¹ . Awo olwayikire nitwamaare okwawukana nabo, nituzwayo ni tukwaata enzira egyegoloori okuyika ekoosi, oku lunaku olwababiri, nituyika eroda, nituzwayo nituyika petalo. ² . Ni twayajiirye ekyombo nka kikwaba fainiiki nitusaabala nakyo nitwaaba. ³ . Ni twalengeire o'kupulo, nitulaireku oku mukono ogwakkona e'busuuli ni tugoba e'tuulo; kubanga eyo ekyombo nigyo kyatakire okutwikuura ebintu. ⁴ . Nitwaboineyo abayigirizwa, nitumalayo ebiro musanju; abo ni bakoba o'Pawulo omumwooyo; aleme kuniina mu yerusaalimu. ⁵ . Awo nitwamaareyo enaku ezo nituzwayo nitwaaba boona nibatusendekeerya abakali nabaana abato, okuyika enzai wekibuga ;nitufukamire oku lubalama lwe nyanja; nilusaba ⁶ . Nitusiibulangana, iswe nitusaabala omubwaato;bbo nibairayo eeka. ⁷ . Isweena nitwamaare olugendo lwaiswe , okuzwa e tuulo ne tuyika e potolemaaye nitulamukya aboluganda nitumala nabo olunakulumwe. ⁸ . Okulunaku olwakabiri nituzwayo ni twika e kayisaalyo ntwingira omu nyumba ya firipo omubuulizi we njiri omwe okumusanju nitwiikala naye. ⁹ . Baitu oyo yaali nabaala banai embeerera naye nka balaguzi. ¹⁰ . Ni twalwireyo enaku ezingi e buyudaaya; nezwayo. ¹¹ . Omuntu onabbi eibarra lyaamwe Agabo naiza gyetuli natoola olukobba lwa pawulo niyebbowa amayagulu n'emikono gyaamwe nakoba ati atyo nimwo asimoola omwooyo omwikiriiri ati abayudaaya nibalibowa batyo o1mu yerusaalimi omuntu onanyere lukobba lunu, balimuwaayo omu mikono gya banamawanga. ¹² . nitwawulire ebyo iswe erate n'abantu abaali omu kifo kini, nitumwegaayiira aleme kuniina okuguru kwamwe omu yerusaalimi. ¹³ . awo o'Pawulo nasooka nairamu ati mukola ki okukunga n'okuwenda omutima gwanange kubange ngye tineetegekere okusibwa obusibwa mbe kwonkai, baitu erate nokufeera omu Yerusaalemi olwe ibara lya Mukama waiswe OYesu. ¹⁴ . Ni yalemere okuwuura; iswe nituzwaku nitulekayo nitukoba ati Omukama waiswe kyataka kikolebwe. ¹⁵ . Awo oluzwanyuma olwe naku ezo, nitwimula emigugu gyaiswe nituniina e Yesusaalemi. ¹⁶ . Erate n'Abayigirizwa abazwiire e Kayisaaliya ni baaba naiswe nibaleeta omuntu omu Nasoni owe kupulo omuyigirizwa ow'eira, niye akwaba okutusulisya. ¹⁷ . Ni twayikire omu Yerusaalimu Aboluganda nibatusemberya neisanyu. ¹⁸ . Oku lunaku olwa kabiri OPawulo naingira awamwe naiswe omwa Yakobbo erate n'Abakaire boona abalowo. ¹⁹ . Ni yamaare okubalamukya, nababuulira kimwe-kimwe oku ebyo OKatonda byeyakolanga omu mawanga omu kuweereza kwaamwe. ²⁰ . Boona mbawuliire, nibagulumiza O'Kanca; nibamukoba ati obaine! Owoluganda enkumi nenkumi bwe ziri omu Buyudaaya abantu abaikiriza: boona balina obwiihya alwamateeka. ²¹ . Abo babuulirwe ebigambo byaamu ti wwe! Oyegesya Abayudaaya boona abali omu mawanga okuleka OMusa, nka okoba ati baleme kukomolanga abaana abato; gonze okutambuuranga omu mpisa. ²² . Kale kiki kinu? Tibalema kuwura ati oizire. ²³ . Kale kola nka ntukukoba: tulina abasaiza bana aberairiire ekirairo ²⁴ . Abo batwaale, otukuzibwe wamwe nabo, abaweerye efeeza; bagembe emitwe gyaabwe; boona baizakutegeera, nti ebigambo bye bakuwuurangaku tibarimu; erate tibituufu ate weena wenyenere, weegendereza, ng'okwaata amateeka. ²⁵ . Baitu edi abamawanga abaikirize, twabawandikiire nitusala omusango ati beekuumenga ebintu binai obutalyanga bintu bisaddikirwe ebifananyi, ebisolo ebizindirwe, omusaayi n'obwenzi" ²⁶ . Awo Opawulo nalyooka natwala abantu oku lanaku olwa kabiri natukuzibwa wamwe nabo naingira omu yeekalu okulanga enaku ezakutukuza nka niziyikire okuyikya ekiweebwayo lwe kyaweerebwayo olwa buli omwe okwabbo. ²⁷ . Awo enaku omusanju nizaali nka zatera okuyika Abayudaya abazwire omu Asiya mbamulumba omu yeekaali! Nibaaba mbaasasamaza ekibiina kyoona -kyoona, mbamukwaata, ²⁸ . Nka basimoola waiguru ati; Abasaiza Abaisireairi, mutuyambe, onu niye muntu odi, ayegesha boona, mu buli kifo, obubbi oku bantu, n'okumateeka nekifo kini! Ate erate aleetere n'Abayonaani omu yeekaalu, Asiisire ekifo ekikiriri. ²⁹ . Kubanga baali bamaare okubona O'Tolofiima omu wefeso ngali naye omu kibuga, nibateera ati oPaulo omu leetere omu yeekaru. ³⁰ . Ekibuga kyoona-kyoona nikyegugumula abantu boona nibakumbaana mbiro nibakwaata OPaulo niba mukubba amansi, nibamukola okumuwulukya, enzai wa yeekalu, omu bwangu bwangu obwo, enyige nizibgalwaawo. ³¹ . Mbaali bakyasala amagezi okumwita ebigambo mbiyika oku mwaami omukulu w'ekikitongole ekya bajwaaka ati; Olaawo, Oyerusaalimi kyoona-kyoona kisisikakire. ³² . Amangu ago namukiramu, natwaala abajwaka n'a baami, naserengeta gye bali, mbiro, oku mbalaasi boona mba boine omwaami omukulu n'abajwaka nibalekera awoo okukubba oPaulo. ³³ . Awo omwami omukulu nalyoka naigeera n'amukwaata nalagira okusibya enjegere ibiri! Erate na buulya ati onu niye naani? Erate akoore ki? ³⁴ . Abamwe ab'omu kibura ni basimoora owaiguru bundi nabandi bundi natasobole kutegeera mazima olwokuwowaaigana nalagila okumutwala omu kigo. ³⁵ . Ni yayikire oku madaala, abajwaaka mbamuginga mbe olwamaani g'ekibura. ³⁶ . Olw'okubba ekibiina kya bantu baingi baiza nka baseengerya nka bakuwowoigana ati omwite ³⁷ . O Paulo bwe yaali nka yetera okwingizibwa omu ekigo, nakoba omwaami omukulu ati kisai mbeekau kye nkubobera? Nakoba ati omaite oluyonani. ³⁸ . Kale ye tinuwe omumisiri odi omu naku zidi eza yakaire eyajeemeserye abantu enkumi einai oku batemu badi n'abatwaala omu irungu? ³⁹ . Baitu oPaulo namwiramu ati ngye ndi muntu Muyudaya owe Tuliso ekyomu kirukiya tiwa mu kibuga ekitali kimanyifu, erate nkwegayirire bairaba ndeka nsimoole nabantu. ⁴⁰ . Ni yamwiikirize, oPaulo nayemeera oku madaala, nawenya abantu n'omukono, mba maare oku sirikira kimwe, nasimoola omu lulimi olwebulaniya.