¹ .Awo oFesito nayaikire omusaaza linu, nka wakakalwo einaku issatu zonkai, nazwa e Kayisaliya ayambukeku e Yelusaremi. ² . Abakabona abakulu n'Abakunku aba Bayudaaya niba mwaniriza nakumukobera oPawulo nibyeyalopeibwe nibamwagaira muno. ³ . Nga bakutaka abakoole kusai okuye. Amutumire okwiiza omu Yerusalemi; bamwetegere omu nzira bamwiite. ⁴ . Baitu oFesito nabayiramu ati, oPawulo akumirwa omu Kayisaliya, baitu nangye okenyini, natera okuzwayo okwaba. ⁵ . "Kale abakulu munywe berondemu baabe naangye bamujunane oyo, obanga aliku ekibbi kyonakyona. ⁶ . Niyamareyo ewabwe enaku ezitakuswinka munanai oba eikumi; naserengeta e Kayisaliya; okulunaku olw'akabiri nayikala okuntebe esarwaku emisango, nalagira okureta oPawulo. ⁷ . Niyayikire Abayudaaya abazwa e Yelusaremi nebeemera okumwetolola nka baleeta ebimujunanibwa binji ate ebizibu byebatasobola okumulumiriza. ⁸ oPawulo nawoza ati, "tinsisia ngaku omumateeka agAbayudaaya, gonze okuyekalu, gonze edi oKayisali". ¹⁰ Baitu oPawulo nakooba yemereirwe mpani awali enteebe esaarwaku emisango eya Kayisali niwo ngwanirwe okusarwa omusango. Tinsisia ngaku kintu edi Abayudaaya, erate nka wena wokitegera kusai. ⁹ Baitu oFesito niyatakire Abayudaaya nibamusiime, nayiramu oPawulo," okutaka okwaba e Yerusaremi osarwa eyo omusango ogw'ebigambo bunu omumaiso gange?" ¹¹ . Kale obanga waliwo ensoga gyena sisire oba gyenakoole ekigambo ekinsanire okuyitibwa, tingaana kufa: baitu obanga banu ebigambo bye bakunjunania nka tibiriwo, gonze ekimwe. Ndowo muntu ayinza okumpayo mwabo, Njulire oKayisali" ¹² . oFesito bweyamaare okutesa nabo omulukiiko, nasobola okumwiramu" ojulire Kayisali, olyaba wa Kayisali" ¹³ . Awo niwayakayire enaku; Agulipa omwami n'o Berenike mbayika eKayisariya nebalaca oFesito. ¹⁴ . Nibamareyo enaku zinji oFesito nakobera omukama ebigambo bya oPawulo, n'akoba ati anu waliwo omuntu oFilikisi gweyarekere " Yarekere omunkomyo nka musibe. ¹⁵ . Ni nali omu Yerusalemi abakabona abakulu n'abakayire ba Bayudaaya nibankobera ebigambo bya mwe nka bataka okumusara omusango. ¹⁶ . Ngye nimbayiramu ati, eyo timpisa y'Abaruumi okuwayo omuntu nka abamujunana bakyali okubbawo mumaiso gamwe eranga acaali nakuwebwa eibbanga eryokuwozia byebakumujunana. ¹⁷ . Awo mbakumbaanirye anu, tinalwirewo gonze nakadooli. Baitu okulunaku olw'akabiri, ninyakala okunteebe esarwako emisango, amangu ago, nindagira okuleeta omusaiza oyo. ¹⁸ . Mbayemereire okumujunana, nebataleetayo gonze ensonga nka nsonga yakigambo ekimwe kiti, ekibbi,nka ninaali ndowoza. ¹⁹ . Baitu balina okuye, ebye nkayana omu iddini yabwe n'ebyomuntu gwe beeta oYesu eyafire! Baitu oPawulo gweyasimoireku ati acaali mwomi. ²⁰ . Ngyena bwenabulwe engeri gyenakebera nintetegye ensonga ezo nimubulya obanga akutaka okwaba eYerusalemi oku sarwayo omusango gunu. ²¹ . Baitu oPawulo ni yajulire n'okusarwa omusango edi Agusito; nindagira okumunkumira okwiica bwendi muwereza ewa Kayisari. ²² . Agulipa n'akoba oFesito ati nandi takire ngyena mbeewo okuwuura oku muntu oyo! Namukoba ati emambya wamuwuura. ²³ . Awo kulunaku olw'akabiri Agulipa no' Berenike nibayiza ne kitinisia ekikkoto erate bwebayingire omukifo awawuurwa emisango, wamwe n'abami n'abakungu abamukibuga oFesito nalagira oPawulo aletebwe. ²⁴ . oFesito nakoba ati, Agulipa omukama nanywe nywenanywena abakulu abali ani naiswe mu muboyine; ekibiina kyonakyona eca Bayudaaya niye gwe banegayirire omu yerusalemi erate naunu nkabasimoora waiguru ati tekimugwanire erate okubba mwomi! Nindudumula n'ocuucu. ²⁵ . Niye ngye nitegera nka tiyakoole kikolobero kyonakyona ekibbi ekisanire okumwiitsia; Baitu olw'okubba nka yena yajulire Agusito ngyena ninsarawo okumusindika eyo. ²⁶ . Ti ndina kigambo kuye gonze nakaddooli ecaamazimace nawandiikira omukama wange nikyo nzwire nimuleeta wemuli, erate okusinga woli, wwe omukama Agulipa, nitwamara okukemenkereza ngyena mbeku nekigambo ce nawndiikira omukama wange. ²⁷ . Kubbanga kibba cabusirusiru oku wererya omusibe nka taliku baluwa ey'ensonga ezimukwataku.