¹ Enaku ni zayakairewo nk'eitaano o'Kabona asinga obukulu omu n'Aniiya naserengeta nabakaire abamwe n'omuntu omwogezi o'Teruutalo abo nibakobera oweisaza ebigambo o'Pawulo bye baamulopere. ² . o.Teruutulo nibamwetere, natandika okumulopa ng'akoba ati kubanga twali tufunire emirembe zingi edi wwe, nibigambo ebibbi nka biroongoseibwe omwiwanga lini olw'okulabiirwa kwaamu. ³ . Tubikiriza enaku zoona, nomubifo byonabyona. o'Ferikisi omusai omuno n'okwebalya kwaamu. ⁴ . Baitu nneme okwongera okukukeresia, bairaba nkwegayirire otuwuure omubigambo biddooli ddooli olw'obusai bwamu. ⁵ . olwokubba twaboine omuntu oni nka mubbi omuno muno!; agyemesia Abayudaaaya bonabona abaali omunsi zonazona; eraniye omukulu wekitundu ca Abanazalesi. ⁶ . Yagezeryeku noku siisa yekaalu; nitumukwata, nitutaka okumusara omusango nka amateeka gaiswe nk'abwegali. ⁷ . Baitu omwami omukulu oLusiya naiza namutoola omumikono gyayiswe n'amaani gaingi. ⁸ . awonalagira abali bakumujunana okuyiza gyoli omubulye wenkai, wasobole okutegera bini byonabyona ebitukumujunaania. ⁹ . Erate n'Abayudaaya nibamulopa bumwe nebakoba ati bityo nimwo biri. ¹⁰ . Awo oweisaza nibweyamutemeryeku okusimoora oPawulo naira ati," olwo'okuba nka maite ng'oli mulazi weiwanga lini okuzwa mumyaka minji nkuworezia ebigambo byange n'omwoyo gumwe. ¹¹ . Kubanga oyinza okwetegye ng'enaku zicaali okwakalawo eikumi n'eibiri okuzwa wenaninire e Yerusalemi okulamya. ¹² . So ti banyajanga nka mu omuy'ekaalu, nka nkuwakana n'omuntu oba nka nkugyemyesia ekibiina; gonze omwikumbaaniro, gonze omukibuga. ¹³ . So tibasobola kukakasa woli ebigambo bye bakunjunana atibuuni. ¹⁴ . Baitu kini nkutaka oncatule woli ati, enzira nka eriwo ryebeeta enzikiriza, ntyo nibwabampereza oKanca wabazaiza baiswe nka nyikirya byonabyona ebyawandiikibwe omu mateeka no mu byaba nnabi. ¹⁵ . Nka nina eisubi edi okanca erate naabo benyinire nibyo basubira ati, walibawo okwiimba abaikiriirye; erate natali omwiikiriri. ¹⁶ . EErate nyikira muno mukigambo ekyo okubbanga n'omyoyo ogutalina musango edi okanca n'edi abantu ebiro byonabyona ¹⁷ . Awo emyaka jingi ejakairewo, ni nsobola okuleeta eby'abasege, era eiwanga lyaiswe niriwebwayo. ¹⁸ . Nali ndi okwebyo, nibansanga omu yekaalu! nga nkutukuzibwa; nga tindi n'akibiina gonze oluyogaano! Baitu Abayudaya abamwe, abazwire omu Asiiya ¹⁹ . bwagwainebabbe wamu woli nokunumirya obanga balina ekigambo okungye. ²¹ . Oku tolaku olw'eddoobozi linu erimwe ryenasimoreire awaiguru nka nyemereire awakati omubo ati olw'okuyimboka okwabafu; nkusarwa omusango gyemuli olunaku luni? ²⁰ . Oba banu abaluwo, basimoole, benyenire, ekibbi cebaboine bwenaimerire omu lukiiko. ²² . Baitu oFilikisi, olwokubba niye yali singa okumanya ebigambo ebye nzira:¬ Ndisara omusango ogw'ebigambo byanywe. ²³ . Nalagira omwami okumukuuma okusai n'okumuwa eibbanga okwetaya n'obutakomya omuntu yenayena nimikwano gyamwe okwiza okumubona oba okumuwerezia. ²⁴ . Baitu enaku ni zayakairewo, oFirikisi naiza n'omucaali wamwe (oDulukansi) odulusira omuyudaaya nayeta oPawulo namuwuurirya okubigambo ebyakwiikiriirya oYesu kulisto. ²⁵ . Ni yaali ategeza ebya kwikiirya nokwegendereza, n'omusango oguriyiza okulunaku olw'oluzwanyuma, oFirikisi natiina nayiramu ati oyabe ati; nindibba nakaganya, ndiikweta. ²⁷ Baitu n'owakala emyaka ebiri, obuyinza obwa Firikisi nibuwebwa omuntu owondi oPolokiya Fesito, oFirikisi niyatakire Abayudaaya okumusiima omwoyo, naleka oPawulo nka musibe omunkomyo. ²⁶ . Ekindi yasuubire oPawulo okuzwaku akaantu, nka mbe. Nikyo ceyazwire amutumiranga okunyumyangamu naye.