¹ .Nibakala omu Anifipali n'om Apolooniya ni bayika eSesalonika eyaali eikumbaaniiro erya Abayudaaya. ² .Awo oPawulo,nk'empisa yaamwe nibwe yabbaire nebaigiramu, Saabiti isatu, nabawakanaya nabo omu kyawandiikibwe. ³ .Nk'asweekula ngategeeza nti oKristo kya mugwaniire okubonyabonyezebwa n'okuzuukira omu bafu erate oyo Yesu ninje gwe nkubuulira, niye Kristo. ⁴ .Abamwe kubo nibaikiriza nibeigaita oku Pawulo n'oSiirasi; n'Abayoonani abeegendereza. Ekibbura kikooto n'abakyala abakulu ti badooli. ⁷ n'o'Yasooni niye yabasembererye anu, bani bona bajemera amateeka ga Kayisalia nka bakoba ati waloowo Omukama owuundi Yesu. ⁵ .Baitu Abayudaaya bwe bakwatiibwe obwiiya, nibatwala abantu ababbi ab'omu bakopi; nibabakumbaanisya abantu nibasasasamaza ekibuga, ni bazingizya ennyumba ya Yasooni nibataka okubatwala omu maiso g'abantu. ⁶ .Nibalemererwe okubabona, nibataka Yasooni nibamubba ansi nibamukokota n'abaluganda abamwe okubatwala omu maiso g'abakulu ab'omu kibuga nka bakusimoola waiguru nti abanu, abajumuka ensi,baizire niwanu!. ⁸ .Nibasasamaza ekibbuura n'abakulu b'ekibuga nibawura ebyo. ⁹ . Nibamaare okweyemeera oYasooni n'abandi, nibabataisya. ¹⁰ .Omubwangu aboluganda nibasindika oPawulo n'oSiiras obwiire okwaaba eBeroya: bona nibayikire eyo ni baingira omuikumbaaniro erya abayudaaya. ¹¹ .Baitu bani baali basai okusinga ab'eSeselonika,olw'okubba baikirize ekigambo n'omwoyo omubwangu muno,buli lunaku nka baswagana omubyawandiikirwe oba nk'ebyo,nimwo biri bityo. ¹² Abamwe baigi nikyo bazwiire nibaiyikiriza erate abakali. bakali abayoonani abatutumuki taaku na basaiza abatali badooli. ¹³ Baitu Abayudaaya ab'eSeselonika nibategaire nk'ekigambo kya Kanca kibuuulirwa oPawulo erate n'omu Beroya kisibire n'amakanda, nibaizaayo; nibataka okubangula ekibbura erate nibasasamalya. ¹⁴ Awo omubwangu aboluganda nibasindika oPawulo okwaaba okwika okunnyanja: oSiiras n'oTimoseewo bo ni babba eyo. ¹⁵ .Baitu abasendekereirye oPawulo,nibamuleeta omu Assene nibalagirwa okukoba oSiiras n'oTimoseewo baize gyaali omu bwangu bwangu obwongo nkisoboka bo ni bbaaba. ¹⁶ .Baitu oPawulo bwe yaali akyali omu Aseni nk'abalindirira,omwoyo gwamwe nigumuluma muno niyabwoine nk'ekibuga kyona kizwiire bifananyi. ¹⁷ .Awo nawakaniranga omu makumbaaniro n'Abayudaaya n'abaali batiina Okanca erate n'omu Katale buli lunaku n'abo abamwajangananga. ¹⁸ .Abantu abamwe abafirosoofo n'aba epikuliiyo ne Abasutoyiiko bona ni bamwajangana, Abamwe nibakoba nti onu akutaka kusimoola ki?Akubwija-bwijanambe! abandi nibakoba nti okwisana nk'abuulira oYesu n'okuzuukira. ¹⁹ .Ni bamutwala nibamuleeta oku Aleyopaago nakoba ati iswe twasobola okutegeera okwegesya kuni okuyaaka kwa kukoba nka bwekuli. ²⁰ .Olw'okubba oletere ebigambo ebiyaka omu matwi gaiswe;nikyo tuzwa tutaka okutegeera amakulu g'ebigambo bini. ²¹ .Abantu omu Aseeni bona n'abageni ababbangayo; tibakolanga kintu kindi kyona wabula okusimoola n'okuwuuliryanga ekigambo ekyiyaka. ²² .oPawulo n'ayemeera akati wa Aleyopaago n'akoba ati abasaiza aba Aseene mbabweine omu byona nka mutiina muno, embandwa zaannywe. ²³ .Olw'okubba mbaire nkwakala yakala ni ndolerera bye muramya ,erate nisanga ekyoto ekiwandiikirwe ku nti " Kya Kanca atategeerwa" ²⁴ .Okanca yakoore ensi n'ebirimu byona,oyo olw'okubba niye Mukama waiguru n'ensi; tasobola okubba omu masabo agaakoleibwe ne,mikono. ²⁵ .So Taweerezebwe mikono gya abantu, nk'eyataaga ebintu?olw'okubba oyo niye abawa bona obwomi n'okuwumula omwika omu byona. ²⁶ .Okuzwa omu muntu omwe, yakoore buli iwaanga ly'abantu okwikala oku nsi embaju zona bwe yalagiire nayawulamu ebiro n'ensalo ez'okwikala kwabwe. ²⁷ .Baswaganenga Okanca; kini yakoore atyo abantu bayike n'okupampaata nka abasuubira okumubona Omukama, yete taali alai okuzwa wetuli ²⁸ .Olw'okubba omu oyo,tubba boomi, tutambula erate tubbaawo nk'abamwe okwabo abayiiya ebitontome bakobere ati olw'okubba era te,tuli baana bamwe. ²⁹ .Aale nka bwetuli eibyale lya Kanca. tekigwanira kulowozanga nti Okanca aisana zaabu, oba Feeza oba Ibaale eby'olebwa n'okutetanya amagezi ga bantu. ³⁰ .Baitu Okanca omu biro ebyo, eby'obutamanya tiyabinonozenga; Baitu ati buni alagira abantu bona,abaali awantu wonna-wona okwenenya. ³¹ . Olw'okubba yateirewo olunaku lwakusaraaku omusango ogw'ensonga ensi zona omuntu gwe yayawuiremu, ni yamaare okuwa abantu bona okwikiriza n'amuzuukirya omu bafu. ³² .Baitu nibawuulire okuzukira kw'abafu,abamwe nibagwola; abandi nibakoba naye iswe tulikuwuura, ³³ .Okubba ekigambo ekyo awo oPawulo n'abazwamu akati. ³⁴ .Baitu abasaiza baamwe nibeigaita naye, nibaikiriza; omu abo oDionozio omu Aleyopaago n'omukaali eibara lyaamwe Damali,n'abandi baingi omu abo.