¹ .Awo olwaikiire omu Ikoniyo nibaingirira kumwe,omwinkubaniro erya Buyudaaya nibasimoola batyo;ekibbura kikoto n'okwikiriza nibaikiriza,Abayudaaya n'abayonani. ² .Baitu Abayudaaya abatagondere,nibatangula abamawanga nibafoola emyoyo zaabwe okubba ezibbi edi abaluganda. ³ Awo ni bamala ebiro bingi nka babuura nobuvumu bwingi omumukama waiswe eyategeezerye ekigambo ekya kisa kyaamwe nka abaweerya obubonero nebyamagero okukolebwanga omu mikono gyaabwe. ⁴ .Baitu ekibbura eky'omu kibuga nikyawukanamu; abamwe ni bba okulubaju lwa'bayudaya ate abandi okulubaju lw'abakwenda. ⁵ .Abamawanga n'Abayudaaya amwe n'abakulu baabwe bwe babalumbire okubakoora eby'ekyejjo,okubajooga erate n'okubakubba amabbaale. ⁶ .Bwe bakitegeire nibairuka omu bibuga ebye Lukaoniya,Lusitula ne Derube; n'ensi ezirirainewo; ⁷ .Nibabb'eyo nka bakubuulira enjiri. ⁸ .Omu Lusitula, waaliyo omuntu nka taali n'amaani omu maguru byaamwe n'abba ng'awo mulema okuzwa omu kidda kya maamwe nka tatambulangaku gonze akadooli. ⁹ .Oyo nawuura oPaulo nk'akusimoola: yena namwekaliirya amaiso n'abona nk'alina okwikiriza okucungura. ¹⁰ .oPaulo n'asimoola n'eiraka elikooto muno; nti yemeera! oku maguru byaamu, weegolole! n'aguluka n'atambula. ¹¹ .Ekibuura nikyabweine oPaulo ky'akoore, nibaimukya amaraka gaabwe nka basimoola omu lulimi olulukaoniya,Aba Kanca abaikire gye tuli nka bakwisaana nk'abantu. ¹² .oBalunabba nibamweta zeewu n'oPaulo nibamweta kerume, olw'okubba niye yasingire okusimoola. ¹³ .Okabona wa Zeewu,eyaali omu maiso g'ekibuga naleeta onte n'engule ez'ebimuli okwika oku lwigi nk'akutaka okuwaayo eSaddaka ebibbura. ¹⁴ .Baitu abakwenda,oBalunabba n'oPaulo bwe bawulire,niboonola engoye zaabwe;nibafubutuka nibabba omu kibuura nka bakusimoola igurue. ¹⁵ .Nka bakukobba nti abasaiza!kiki ekikubakozesya ebyo?Iswena tuli bantu abakwatiibwa byona nka nnywe erate tubabuulira ebigambo ebisai ,muleke ebyo ebitaalimu;mukyukire Okanca omwomi,eyakoore eiguru n'ensi n'enyanja n'ebintu byona ebirimu. ¹⁶ Omu migyo egyayakaire yalekere amawanga goona okulambuura omu mazira gaago. ¹⁷ Baitu tiyeemaareyo nka talina mujuurwa olw'okubba yakolanga kusai nka abatonyeseza oikendi okuzwa omwiguru, n'ebiro eby'okubalirangamu emere;naizuulyanga emitima gyaabwe n'emere n'eisanyu. ¹⁸ .Bwe basimoire ebyo,nibaziyiza ebibbura lwa mpaka okubawa esaddaaka. ¹⁹ .Baitu Abayudaaya nibazwa omu Antiyokiya ne ikonio nebabatangula ebubbura olw'okubba oPaulo n'amabbaale,nibamukulula nibamulukya enzai wa Kibuga nka bakulowooza nti afiire. ²⁰ Baitu Abegesya bamwe nibamwetooloire,nayemeera nayingira omu kibuga;oku lunaku olwa kabiri,nayaba n'oBalunabba okwika e Derube. ²¹ .Nibamaare okubuulira enjiri omu kibuga ekyo,n'okufoola Abegesya baingi nibairayo omu Lusitula ne Ikonio ne Antiyokiya. ²² .Nka banyweeza emitima ez'Abagesya nka bababuulira okunyikiririranga mu ku kwikiriza erate olw'okubona enaku ezingi ziti;kitugwaniire okwingira omu omubukama bwa Kanca. ²³ Nibamaare okulondera abakaire omu buli iramyo, n'okuramya n'okusiiba; nebabasigira Omukama waiswe gwe baikirize. ²⁴ .Nibakola omu Pisidiya nibayika Panfuliya. ²⁵ .Nibamaare okubuulira ekigambo omu Peruga nibasererengeta omu Ataliya. ²⁶ .Nibazwaayo,niwanika amatanga okwika Antiyokiya abaayo nibabasigira ekisa kya Kanca olw'omulomo omukooto gwe bayikirirye. ²⁷ . Ni bayikire, nibakumbaanya iramyo nibabakobera byona Okanca bye yakooranga amwe nabo, erate yaigulirewo abamawanga olwii olwokwikiriza. ²⁸ .Nibamalaayo ebiro bingi amwe n'abegesya.