¹ . Abasaiza Aboluganda ne Bassebo, muwuliirye ensonga gye nkubawolezya atibunu. ² . Mbawuliire ngabakobere mu lulimi lwebulaniya, ne be yoongera kya rumwe okusirika ye nabakoba; ³ Ngye ndimuntu Muyudaaya ogeregere, eyabyaaliirwe anu omu Taluso eky'omu kiirukiya, naye okundera, nalereibwe mpanu omu kibuga munu; oku maguru bya Gamalyeeri omusaiza eya yigiriiziibwe omano empisa n'amateeka ebya bazeiza baiswe erate nimbanga n'omwooyo ogulumurwa ate oguyayanira omuno OKanca nka nywe nnyeena ni muli ati olwa leero. ⁴ . Nimpiiganyanga muno abenzira enu erate n'okubaita nka mbabowanga nokubatwala omu nkomyo abasaiza nabakazi. ⁵ . Erate, n'o'kabona asinga obukulu niye mujuurwa wange ow'ebyo; n'Abakaire boona; erate boona bampanga ebaluwa edi Aboluganda nintambula okwaaba e Damasiko abo boona abaliyo mbaleele eYerusaalemi nka basibe; babonerezebwe. ⁶ . Baitu! Awo olwayikire naali nkya tambula nka natera okuyika e Damasiko; amangu ago eisana lingi eryazwiire omu iguru niryaaka muno ekimyanso nikinetoola. ⁷ . Ninekubbira awansi ekigwo, nimpuura edoboozi nga likunkoba nti Sawulo! Sawulo! Okumpigganirya ki? ⁸ . Ngye ninyiramu ati ye nuwe naani, Mukama wange? Nankoba ati Ningye OYesu omunazaleesi gw'oyigganyawwe. ⁹ . Abaali awamwe nangye, baboine eisana nekitangaala, baitu nibatawuure edoboozi ly'oyo eyasimoire n'angye. ¹⁰ . Ninkoba ati Nakola ntyai, mukama wange? OMukama waiswe nakobba ati imuka oyabe e Damasiko . ¹¹ . Ni ntasoboire kubona; olw'ekitibwa kyeisana lidi, abo benaali nabo, nibankwata ku mukono nimpika e Damasiko. ¹² . Omuntu omwe eibara lyaamwe Ananiya, atiina Okanca omu mateeka, eyasimirwe Abayudaaya boona boona abaikala eyo. ¹³ . Naiza gye ndi nayemeera gye ndi, nankoba ati owoluganda OSawulo Ozibule! Omukiseera ekyo ni nzibula okumuloleera. ¹⁴ . Nakoba ati Okanca owa Bazeiza baiswe, yakulondere ira; otegeere ebyo by'ataka, erate obone omwikiriiri odi, erate owuure edoboozi erizwa omu kanwa kaamwe. ¹⁵ . Kubanga, waabbanga mujuurwa waamwe edi abantu boona ow'ebigambo by'oboine erate by'owuliire. ¹⁶ . Kale nu, ati ekikukulwisa kiki? imuka obatizibwe onaabye ebibbi byamu nka wegayira eibara lyaaamwe. ¹⁷ . Awo olwayikire ni naire kune eyeusaalimu, naali nkusaba omu yeekalu, Omwooyo gwange niguwanyisibwa. ¹⁸ . Nimubona nankoba ati olawukeku ozwe ma ngu omuyerusaalimi, olw’okubba tibaliikkiriza kutegeeza kwaamu oku ngye. ¹⁹ . Ngyeena ninkoba ati Mukama wange Abo benyini bamaite, ati niingye nabatanga omu makomera, erate nka ningye nabakubbiranga omu buli ikumbaaniro, abakwikkiriza. ²⁰ . Erate nomusayi gwomujuurwa waamu osuteefano gwe basukire, ngyeena ke nyini naali nyemereire awo nka nsiimire, erate nka nkukuuma ebyabalo byabwe abamwiitire. ²¹ . nankoba ati oyabe; Olwokubba ngye nkwaaba okukutuma walai muno; omu bamawanga. ²² . Nibamuwuliirya kusai; okuyikya okukigambo kinu, nibaimukya amaloboozi gaabwe owaigeeru ati Atoolebwe omu nsi enu, oyo akwisana atyo! kubanga tikisai-abbe mwoomi. ²³ . Mbaali nka bawaweigana waiguru; abamwe mbakasuka engoye zaabwe awaiguru, abandi bakudeedumula cuucu awaiguru! ²⁴ . Omwami omukulu nalagira okumutwala omu (barrades) kigo, nakoba aiza kumukemeerya muno nka ataireku nemiigo! Alyooke ategeere ensonga gye bamulangire okuleekaanira awaiguru batyo. ²⁵ . Bwebaali nka bamare okumubbuwa enkobba, oPaulo nakoba omwami eyali ayemereire wo awo okumpi ati "Tikyamuzizo nnywe okukubba omuntu nka Muruumi akyaali n'akusaarwa musango?" ²⁶ . Omwami niyawuliire ekyo, nayaba edi omwami omukuru namukoba ati, Amaano ago Okweeba kukola ki olwokubba omuntu oni omusibe Murumi. ²⁷ . Omwami omukuru nayaba omusibe gyeeli namukoba nti Onkobere! Nambu oli Murumi? Namwiramu nti Yii! ²⁸ . Omwami omukulu namwiramu ngye nafunire oburuumi bunu, omu bintu bingi; O' Paulo nairamu naye ngye nimwo mabyalibwa. ²⁹ . Awo amangu ago abajwaka abaali bakwaba okymukemenkeireza, nibamuleka, Erate no mwami omukulu natiina muno bwe yategeire omusaiza Muruumi ate yali, nka yamubuwere. ³⁰ . Baitu kuu lunaku olwakabiri nataka amanyire kyarumwe amazima ensonga Abayudaya gye malangire okumuloopa, namusindabula, nalagira Abakabona abasinga obukulu, n'olukiiko boona-boona baize bakumbaane naleta opaulo.