¹ Tonenyanga mukaire,naye omukoberenge oitamwe, aboojo nka abaganda baamu. ² . Abakali abakaire nka omaawo: nabakali abato nka aboonyoko bamu: Omu busai bwoona. ³ . Obawange ekitinisya aba namwandu abaaba abannamwandu kakimwe. ⁴ . Baitu onamwandu yeena n'abaana oba abaizukulu,babazenge okwega okwegendereza nka abo aba mu nyumba zaabwe,n'okusasula abakaire baabwe, kubanga ekyo nikyo kitinisya omu maiso ga Kanca. ⁵ . Baitu ayamba onnamwandu kimwe nalekebwa yenkai,assuubira Kanca.nokwesengeerya emisana n'obwiire. ⁶ . baitu ate oyo ayendya ebinyuma abanga afiire gonze nka akyali mwomi. ⁷ . Erate n'ebyo obalangirenga balemenge okubbaaku ekya kunenyezebwa. ⁸ . Baitu omuntu yeena atajanjaba baamwe, n'okusinga aba nyumba yamwe nka yegaine okwikiriza, erate nka niye omubbi okusinga ataikirize. ⁹ . O'Namwandu yeena tawandikibwanga nka akyali kwica myaka nkaaga,eya sumbiirwe omusaiza omwe. ¹⁰ . Asiimwa omubikolwa ebisai, aba niye aginga abaana ,oba nka niye anabya abakaikiriri amagulu, oba nga niye eyayambanga abakubonabona ,oba nga yasengeryanga muno buli kikolwa ekisai. ¹¹ . Baitu abanamwandu abakyali abato obaganenge, kubanga bwebakyali kubalwa edi o'Kristo, nga bakyayendya okufumbirwa; ¹² . Batyo nibairya omusango kubanga banagire okwikiriza kwabwe okwekereire; ¹³ . Erate bayegere okuba abagarai nga bakutambula okumalaku amanyumba;baitu ti bagarai bugarai, naye ate balina olugambo na kasiidi nka bakubaza ebitakwiiza. ¹⁴ . Nikyo nzwa nnyendya abakyaali abato basumbirwenge, babyalenge abaana bafugenge enyumba zabwe, balemenge okuwa omuzigu omwagaanya okuzuma. ¹⁵ . kubanga waliwo abandi abakyamire okugobeera o'sitaani. ¹⁶ . Omukali yeena aikiriza nabanga nabanamwandu, abajunenge eiramyo okulemeerwa ale ayambenge abanamwandu kakyarumwe. ¹⁷ . Abakulu abafuga okusai basanira okuweebwa ekitinisya emiijo ibiri, naddala abo abafuga omukubuulira ekigambo n'okwegesya. ¹⁸ . Kubanga ekyawandikibwe kikooba kiti: Tosibanga munwa gwamu, awuura namatwi niye akola emirimu aba assana empeera yamwe. ¹⁹ . Toyikirizanga lubbazo okumukaire nga nddowo bajurwa babiri oba basatu. ²⁰ . Abasissa obanenyazzanga omumaiso ga abantu boona, era nabandi batyo batinenge. ²¹ . Nkukuutira omumaiso ga Kanca nka tokola kigambo olwa magezi . ²² . Toyangwilyanga kutta mukono oku muntu yena, erate toikirizanga kimwe nakibi ebya bantu abandi wekume obenge musai. ²³ . Tonywanga maizzi gonkai, naye onywa nga ku kumwenge kadyooli olwanda yamu n'okulwalalwala. ²⁴ . Walowo abantu nga ebibbi byabwe bibba mulwattu, nga bibekulembera okwaba omumusango: nga ate nabandi baboneka luzwanyuma. ²⁵ . Eranga nimwo kityo nebikolwa ebisai bibba mu lwattu; ni kitabba kityo erate tebilirema kwolesebwa.