¹ Agulipa nakoba oPawulo nti oikirizibwe okuwuzia ensonga zaamu: Awo oPawulo neyekera nagolola omukono nawooza ati. ² ."Byenajunanibwe Abayudaaya byonabyona, omukama Agusito, nesimire kubanga nkwaba okuwozia byonabyona olwaleero woli; ³ . Erate okusinga olw'okubba omaite empisa nebibuuzibwa byona ebiri omu Bayudaaya: nico nkuzwa nenkwagayira ongumikirye okumpulirya. ⁴ . Kale empisa zange okuzwa omubuto, ezaasookanga okubba omuyiwanga lyaiswe n'omu Yerusalemi, Abayudaaya bona bazimaite. ⁵ . Abantegeire okusooka eirai, singa bataka okuntegera bwenegenderezanga omukitundu ekisinga obuzibu ekye eiddini yaiswe nimba mu Falisayo. ⁶ . Ati nyemereire okusarwa omusango olw'eisubi okanca lyeya nsubize mubazaiza baiswe lye basubire. ⁷ . okuikaku ebika byaiswe eikumi n'ebibiri nka banyikiranga okuwereza okanca emisana n'obwiire. Olw'essubi elyo omukama! Abayudaaya nikye bazwire nibampabira . ⁸ . Kiki ekikubalowozesia ati tikiyizinka okanca okuyimbola abafu? ⁹ . Amazima ningye ngyenkai nalowozanga nga kingwanire okukolanga obubbi ebigambobinji okwiibara lya Yesu omunazalesi. ¹⁰ . N'okukola ninkolanga ntyo eYerusalami: Ngye nimbawangayo omu makomera abaikiriiri bamwe bainji bwenamare okufuna obuyinza okuzwa edi bakabona abansinga obukulu, nibayetebwa, nenyikiriza okufa kwabwe. ¹¹ . Erate ningye nababonerezanga emirundi zinji omumakungaaniro erate nimbawalirizanga lukako okuvora;! Ate nimala nembasunguwaliranga muno nimba yica ebitakobeka no kuyica enzai webibuga ¹² . Baitu lwaali lumwe ni nalinga nkwaba e Damasiko nka nina obuyinza nkambataine ne baluwa n'emiguwa n'okulagirwa okuzwa edi Abakabona abakulu. ¹³ . Omwiitumbi omukama, nimbona ekimyanso, omunzira omusana gwazwire omuiguru! Nka gukwaka okusinga eisana ? nigumasamasa okunetolora nabali bakutambula nanje . ¹⁴ . Ne tugwa wansi swenaswena nempula eidoboozi nka likusimoora nangye omululimi olw'Ebulaniya ati, Sawulo, Sawulo, okumpigaanya lwaki? kibba kizibu muno wwe okusamba okumwiwunda ; ¹⁵ . Ngye ni nkoba ati niwe naani, omukama wange? Omukama waiswe nankoba ati, ni ngye oYesu ogwokuyiganya, we. ¹⁶ . Baitu oyimuke oyemere kumagulu gamu nico nzwire nkubonekera nkulonde obbenga omuwereza erate omujulwa webyo mwombonekeyire, erate omwebyo nimo nakuboneranga. ¹⁷ . Nka nkuwonya omubantu, n'omubamawanga, baitu ngye nkukutuma okuzibulya amiso gabwe. ¹⁸ . Bacuuke okuzwa omukirikirya baire omukitangala nokuzwa mu buyinza bwa sitani baire edi okanca basobole okuwebwa okutolebwaku ebibbi nobusika edi abo abaikiriize olw'obwikiiriiri. ¹⁹ . Kale no, omukama Agulipa, tina lemere kugondera okw'olesebwa okwo muiguru. ²⁰ . Baitu nasokere kubuulira abo omu Damasiko no' Muyerusalemi, erate no munsi yonayona n'Abanamawanga, okwenenya n'okukyukira kanca nka bakola ebikolwa ebisanira okwenenya. ²¹ . Abayudaaya, olw'enugu, nikyo bazwire bankwatira omuyekaalu! nebageziaku okunyita ²² . Kale no bwenafunire obujuni okuzwa edi okanca okuyica okulunaku luni nyemereire nga ntegeza abato n'abakulu nti tinkusimoora kigambo bugambo mbe, wabula aba nnabi no' Musa byeba simoire nga byaba okuiza, ²³ . nga bwekingwanire okulisito okubonyabonyezebwa era niye ari yekera mukuyimboka okwabafu okubulira ekitangaala edi abantu nabanamawanga ²⁴ . Yali acayaba omu maiso okuwozia atyo; oFesito namubwegola ati, eeh? Otulekeshe? Ogwire iraru? Pawulo! okusoma okwo okwalukako omaite nka kucusa omuntu okubba omulalu! ²⁵ . Baitu oPawulo nakoba ati, tindalukire; oFesito omusai omuno baitu dala nku simoora ebigambo ebyamazima; n'obuntu bulamu. ²⁶ . Kubbanga nomukama, ebigambo bino byenku simoora anu n'obugumu, abimaite olw'okubba maite ati ebigambo bini tibyekwekere edi omukama, gonze ekimwe kubanga ekyo tikyakolebwe mubo. ²⁷ . Okyikirize aba nnabbi, mukama Agulipa? Maite ng'oyikirize. ²⁸ . Aulipa nakoba oPawulo, okutaka kunsenda senda onfoole omukulisitayo? ²⁹ . oPawulo nakoba ati, nandisabire okanca olw'okusendasenda okuddooli oba okukooto tiniwe wenkai omukama baitu nabantu bonabona abawulire ekigambo kinu olwa leero bafooke nka ngye okutolaku okusibibwa enjegere kuni!! ³⁰ . Omukama naimuka, owaisaza yeena,no' Berenike, nabo bonabona abali bayikayire n'abomulukiiko, ³¹ . mbayireyo ekka nebasimoora bonkai nabonkai ati omuntu onu nakolangaku kintu kibbi kyonakyona kisianire okumutasia ³² . Agulipa yeena nakoba oFesito ati," omuntu onu yandisoboire okutaisibwa singa tiyajulire Kayisali!"