¹ .Awo oPetero n'oYakaana nibayingira omu Iramyo omu saawa y'okuramirangamu ey'omwendai. ² .Waalowo omuntu omulema okuzwa mu kida kya maamwe eyali asitulibwe,gwe batanga bulizo oku lwigi lwa Iramyo olwa yeteebwangamu olusai okuramirangamu efeeza abayingiranga omu Iramyo. ³ .Oyo niyabweine oPetero n'oYakaana nka bakwaaba okwingira omwiramyo,n'abasaba okuweewa efeeza. ⁴ .oPeteero ammwe n'oYokaana nibamutaaku amaiso o Peteero n'akoba ati tuloreere. ⁵ .N'abawura, nka akulowooza ati bakwaba kwiza okumuweerya ekintu. ⁶ .Baitu o Peteero n'akoba ati efeeza ne Zaabu tindanabyo naye kye ndi nakyo nikyo nakuwa omwibara lya Yesu Kristo Omunazaleesi yemeera otambule. ⁷ .N'amukwata oku mukono ogwa ddyo n'amwimukya mangu ago ebigere byamwe n'obukongoizole nibifuna amaani. ⁸ .N'agolokoka mangu n'ayemeera n'atambula;naiza nabo omu iramyo nka akutambula aguluka nka akutendereza Okanca. ⁹ .Abantu bona nibamubona nk'akutambula akutenda okanca amukancirye. ¹⁰ .Nibamwetegya nka bakwebulya niye oyo eikalanga oku lwigi olusai olwa Iramyo kwebaramiranga efeeza,nibawunikirira muno n'okwewuunya olw'ekimukolweibweku. ¹² Awo oPeteero niyabweine nairamu ati abasaiza abaisiraeri;kiki ekiku bewuunyisa bini?mukutwekalirya ki amaiso,nka amaani ga iswe?oba okutiina kwaiswe Okanca nibyo bitambulisirye oyo? ¹¹ .Niyawulire nka akwaite oku oPeteero n'oYokaana ekibbura kyona ni bairuka gye bali ,ni bakumbana omu kisasi ekyeiteebwanga kya Sulumaani nka bakwewuunya muno. ¹³ Okanca owa Ibulayimu era te Owa Isaac era te Owa Yakoobo;Okanca wa bazeiza baiswe,yagulumirye omwojo waamwe o Yesu gwe mwawaireyo nimumwegaanira omu maiso ga Piraato bwe yaali amaare(Okutaisya)Okumutaisya. ¹⁴ .Baitu nnywe?ni mwegaana omutukuvu,era omutukirivu ni mutaka okuweewa omutemu? ¹⁵ .Nimwita omukumi w'obwomi,oyo Okanca ya muzuukirirye omu bafu:Iswe naiswe abajurwa baamwe. ¹⁶ .Era te olw'okwikriza eibara lyamwe oyo gwe mukubona,gwe mumaite eibara lyamwe limuwaire amaani,n'okwikiriza okuli mu oyo,kumuwaire obwomi buni obuyikirire omu maiso gaanywe nywena. ¹⁷ .Aale ni abooluganda,mu maite mwakoore timumaite nk'abakulu baanywe: ¹⁸ .Baitu Okanca bye yasimoreire eira;omu kanwa ku balangi baamwe ati o Kristo wamwe alibonyabonyezebwa yabiyikiiriiye atyo. ¹⁹ .Aale mwenenye,muyinduke,ebibbi byannywe bisangulibwe,ebiro by'okuwumuzibwa om maiso ga mukama biike. ²⁰ .Yeena atume oKristo eya'abawulirye eira niye o Yeesu. ²¹ .Eyagwanire okutwalibwa omu mwiguru okuyikya omubiro eby'okulongosesya mu bintu byona n'Okanca bye yasimoolanga omu kanwa ka abalangi baamwe abatukuvu abalowo okuzwa eirai oku lubereberye. ²² .o Musa yakobere ati Okanca alimwikirya omulangi alizwa omu baganda baanywenga nje;oyo mu muwuranga byona by'alibakoba. ²³ .oluliyika;buli mwoyo oguliwuura omulangi odi gulizikirizibwa omu mwiranga. ²⁴ .Weewaawo n'abalangi bona,n'abo nibazwa oku Samwiri nimwiriire,bona basimolanga babuuliranga eby'enaku zini. ²⁵ .Nywe muli baana ba balangi,era ab'endagano egikaire Okanca gye yalagaine nabazaiza baanywe nk'aku koba Oibulaimu ati biriweerewa omukisa. ²⁶ .okusooka gye muli Okanca bwe yamare okuzuukirya omwojo wammwe,amutuma gye muli abweerye omukisa,n'akyusa buli muntu omu bibbi byamwe.