¹ Akscwaano ni kamaare okwikaikana, o'Paulo nayeta abaigirizwa nabuulirira n'abasiibula, n'azwaayo okwaaba e makedooniya. ² Ni yayakaire omu mbaju zidi, nabategeeza ebigambo bingi nayika eBuyonaani. ³ Eyo bwe yamaare, ni yaali akwaba kwaakala ku nyanja okuyika eBusuuli, nalowoozya okwirayo eMakedoniya. ⁴ Nebaaba naye okuyika omu asiya o'Sospateeri omuberayo omutaane wa Puulo; n'Asesalonika, Alisutaluuko no'Timoseewo no'Tulofiimo. ⁵ Banu ni bekubbembera nibatulindirira omu Tulowa. ⁶ Iswe nituzwa omu Firippi nituwanika amatanga oluzwanyuma enaku omu tulowa omu naku itaanu, eyo nitumalayo enaku musanju. ⁷ . Awo oku lunaku olwekeera omu sabbiiti nitwakumbaine okuwenda emigaati, o'Pawulo n'abaza nabo nka okutaka okwimula emambya n'alwaawo nka akya simoola okuyikya obwiire omwitumbi. ⁸ . Niwabbawo etabaaza zingi omu kisiika ekya waiguru gye twakumbaanire. ⁹ . Omwoojo, eibara lyaamwe yutuko, yaali aikaire mu dinisa nakwatibwa otulo twingi, owo Opawulo nalwaawo muno nka eyakwatiibwe otulo otwingi; naganyuka nazwa omu kalina eyakasatu niyeekubbirewo naafa! nalondebwa nga afiire. ¹⁰ . Opawulo naika mangu namugwaku, namuwambaatira n'akoba ati mutakunga; obulamu bwaamwe, bukyaalimu omunda. ¹¹ . Naniina namenya omugaati n'alyaaku; nalwaawo nka kyanyumya okuyikya emambya, ale nasooka nazwayo. ¹² . Nibaleeta omwojo odi nka mwoomi katebule! Erate nibasanyuka muno. ¹³ . Baitu iswe nitukulembera okuyika oku kyombo nitwaba okuyika Aso nka tukutaka eyo okusika Opawulo kubanga yaali alagiire atyo nka akutaka ye, onanyere ayakale ku lukalu. ¹⁴ . Ni yatusangire omu Asosi ni tumusika nitwiiza omu mituleene. ¹⁵ . Nitwanika amatanga okuzwaayo oku lunaku olwababiri niti, yika omu maiso ga kiiyo; oku lwakasatu nitugoba oku samo; oku lwakanai nituyika omu mireeto. ¹⁶ . Kubanga OPawulo yasiimire ayakareku Efeso omu kyombo, alema kulwa mu Asiya; kubanga yaali ayanguwa oba nka kisoboka, abbe mu yerusaalimi oku lunaku lwa pentekoote. ¹⁷ . Ni yaali omu Milito, natuma omu Efeso nayeta abakaire ba Iramyo. ¹⁸ . Ni bayikire jali nabakoba ati, nnywe mukiimate okuzwa okulunaku olweekereire ni naninire omu Asia, ninabanga nanwe omu biro byona. ¹⁹ . Nka mpereza omukama waiswe n'obuwombeefu bwoona n'amaliga n'okukemebwa kwe naboine omu nkwe eza Abayudaaya. ²⁰ . Baitu tinekangire okubabuulira ekigambo kyoona ekisaana n'okubegesyanga omu maiso g'abantu erate nabuli nyumba. ²¹ . Nka ntegeeza Abayudaaya erate n'abayonaani okwenenya edi Okanca n'okwiriza omukama waiswe Oyesu kristo. ²² . Ati buni bona ni nsibiibwe omu mwoyo; nkwaaba eyerusaalimi baitu nka timaite bye ndibona eyo, ²³ . Wabula omwoyo omwikiriri antengeeza omu buli kibuga; nka akoba ati okubbowebwa nokubonyabonyezebwa, binindinire. ²⁴ . Baitu obulamu bwange, gye timbulowoozya nkekintu, nka bwa mwendo muno gyendi nsooke nyikiirye okulugendo lwange n'okuwereza kwe naweebwe Omukama waiswe Oyesu n'okutezeeza nka enjiri eyekisa kya kanca. ²⁵ . Atibunu, obone gye mmaite nka timukyabona maiso gange nnywe, mweena benayakalanga mu nka mbuulira obwa kabaka. ²⁶ . Nikyo nzwire mbategeeza olwaleero ati ngye ndi mulongoofu olwa musaayi ogwa boona. ²⁷ . kubanga tineekanga okubakobera okuteesa kwa okanca kwoona. ²⁸ . mwekuumenga nnywe nnywenkai nekisibo kyoona omwoyo omwikiriiri mwe yabataire nnywe okubba abalabinzi okulisyanga eiramyo ya kanca gye yeguliire n'omusaayi gwaamwe ye onanyera. ²⁹ . Ngye mmaite ati ni ndimala okuzwawo emisege emikambwe giringira omu nnywe, erate tigiriisaasira kisibo. ³⁰ . Erate omunnywe nywenkai mulizwaamu abantu abasimoola ekigambo ekikyamu okukokota abayigirizwa enyuma waabwe. ³¹ . Alemuloleere, mwizukire nka tinalekanga kulabukya namaziga buli muntu omu myaaka esatu;obwiire n'emisana. ³² . Erate nati bunu, nkubasigira okanca nekigambo kyaamwe eky'ekisaakyamwe ekiyinza okwomboka nokugaba obusika mu abo boona abatukuziibwe. ³³ . Tineegombangaku feeza ya muntu yeena, gonze ezaabu, gonze ebyambalo byaamwe. ³⁴ . Nnywe mumaite ng'emikono gyange ginu niggyo gyakola nga okufuna byoona bye neetaganga n'abo abaali nangye. ³⁵ . Mbalangire omu byoona nka ni kigwanila okukolanga emirimu mutyo, alenu musobole okuyambangaku abo abali n'amaani n'okwizukiranga ebigambo bya mukama waiswe Oyesu ni yakobere, ye onanyere ati okugaba kwa mukisa; okusinga okutoola. ³⁶ . Bwe yammare okusimoola atyo n'afukamira nasabira wamwe nabo boona. ³⁷ . Nibakuunga muno amaliga, boona boona nibamugwaku, oku ikoti lya Pawulo nibamunywegera. ³⁸ . Nka banakuwaire muno okusinga byoona olwekigambo kyeyasimoire ati tibakyairayo kumubona nibamusendekeeryaku okumuyikya oku kyombo.