¹ . Waloowo omuntu omu Kayisaaliya,eibara lyaamwe Koluneeriyo,omukulu wa Kitingole ekyayetebwanga(ekiyo)ekiyitaliano . ² . Omwegendereza,atiina Okanca wamwe n’ennyumba yaamwe yona eyaganbanga ebintu bingi omu bantu, naramyanga Okanca ebiro byona. ³ . Oyo nabona,omukolesebwa omu lwatu,nka omusaawa y’omwendai ey’emisana,Ontumwa wa Kanca nk’amwingira nka akukobaa ati Koluneeriyo. ⁴ . Namwekalirya amaiso,natiina nakoba ati kiki Omukama wange?Namukoba ati Okuramya kwamau n’okuweeryaayo kwamu,biniinire olw’okurizukirya omu maiso ga Kanca. ⁵ . Erate abakwenda om Yoopa, oyeteyo omuntu oSimooni eibara lyaamwe lyakabairi Peteero ⁶ . Oyo yakyazibibwe omuntu oSimooni omu wali w’ebyanza ennyumba yaamwe eririyaine oku nyanja. ⁷ . Ontumwa eyasimoire Baitu,niyayabiire,nayeeta abairu baamwe babiri ab’omu nnyumba nomujwaka omwesigwa atiina Okanca omwaabo abamuweereza obulizo. ⁸ . Bwe yamaare okubakobera ebigambo byona n’abatuma omu Yoopa.Awo ok’oku ⁹ . Awo oku lunaku olwa kabiri bwebbaire nka bakutambula abo;baali ampi okwika oku kibuga, oPeteero naniina aiguru oku nnyumba okuramya nk'omusaawa yamukaaga. ¹⁰ .Nalumwa enzala,nataka okulya,baitu babbaire nka bakwiwula omwooyo gwaamwe niguwanyisibwa. ¹¹ .Nabona eiguru nka lyeswekwiire;ekintu nikimwikira nka kikwisana eisukuka erikooto nka ekwatiibwe okunsonda einai okwisibwaneisibwa ansi. ¹² .Omwali ebisolo byona ebirina amagulu anai nebyewulula ebyensi nebinyonyi eby'omwibbanga. ¹³ .Eiraka niriza gyali ati imuka,Peteero,osale olye . ¹⁴ .Baitu oPeteero nakoba ati bbe,mukama olw'okubba tindyanga kya muzizo ghonze ekibbi. ¹⁵ . Eiraka niryongera niriza gyali omulundi ogwa kabiri ati Okanca bye yalongoserye tobifoolanga we byamuzizo. ¹⁶ .Nikibba kityo: emirundi esatu; omubwangu ekintu nikitwaalibwa omwiguru. ¹⁷ .Awo oPeteero niyebuzisya buzisya omunda omu ye amakulu gokwolesebwa kwabweine gyali; bone abantu abatumibwe oKoluneeriyo,nka bamaare okubuluya ennyumba ya Simooni nibemeera oku lwigi. ¹⁸ .Nibeeta nibabulya obanga oSimooni eibara lyaamwe erya kabiri Peteero yakyazibwe omwo. ¹⁹ Awo oPeteero niyaali akyalowooza oku kwolesebwa,Omwoyo n'amukoba ati obone!Abantu basatu bakuswagana. ²⁰ . Imuka, oninuke oyaabe nabo nka tolimu kubusabusa;olw'okubba ninje mbatumire. ²¹ .oPeteero oninuka edi abantu abaali bamuswaaga,nibakoba ati yee nje,ninje gwe mukuswaga;kiki ekibaleetere? ²² .Nibakoba ati oKoluneeriyo omwami; omwikiiri atiina oKanca,eyasimiibwe omwiyanga lyona,ery'abayudaya yalabwiire Ontumwa akweera okukutumira okwiiza omu nnyumba yaamwe,awuure ebigambo ebizwa omwiswe. ²³ .Awo nabaingirya n'abaniriza ,okulunaku lwa kabiri,oPeteero naimuka, nasimbula nayaba nabo,Aboluganda baamwe ab'omu Yoopa nibaaba naye. ²⁴ Awo okulunaku olw'akabiri,nibaingira omu Kayisaaliya ,Okoluneeriyo yaali abalindirire nka akumbaanirye ab'ekika kyaamwe n'abo abaali mikwano gyaamwe omuno. ²⁵ Awo oPeteero bwe yabbaire nk'ali ampi okwingira oKolumeeriya n'amwaja,namufukamirira okumagulu namuramya. ²⁶ . Baitu oPeteero namwimukya nkakoba ati oyemeere!ngyena ndi muntu buntu. ²⁷ .Nk'akusimoola naye naingira nayaja baingi nka bakumbaine. ²⁸ . Nabakoba ati mumaite nka ti kisai omuntu omuyudaaya okwegayita n'owe iwanga erindi,oba kwiiza gyaali,Baitu Okanca yandangiire ndemenga kweta muntu yena yena owa muzizo oba omubbi. ²⁹ .Nikyo nzwiire nyiza ntagaane nimwanyetere nikyo nzwiire mbuulya ati kiki ekyanyaseterye? ³⁰ . Awo oKoluneeriyo nakoba ati buni wakaakolawo ennaku inai naali nkusaba okwikya omu saawa yakuramya kw'omu saawa y'omwendai omu nnyumba yange;Bona omuntu nayeemera omun maiso gange eyaali n'engoye ezimesyamesya. ³¹ .Nankoba ati Kolumeeriya!okuramya kwaamu kuwuulirwe,okuweerya kwaamu kwizukirya omu maiso ga Kanca ³² .Aale ni tuma e Yoopa oyete oSimooni eibara lyaamwe erya kabiri,Peteero:oyo yakyaziibwe omu nnyumba ya Simooni omuwali wabyanzo edi okumpi n'ennyanja. ³³ omubwangu obwo ninkutumira;nokola kusai noizire.aale ni ati buni tuli iswenna omu maiso ga Kanca tuwuure byona byokobeirwe oMukama. ³⁴ Awo oPeteero nayasamya akanwa kaamwe nakoba ati mazuma ddala ntegeire nka Okanca tasosola omu bantu. ³⁵ .Baitu omwiyanga lyona lyona,amutiina nakola obwikiriri amwikiriza. ³⁶ .Ekigambo kye yatumiire abaana ba Isiraeiri nka akubuulira emijjo omu Yesu Kristo(niye Mukama wa bintu byona) ³⁷ .Nnywe mukimaite ,ekyasimoire ekyaali omu Buyudaaya bwonai ekyasokoire omu Galiraya oluzwanyuma olw'okubatiiza kwe yabuulire o Yokaana. ³⁸ .O’Yesu omunazaleesi Okanca yamusukireku amafuta n'omwoyo omwikiriri namaani eyatambulanga nk'akukola okusai; nk'akutamba bona abajolongebwanga oSitaani,olw'okubba Okanca yaali naye. ³⁹ .Naiswe tuli bajuurwa bebigambo byona bye yakoore omu nsi y'Abayudaaya n'omu nsi ya Yerusaalemi oyo nibamwita nibamuwanikire oku musalabba. ⁴⁰ .Oyo Okanca Namuyimbookya oku lunaku lwa kasatu namulanga omu lwatu. ⁴¹ .Ti mu bantu bona,Baitu omu bajjurwa Okanca beyalondere oluberereberye, niswe abaliire nilunnywa naye,niyamaare okuyimboka omu bafu. ⁴² .Natukoba okubakobera abantu n'okubategeza ati oyo Okanca niye gwe yalangire okubba alisara omusango ogwa bwomi n'abafu. ⁴³ .Oyo abalangi bona bamulangirireku, ati buli muntu yena alimwikiriza;alitoolebwaku ebibbi byona olw'eibara lyaamwe. ⁴⁴ .Awo oPeteero yali akyaasimoola ;ebigambo ebyo omwoyo akweera naiza n'abagwaaku bona abawuulire ekigambo. ⁴⁵ .Nibasamaalira abaikiriza abakomole,bona abaizire n’oPeteero;kubba nokubamawanga ekirabo eky'omwoyo omwikiriri kisukirwe. ⁴⁶ .Olw'okubba nka bawulire nk'abakusimoola enimi nibagulumiza Okanca.Awo Peteero nairamu ati ⁴⁷ .Omuntu asobola okugaana bani amaizi okubatiizibwa banu abaweereebwe omwoyo omwikiriri nka iswe. ⁴⁸ .Nalagira babatiizibwe okwingira omu ibara lya Yesu Kristo.oluzzwanyuma nibamwegaayira okumalayo enaku.