¹ Awo olwayikire Apollo niyaali e Kolinso, OPawulo niyayakire omu mbaju eziri waiguru nayika omu Efeso nasanga Abayigirizwa abamwe. ² . Nabakoba nti mwaweerebwe omwooyo omwikiriiri nemwaikiliize? Nibamwiiramu nti bbe! Gonze nokuwuura tetuwuuranga walowo omwooyo omukwikiri. ³ . Nabakoba kale mwabatizibwe kwingiramu kiki? Nibamukoba nti omukubatizwa kwa Yokaana. ⁴ . OPawulo nasimoola nakoba nti OYokaana yabatiize okubatiza okwa kwenenya nk'akoba abantu baikirize akwaaba okwiiza enyuma waamwe, niye OYesu. ⁵ . Ni bawuliire nibabatizibwa okwingira omu ibara lya mukama waiswe OYeesu. ⁶ . OPawulo niyabataireku emikono omwooyo omwikiiri naiza oku bo, nibasimoola enimi, nibalagula. ⁷ . Abantu boona baali bayika nka eikumi n'ababiri. ⁸ . Naigira omu Ikumbaaniro nasimoolanga n'obuvumu okumala emyeezi esatu nka awakananga erate ngabasenda senda olw'ebigambo eby'obwakabaka obwa kanca. ⁹ . Baitu abandi bwe bakakanyaire nibalawuure nka bazuma enzira eya Yeesu omu maiso gekibiina; n'azwa gye bali nayawula Abayigirizwa nawakanira nabo omu isomero lya Tulano buli lunaku. ¹⁰ . Ebyo nibimala emyaaka ngeibiri boona abaali baikala omu Asiya nibawuura ekigambo kya mukama waiswe, Abayudaaya n'Abayonaani. ¹¹ . Awo buli lunaku OKatonda nakolanga ebyamagero ebitabonwangaku omu mikono gya Pawulo. ¹² . Nabalwaire ni babaleeteranga ebitambaala ne ngoye ezoku mubiri gwaamwe, endwaire nizibazwangaku. ¹³ . Baitu abantu Abayudaaya atebaaliiku waabwe, abagoba edaimoni ni beetulinkiirya nibatandika okugobanga dayimooni okumutu omu ibara lya Yeesu OMukama waiswe nka bakoba nti mbalayirya OYeesu OPawulo gwabuulira. ¹⁴ . OLwayikire ne wabbawo abaana musanju abataani ba Sukeewa Omuyudaaya okabona omukulu, boona mbakola batyo. ¹⁵ . Odayimooni nabaairamu nti OYeesu mutegeera, n'OPawulo mmumaite; baitu nnywe ninywe banaani? Ah! ¹⁶ . Omuntu eyaluku odayimooni nabagulukira nabagwaaku nabasingya amaani n'okwiluka nibairuka maseezere nka bali bwereere; taaku n'ebi wundu. ¹⁷ . Ekyo nikitegeerwa abantu boona abaikalanga omu Effeso Abayudaaya n'Abayonaani entiisa nekwaata abantu boona, eibara lya Mukama waiswe OYeesu neligulumizibwa. ¹⁸ . Erate baingi ku abo abaikirize ni baiza nibaikala nibategeeza ebikolwa byabwe. ¹⁹ . Erate baingi, ku abo, abaakolanga ogwa bufumu nibakumbaanya ebitabo, ensiriba, nebyamalogo bingi nibabyookyara omu maiso gabantu boona. Nibabala omuwendo gwebyo nibona nka gwiyika ebitundu bya Efeeza emitwalo obukumi butanu. ²⁰ . Kityo ekigambo kya mukama waiswe nikyeyongera amaani ni kiwangula. ²¹ . Ebyo mbyaweeire, OPawulo nalowooza omu mwooyo gwaamwe okwakala ku e Makedooniya ne Akaya n'okwaba eYerusaalemi nka akukoba nti nindimala okubbaaku eyo, erate kigwanira okubona n'e Ruumi. ²² . Natuma eMakedooniya, babiri okwabo abaamuweerezanga OTimoseewo no Eraasito ye onanyere n'alwaayo ebiro ti bingi omu Asiya. ²³ . Omu kiseera ekyo ni wabbaawo akacwano ti kadooli olwe nzira. ²⁴ . Kubanga omuntu eibara lyaamwe Demeteriyo omu weesi waffeeza; eyakolanga obusabo bwa Ffeza nka bwa lubaale ayetebwa Atemis nafuniranga abaweesi amagoba ti gatoono. ²⁵ . Nakumbanya abo, n'abakolanga emirimu egyo, nakoba nti Basaiza nywe bairange; mumaite nti omulimo ogwo, obugaiga bwaiswe numwo buzwa. ²⁶ . Mukubona erate mukuwuura nga ti mu Efeso mwonkai; naye nka n'omu Asiya yoona yoona OPawulo oyo Agisenseere nasendasenda erate akyuusirye ekibiina kikooto ng'akoba nti Abakolebwa n'emikono ti babba bakanca. ²⁷ . Baitu ti niiswe iswenkai tuboine akabbi komulimo gwaiswe okunyoomebwanga, erate n'eisabo lya Atemis OKatonda omukulu omukali okulowoozebwanga nka ti kintu nokutoolwa natoolebwamu ekitiibwa kyaamwe oyo asinzibwa Asiya yoona nensi yoona. ²⁸ . Abawuliire ekyo nibaizula obusungu, nibasimoora waiguru nti Atemis! Ow'Abefeso Omukulu! ²⁹ . Ekibuga kyoona nikiizula okutabuka kunu boona nibagugumuka nomwooyo gumwe okuyika omu (Theater) sweeta ne bamaare okukwata OGaayo n'O'Alisutaluuko ab'e Makedooniya abatambulanga n'OPawulo. ³⁰ . OPawulo niyatakire aingire omu bantu, Abagesya ni batamwikiriza. ³¹ . Erate abakulu abamwe abaali omu Asiya abaali emikwaano gyaamwe, nibamutumira nka bamwegayiira aleme kwewaayo omu Teyateero (Theater). ³² . Abamwe ni basimoora awaiguru bundi; n'abandi bundi, olw'okubba ekibura kyaali kyetabwiire. So nabandi baigi ni batategeera nsonga e bakumbaanirye. ³³ . Nibatoola Alegezanda omu kibura, Abayudaaya nka bakumusiindikiirya Alegezanda n'awenya n'omukono nataka okwennyonyola eri abantu. ³⁴ . Baitu mbamutegeire nka Muyudaaya, boona boona nibaleekaanira awa iguru omudoboozi limwe erikooto nti Atemi! Wa Abeefeso! Mukulu! Okumala esaawa ibiri. ³⁵ . Omuwandiisi ni yasirikirye ekibiina, nakoba nti Abasaiza Abeefeso, muntu ki atategeera nka ekibuga kya Abeefeso nikyo kikuuma eisabo lya Atemi Omukulu ne kifaananyi ekya zwiire eri OZewu!! ³⁶ . Kale olw'okubba ebyo tibyegaanika kibagwaniire nywe okwikaikana nobutakola kintu kyoona nka mwanguyiirya. ³⁷ . Kubanga muleetere abantu banu abatanyagire bya mw'isabo, so tebaivoire OKatonda waiswe omukali. ³⁸ . Kale oba ng'oDemeteriyo nabaweesi aba iraamwe baali nabo nka balina ekigambo oku muntu; enkiiko, zirowo, aba masaza balowo, eli balopengane! ³⁹ . Baitu oba nka mukuswagana bindi, byasalibwawo omwikumbaaniro eribbaawo obuliizo. ⁴⁰ . Kubanga dala tuyinza n'okuyikibwaaku akabbi, olw'akegugungo kani a leero; ol'okubba ndoowo nsonga gye tulisobola kuwozya olw'okukumbaana kunu. ⁴¹ . Ni yamaare okusimoola atyo nagumbulula ekibiina mbaba.