¹ .Erate nayika eDerube ne Lusitula: obone! waaliyo omwegesya eibara lyaamwe Timoseewo, omwana w'omukali Omuyudaaya eyaikirize baitu nka oitamwe muyoonani. ² .Eyasiimibwe aboluganda abaali Lusitula ne Ikoniyo ³ .Oyo, oPaulo nataka okwaaba naye; n'amutwala n'amukomola olw'okutiina Abayudaaya abaali omu bifo ebyo; olw'okubba baali bamumaite nk'oitamwe yaali muyoonani ⁴ .Awo nibaali baakala yakala omu bibuga,Nibawa abantu okukwatanga amateeka agalagiirwe Abakwenda n'abakaire abaali omu Yerusaalemi. ⁵ .Awo Iramyo nizinywerera oku kwikiriza nizeyongeranga oku miwendo buli lunaku. ⁶ .Nibakala omu nsi ya Fulugiya n'eGalatiya olw'okubba bagaaniibwe omwoyo omwikiriri okubbaku kyebakusimoola omu Asiya. ⁷ .Nibaikire owampi no musiya nibagezaku okwaaba omu Bisuniya n'omwoyo gwa Yesu natabaikiriza. ⁸ .Nibeetoolola eMuyisa nibayika eTulowa. ⁹ .oPawulo n'abona okwolesebwa obwiire, omuntu omumakedoni nka ayemereire okumwegayiira nk'akukoba ati owunguke oyike eMakedoni otuyambe. ¹⁰ .Bwe yamaare okubona okwolesebwa, omubwangu nitusala amagezi okwiimuka okwaaba eMakedoni nka tutegeera ati Okanca atweetere okubuulira enjiri. ¹¹ .Nikyo twazwiire tusaabala okuzwa eTulowa nitukwata enzira egyegolori okuyika eSanoserakiya oku lunaku olw'akabiri ni tuyika Neyapoli . ¹² .Nituzwaayo okuyikia eFiripo nikyo kibuga ekya Makedoni ekisokerwaku omu mbaju ezo ekyayombokerwe Abaruumi,nituba omu kibuga omwenitulwaamu. ¹³ .Awo oku lunaku olwa Saabiti nituwuluka omu mulyango ogw'ekibuga okwaaba oku mwiga ni tulwalowoozerye nka yaaliyo ekifo eky'okuramirangamu, nitwiikala, nitusimola n'abakali abakukumbana. ¹⁴ .Awo omukaali eibara lyaamwe Lugiya omutungi w'engoye eza fulungu ow'omu kibuga Suwatiira eyasinzanga Okanca natuwuura:Omukama waiswe namuswekuula omutima gwamwe okuwuulirya oPawulo bye yasimoire. ¹⁵ . Ni yabatiizibwe ye nenyumba yaamwe,natwegayiira nk'akukoba ati obanga munsiimire okubba omwesigwa edi Omukama waiswe; mwingire omu nnyumba yange mubbe omwo. Natuwaliriza. ¹⁶ . Awo olwaikire tukwaaba wadi awasabirwanga , omuwalw eyaliku edaiyimoni alagula,natwagya eyafuniranga abakama bamwe ebintu ebingi olw'okulagula. ¹⁷ Oyo ni yasengereire o'Paulo naiswe, nasimoola omwiggulu nka akobba ati Abantu bani bairu ba Kanca ali waiggulu omuno abakobera enzira eyo bucuriiri. ¹⁸ Nakolanga nga atyo ennaku zingi. Baitu o'Pawulo ,ni bwe yanakuwaire omuno nayinduka nakoba odayimooni ati nkulagira omu ibbara lya Yesu Kristo ,Omuzweeku n'amuzwaku omu kiseera ekyo. ¹⁹ Baitu abakama bamwe mbabwoine nka essubi eryo okufuna ebintu byabwe liwereirewo, ne bikwata o'Pawulo ,o'Siiras nebabakwokwota okubatwara omu katale eri abakulu, ²⁰ Ne bibatwara omu balamuzzi ni bibakoba ati bani basasamalya muno ekibuga kyaiswe, kubanga Bayudaaya, erate bakwegesya empisa eza omuzizo. ²¹ Iswe okuzikwatanga , gonze okuzikulanga Olwakubba tuli Baruumi. ²³ Mbamaare okubakuba emiggo ezingi nibabasindika omunkomyo, ne balagira omukuumi okubakuma muno: ²⁴ Oyo bweyaragire atyo, nabasindikiirya kyalumwe omu kwomera eryo'munda, nakomeera amaguru omu nvuba. ²² . Ekibbuura n'ekibaimukiraku ,awamwe, abalamuzzi nibabonoora engoye zaabwe ne bibaragira okubakuba emiggo. ²⁵ Baitu obwire omwi tuumbi ,o'Pawulo no Siiras ni basaba ni bembera o'Kanca abasibe ni babawuura. ²⁶ Amangu agwo ni wabbawo ekikakano ekikwoto,ensi yoona ne yuguuma emisingi gy'eikomera ni gyikankana,amangu agwo enyige zeikomera ne zeigura zoona, n'ebyali bibbabwowere ne bisandabuka. ²⁷ Omukuumi ow'eikomera nasisimuka ,ni ya boine enyige zeikomera zigwire, nasowola yo ekitaala kyamwe ayabe yeite olw'okuba yalowoozerye ati abasibe boona boona batolokere. ²⁸ Baitu o'Pawulo n'assimorera aigulu n'edoboozi erikoto ati otekola kibbi ,kubanga abasibe esweena tukyali tuloowo. ²⁹ Nasaba etaala, nairuka naingira navunamira o'Pawulo n'oSiiras nka yeena yeena akukankana mbe. ³⁰ Nabawulukya enzai, nabakoba ati Basebo, kigwaniire okukola ntyai okucunguka? ³¹ Nibamukoba nti oikirize o'Mukama waiswe o'Yesu wacungurwa we, n'abbo omunyumba yamu. ³² Awo nibamubulirira ekigambo kya Mukama waiswe naboona abali omu nyumba yamwe. ³³ Omukuumi oyo nabatwara omu kiseera ekyo obwire okumwigga nabaanabya amaguru; nabatizibwa ye nenyumba yamwe amangu agwo. ³⁴ Nebaniinisya omu nyumba yaamwe nabaletera emeeza nasanyuka muno ne nnyumba yamwe yoona nga aikirize o'Kanca. ³⁵ Baitu ni bwakeire emambya, abalamuzi ni bantuma abajwaka babwe ne babakooba nti musindabure abantu abo. ³⁶ Omukumi weikomera na kobera o'Pawulo ebigambo ebyo ati abalamuzi okubasindabura tubataisye.Ale ati buni muwuluke mweyabire mirembe . ³⁷ Baitu o'Pawulo na bakoba ati Batukubire omumaiso g'abantu nga tukyali nakusalwa omusango nka ate tuli bantu Baruumi ,nibatusindikirya omukomyo ,ale ati buuni bakututolamu kyaama? bbe bo abenenyerye baize batuwulukye. ³⁸ Abasilikale ni bakobera abalamuzzi ebigambo bini: nibatina mba wuliire nka baruumi. ³⁹ . Abalamuzzi mbaiza nibabegaira ,nibabawula ni bataka bazwe omu kibuga. ⁴⁰ . Nibawuluka omwikomera nibaingira omu nnyumba ya Ludiya, nibabona abw'oluganda ni basanyuka muno okwicya mbazwiireyo.