira buli ommwe nka bwa kwendya. ³⁶ .N'o Yusufu,abakwenda gwebayetanga Baalunabba(eki kukoba ati omwana wa isaaya)omuleevi eyabyalibwe omu Kupulo, ³⁷ .Yaali n'endumiro yaamwe n'agigulisya n'aleeta efeeza n'agita oku bigere bya bakwenda.