¹ .Awo abantu nibazwa eBuyudaaya nibebegesya aboluganda nti bwe mutakomolebwe nk'empisa ya Musa bweri ,timuyinza kucungura. ² . Ni waloowo empaka zingi n'okwawukana okw'endowooza akati wa Pawulo n'oBalunabba oku lubaju olumwe;n'abo abazwiire eBuyudaaya nibalagira oPawulo n'oBalunabba n'abandi oku abo okwaaba Yerusaalemi edi Abakwenda n'abakaire olw'empaka zinu. ³ .Awo bwe bamaare okusibirirwa entanda ab'ekanisa,nibaakola omu Foyiniiki n'eSamaliya,nka bakwaaba banyoyola muno okukyuka kw'abamawanga ne basabanyusiza kimwe aboluganda bona. ⁴ . Ni nibayikire eYerusaalemi edi Abakwenda,ab'eiramyo n'Abakwenda nibabasemberya, nibabuulira byona Okanca bye yakoleire amwe nabo ⁵ .Baitu nibaika abamwe ab'omu kitundu ky'Abafaalisayo abaikiriza nka bakoba nti kigwana okubakomolanga n'okubalagira bakwetenge amateeka ga Musa. ⁶ .Abakwenda n'abakaire nibakumbaana okwetegereza ekigambo ekyo. ⁷ Ni waloowo okwawukana okwendoowoza okwingi, oPetero nayemeera n'abakoba ati abasaiza aboluganda nnwye mumaite ati okuzwa omu naku ezaira,Okanca yalondere omu nnywe abamawanga bawuure omu kanwa kange ekigambo ky'enjiri nibaiyikiriza. ⁸ .N'Okanca,amaite emitima nabategeza nka bwe yabawaire omwoyo omwikiriri nka iswe. ⁹ .Natayawula iswe, nabo niyalongoosere emitima gyaabwe olw'okwikiriza. ¹⁰ .Aale ati buni,mukukemera ki Okanca okuta ekikoligo ekyo omu makooti g'Abegesya abazeiza baiswe ekyabalemere okutwala gonze iswe? ¹¹ .Baitu twikiriza okucungura lwa kisa kya Mukama waiswe oYesu; erate bona nimwo baali. ¹² .Ekibbura kyona nikisirika;nibawuulirya oBalunabba n'oPawulo nka banyonyola obumanyiisyo n'eby'amagero byona Okanca bye yabakozesyanaga omu mawanga ¹³ .Abo nibamaare okusirika,oYakobo nairamu nakoba ati abasaiza aboluganda mumpulirye. ¹⁴ .oSimooni yannyonyoire Okanca nka bwe yasokere okulolerera amawanga okutoramu eibara lyaamwe abantu. ¹⁵ Ebigambo bya Mulangi,bitabagana kusai n'ebyo nka bwe kyawandiikirwe nti ¹⁶ .Oluzwanyuma lw'ebyo,ndikyuka,ndiraamu nyomboka eweema ya Dawudi eyagwire okuwendeka kwaayo ndiiramu ninkwomboka erate ndiimukya! ¹⁷ .Abantu basigairewo baswagane Omukama !n'amawanga gona abayeteibwe eibara lyange ku abo. ¹⁸ .Numwo osimoola Omukama ategeeza ebyo byona okuzwa oku olubereberye olw'ensi. ¹⁹ Nikyo nzwiire ninsalaawo, tugane okugadyagadya abairaiswe abazwa omumawanga okukyuukira Okanca. ²⁰ Baitu tubawandiikire, bewalanga obugwagwa bw'ebifanayi n'obwenzi n'ebizindirirwe n'omusaayi. ²¹ .Olw'okubba okuzwa eirai Omusa alina, omu buli kibuga, abantu ababuulira erate n'asomerwaku omumakubaniro buli saabiti. ²² .Awo Abakwenda,n'abakaire ammwe n'eiramyo nibakisiima ,nibalonda abantu omu bo n'okutuma omu Antiyokiya n'oPawulo n'oBalunabba n'oYuda ayeteebwa oBalunabba n'oSiira abantu abakulu omu baluganda. ²³ .Nibawandiika ebbaluwa nibagikwasa omu mikono gyaabwe nti Abakwenda,Abaluganda n'abakaire tubalamukirye abaali mu Antiyokiya n'eBusuuli n'eKirukiya abaali omu mawanga. ²⁴ .Olw'okubba tuwuliire abantu abazwiire enu ewaiswe baabasasemairye nti abantu n'ebigambo nka abakukyusa emyoyo zaanywe be titulagirangaku. ²⁵ .Tusiimire tutabagaine n'omwoyo gumwe okulonda abantu okubatuma gye muli; amwe n'abagaalwa baiswe oBalunabba n'oPaulo. ²⁶ .Abantu abisingirewo bwomi bwaabwe olw'eibara lya Mukama waiswe oYesu Kristo. ²⁷ .Nikyo tuzwiire nitutuma oYuda n'oSiira erate alibakobera obumwe abanyenere nakanwa. ²⁸ .Olw'okubba omwoyo omwikiriri yasiimire iswena tugane kubatiika omugugu omukooto gwoona wazila binu ebikalu ebigwana. ²⁹ .Okwewalanga okulyanga ebiweebwayo edi ebifananyi n'omusaayi n'ebisolo ebizindirirwe n'obwenzi bwe mwekuumenga ebyo,mwabbanga mukoore kusai mweraba! ³⁰ .Awo nibamaare okusindiikibwa nibaiza omu Antiyokiya nibabakumbaanya ekibbura eky'abantu; nibabakwasa ebbaluwa. ³¹ Nibagisomere, bona nisanguka muno olw'okubuulirwa okwo. ³² .oYuda n'oSiiras, olw'okubba bona baali Balangi, nibakobera aboluganda omu bigambo bingi nibabagumya. ³³ .Bwe bamaare ebiro, nibasiibulwa aboluganda n'emigyo okwiraayo edi ababatumiire. ³⁴ .Baitu oSiira yasiimire okusigalaayo. ³⁵ .Baitu oPawulo n'oBalunabba nibalwaayo muno omu Antiyokiya; nka bakwegesya erate bakubuulira ekigambo kya Mukama waiswe erate amwe n'abandi. ³⁶ .Ebiro nka byakairewo, oPawulo nakoba oBalunabba ati kale twireyo tulambule aboluganda omu bulin kibuga gye twabuulire ekigambo kya Mukama waiswe,tubone nka ni baali. ³⁷ .oBalunabba n'ataka okutwala oYokaana, eibara lyaamwe ery'akabiri makko, ³⁸ .Baitu oPawulo tiyasiimire kumutwala:oyo omuntu eyabalekere omu Panfulluya nabo oku mulimu. ³⁹ .Niwabbawo empaka zingi,n'okwawukana,niwabawukana,oBalunabba n'atwala oMakko nawanika amalanga okwaaba eKupulo. ⁴⁰ .Baitu oPawulo n'alonda oSiirasi,nazwaayo Aboluganda nibaamusigiira ekisai kya Mukama waiswe. ⁴¹ .Nayakala omu Busuuli n'omu Kerukiya nk'akugumya eiramyo.