¹ .Awo olunaku lwa Pentekoote nilwaikire bona abaali awamwe omu kifo kimwe. ² .Amangu ago okuwuuma ni kubba omwiguru nga empungo ewuuma n'amaani nikiyuzulya ennyumba yoona mwe bali baikaire. ³ .Nikiboneka ku bo enimi nk'ez'omuro nga zeeyawuremu:buli lulimi nirwikala oku muntu. ⁴ .Awo boona nibaizula omwoyo omutukuvu,nibatandiika okusimoola enimi ezindi ng'omwoyo bwe yabawaire okuzisomoola. ⁵ .Waalowo omu Yerusaalemi Abayudaya nga baikaire,abantu abegendereza,abazwire omubuli iwanga ly'abantu ansi n'aiguru. ⁶ .Okuwuuma kwo bwe kwabbaire,ekibiina nkikumbana nikisamaalira;kubanga bawulire;nga buli muntu bakusimoola omu lulimi lwa waabwe. ⁷ .Nibawuniikira boona nibwewuunya,nga bakoba ati"bona bona bakusimoola bati Bagaliraya? ⁸ .Aale kizwire ku kiki,Iswe buli muntu okuwuura olulimi olwa waiswe gye twabyalirebwe? ⁹ .Abapaazi.Abameedi n'Abeeramiti n'abaali omu mesopotamiya,mu Buyudaya ne Kapadookiya,mu ponto n'omu Asia. ¹⁰ .Omu Fulugiya n'omu Panfuliya,omu misiri n'omu eze Libya eziriraane ekuleene n'abarumi abageni,abayudaaya n'abakyafu. ¹¹ .Abakulete n'abawabu,tukura bani nga bakusimoola omu nimi zaiswe ebye kitalo ebya kankyere. ¹² .Boona nibewuunya ne babuusya buusya ne bakobabangana ati amakulu gaakyo,kiki kini? ¹³ .Baitu abandi ni babaskeera mbe nibakoba ati"Batamiire Omwenge ogw'okya" ¹⁴ .Baitu Peteero yemereire n'abandi eikumi n'omwe,nasimoola aiguru nabakoba ati "abasaiza Abayudaaya n'abo abaikala omu Yerusaalemi nywena mutegeere kini,mutegere amatwi ebigambo byange. ¹⁵ .Olw'okubba bani tibamatiire mwenge muyo,nga nywe ni mukulowooza;baitu eni niyasaawa ey'akasatu ey'emisana. ¹⁶ .Baitu bini byasimorwe Omulangi Yoweeri ati "oluliyika omu nnaku zza luzwanyuma nimwo asiimoola ,ndisuka omwoyo gwange ¹⁷ .okubaniina omubiri bona"abataane baanwye n'abaara banywe;baliragula"N'aboogyo baanywe balibona okwolesebwa n'abakaire baanywe baalirota ebirooto. ¹⁸ .Yee,Weewaawo n'oku bairu n'abazaana bange omu naku zidi ndi basukira oku mwoyo gwange aliragula. ¹⁹ .Ndireeta eby'ekitalo omwiguru waiguru n 'obumanyiisyo omu nsi wansi,omusaayi n'omuro n'okunyooka kw'omwika. ²⁰ .Eisana lirifooka ekizikiza n'okwezi okubba ng'omusai,olunaku lw'omukama olukulu olulitenderezebwa nga lukyali kwiza. ²¹ .Olulika buli alisala erina lya Mukama alicungura. ²² .Abasaiza Abaisiraeli muwuure ebigambo bini O Yesu omunazaalesi omuntu ey'abalangirwe Okanca bye yamukoleserye akati omu nnywe nka bwe mu maite. ²³ .Oyo nibwe yeebweeyo nka n'Okanca niyasookere okuteesya n'okumanya;mwa mutwaire ni mu mukomeera n'emikono gy'abantu ababbi,ni mwita. ²⁴ .Naye oyo Okanca yamuzuukirye niye asindabula okulumwa kw'okufa,baitu tikwasoboire kumunyweza. ²⁵ .Olw'okubba oDaudi amusimoolaku ati"Naboine omukama enaku zoona omu maiso gange olw'akubba ali ku mukono gwange ogw'abulyo ndeke ku saga sagana. ²⁶ .Omutima gwange nikyo guzwa gwe esiima olulimi lwange ni lusanyuka;Era omubiri gwange gwabbanga omu issuubi. ²⁷ .Olw'okubba tolindeka obwomi bwange omu magombe era ati toliwaayo mutukuvu wamu okujjunda. ²⁸ .Wansomesyanga amaizira goona ag'obwomi;olinyizulya eisanyu n'amaiso ²⁹ .Abasaiza aboluganda,nsobola okusimoola n'obuvumu omu maiso gaanywe ebya zeiza waiswe omukulu o Daudi ati yafiire nalikibwa;n'amagombe gaamwe gali waiswe n'okwica ati buni. ³⁰ .Aale nka ni bweyali omulangi niyakimaite ati Okanca yamulayirire ekirayiro ati omu baizukulu ab'obu muntumbwe zaamwe,alikalisyaaku omuntu oku ntebe yaamwe. ³¹ .Niyaboine olubereberye'nasimoola okuzukira kwa Kristo nka tiyalekerwe mu magombe;era te ng'omubiri gwamwe tigwajundire. ³² .o Yesu oyo Kanca yamuzuukize,iswena,naiswe abagesya . ³³ .Awo niyaniisirwe oku mukono gwa ddyo ogwa Kanca,okusuubiza kwa Omwoyo omuukuvu edi oyitamwe.asukire kinu kye muboine ati kye muwuliire. ³⁴ .Baitu o Daudi tiyaniniire omwiguru,olw'okubba yakobere ye onyemeere ati Omukama yakobere Omukama wange. ³⁵ . ati Ikala oku mukono gwa ddyo;okwica lwe ndita abalabe baamu okubba entebe y'ebigere byaamu. ³⁶ .Aale mazima betegye ennyumba yoona eya isiraeri ati Okanca yamufwire Omukama era te Kristo oYesu oyo gwe mukomereire. ³⁷ .Awo mbakoberen ebyo,emitima gyanwye ni gibaruma mbakoba o Petero n'abakwenda abandi ati abasaiza aboluganda"Twakola tutyai? ³⁸ .oPetero n'abakoba ati mwenenye.mubatiizibwe buli muntu mu nnwye okwingira omu ibara lya Yesu Kristo okutoolebwaku ebibbi byanywe muweebwe ekirabo nigwo omutukuvu. ³⁹ .Baitu okuzukizibwa kuni kwa nnywe era baana baanywe n'abo bona abaali alai,bona baletebwe Omukama Okanca waiswe. ⁴⁰ .Era te nabakobera ebigambo bindi bingi muno ati mucungurwe omu migyo gini egyakyamiire. ⁴¹ .Awo baikirize ekigambo kyaamwe ni babatiizibwa nibongerwaku oku lunaku ludi abantu ng'enkumi isatu. ⁴² .Ni babba nka banyiikiranga okwegesyebwa okw'abakwenda n'omu kisa kyaamwe,n'omu kwendya emigaati n'okuramya. ⁴³ .Buli muntu n'atiina:ebyamageero bingi n'obumanyiisyo nibikolebwanga abakwenda. ⁴⁴ .Bona abaikirize baali ammwe,nibabba nka bakutambura ammwe omu byona. ⁴⁵ .Eby'abugudda bwabwe,n'ebintun bye baali nabyo nibabigulisya nibabiweeryanga bona,nka buli muntu bwe yali akwendya. ⁴⁶ .Bona banyiikiranga nibaiza n'omwoyo gumwe omu iramyo nka baweenda emigaati omu nnyumba ekai nibalyanga emere n'eisanyu n'ogutalimu bukusa nga bakutendereza Okancan nka basiimibwa abantu bona. ⁴⁷ .Okanca n'abongera ngaku bulizo abakucungura.