¹ . o'Pawulo neyetegya amaiso agolukiko n'akoba ati abasaiza Ab'oluganda, ngye negendereza muno n'omwoyo gwange ogusai omu maiso gakanca okwiica okulunaku luni. ² . Okabona asinga obukulu Ananiya nalagira nakoba ati abwemwemereire okumpi; mumukubbe omunwa! ³ . Awo o'Pawulo nalyoka n'amukoba ati okanca alikukubba, wwe, ekisenge ecasigibwe okwera!! Erate oikaire okunsara omusango; nka ameteeka bwe gali: Yete n'olagira okunkubba n'amateeka bwe gatali? ⁴ . abaali bemereire awampi awo nebamukoba ati ozuma okanca asinga obukulu owa kanca? ⁵ . oPawulo niyetonda n'akoba ati mbayire timumaite; aboluganda, ngaye o'Kabona asinga obukulu? Kubanga kyawandikibwe ati tosimoora nka kubbi kumuntu omukulu wabantu baamu. ⁶ . Baitu o'Pawulo niyategeire ekitundu ekimwe ekya Basadukayo, nikyakabiri kya Bafarisayo nasimoora waiguiru omulukiiko ati abasaiza Ab'oluganda, ngye ndi mu Falisayo, mwana w'Abafalisayo; nsalwe omusango nokuyimboka okwabafire! ⁷ . Ni yasimoire atyo niwabawo okuyirika, Abafalisayo n'Abasadukayo, ekibiina nicawuukana mu bibiri. ⁸ . Kubanga Abasadukayo ndoyo kuimboka gonze Abamalaika, gonze omuzimu: Baitu abafariyo batula byombi. ⁹ . Ne wabawo okukayana kwingi: Abawandiisi abamwe abamu kitunddu eccaba Falisayo nebemera nebawakana muno nababakoba ati iswe titukubona kibbi okumuntu onu: Erate cabakityayi oba omuzimu gwamu nigwo gusimoire naye, oba malaika? ¹⁰ . Ni wabbayirewo okuyirika n'empaka ezingi, omwami omukulu atinanga o'Pawulo baiza okuticaamu ebitundu bibiri: Nalagira ekitongore bayike aansi okumutolayo awakatiomu abo, olw'amaani, bamutwale omulukologo. ¹¹ . Awo omukiro ecakabiri, omukama waiswe nayemera waali n'amukoba ati ogume omwoyo: Okubanga ni wategezerye ebigambo byange omu Yerusaremi, erate kikugwanira okutegeza ntyo n'omu Ruumi. ¹² . Nibwe ceeire emambya, Abayudaaya ne balagana n'eyama obweyamu nibakoba ati tibayiza kulya gonze okunywa wabulanga bamare okuita oPawulo. ¹³ . Abekobaine batyo, nebaswika amakumi annai. ¹⁴ . Abo nebaiza edi Abakabona abakulu nabakaire ati okwekolimira twekolimire obutakomba kukantu; wabulanga tumare okuyita oPawulo. ¹⁵ . Kalenu, ati nywe n'olukiiko mukobe omukulu wekitongore amuleete anu gyemuli nka bakutaka okwongera okumanya amazima agebigambo byamwe yaba akyali okuyigera naiswe nka twetekeretekere okumwiita. ¹⁶ . Baitu omwana ow'omwonyoko wa oPawulo olw'awuurire olukwe luni naiza nayingira mulukologo nakoobera oPawulo. ¹⁷ . oPawulo nayeta omwe okubami n'amukoba nti otware omwojo onu edi omwami omukulu kubanga alina ekigambo ekyokumukobera. ¹⁸ . Awo n'amutwala namuleta edi omumwami omukulu namukoba oPawulo omusibe niye anyetere nanegayirira ndete omwojjo oni ngalina kyakwaba okukukobera. ¹⁹ . omwami omukulu nakwata omwojo okumukonno neyeyawuura omucama namubulya ati bigambo ki byolinabyo byokutaka okunkobera? ²⁰ . N'akoba ati Abayudaaya batesere okukwegayiri okulete oPawulo emambya awansi omulukiiko nka akwaba kukwongera okumubulya amazima age bigambo byamwe. ²¹ . kale we olw'abaikiriza; kubanga abantu babwe bwamwekumire okusinga omu makumi annai abekolimire obutalya gonze okunywa wabulunga bamare okumwita, bonabona ati betegekere nka balindirirye wwe kubasuubiza. ²² . awo omwami omukulu nasibuula omwojo nka amare okumukutira ati otokoberaku muntu wundi nka onkobeyire ebigambo bini. ²³ . Nayeta babiri okubami nabakoba ati mutegeke abajjwaka ebikumi bibiri okwaba ekayisariya n'abokumbalasi nsanju n'abamasumo ebikumi bibiri omusawa eyokassatu ezobwire. ²⁴ . Erate babone okisolo basobole okwiikalyaku oPawulo erate bamutware omumirembe edi o Firikisi oweisaza. ²⁵ . Nawandiika ebaluwa mungeli enu: Ati ²⁶ . kuladiyo lusiya alamukirye muno oweyisaza omusai. ²⁷ . Omuno oFirikisi; omuntu oyo bweyamare okukwatibwa Abayudaaya bwe baali bakwaba okumuyita ninyiza n'ekitongole gyebali nimbamutolaku bwemale okumanya nti Muruumi ²⁸ . Erate bwe natakire okumanya ensonga gyebakumuvunana okumulopa nimutwala omu lukiiko lw'abwe. ²⁹ Ni mbona nka bamulopere mubintu bya kumubulyabulya ebyomumateeka gabwe; Baitu nka ndowo nsonga ntufu esanire okumuyitsia gonze okumubbowesya . ³⁰ . Ni nkobeire ati baiza kumusaara olukwe erate bamuyite; amangu ago nimuwereza gyoli, erate nindagira abo abamulopa, baize bamulopere eyo omu maiso gamu ³¹ . Abajjwaka nkabwe balagirwe obwiire obwo nibatwala oPawulo nibamuleta okumwiica Antipatuli. ³² . Baitu kulunaku olw'akabiri, abajjwaka nibaleka abaali ku mbalasi baabe naye; bo nibayizira omulukologo. ³³ . Abo mbayakire e Kayisaliya nibawerya oweisaza ebaluwa erate ne bamwanjula oPawulo. ³⁴ . Ni yamera okugisoma nabulya eisaza gye yazwire; ni bamukobera nkka yazwire Kiruukiya; ³⁵ . nakoba ati," ndikuwuula ng'abo abakulopa baluwo bona; nalagira okumukumira omu nyuumba ya Kerodde.