¹ Abali omu miceeno zza bwiru balowozenge bakama babwe banyweere ni basanira ekitinisya kyoona, eibara lya Kanca n'okwegesya kwaiswe biremenge okuzumibwa. ² . Abo abalina abakama baabwe abaikiriza tibabanyomanga, olwakubba ba luganda, baitu beyongere oku bawerezanga, olwakubba abaganyirwa omu kuweereza kwaabwe, baikiriza ate bendebwa, yegesya ebyo obirambenge. ³ . Omuntu yeena nayegesyanga obundi,era nataikirizanga ebigambo bya bwoomi,ebya Mukama waiswe o'Yesu Kristo,n'okwegesya okusengeerya okutiina o'Kanca. ⁴ . Nka yekulumbalya,n'ataluku kyakwetegya, wabula okuwangirya mbe empaka n'entalo eza ebigambo, omuzwa obwiya,okulwana,okuzuma,n'okuwangiirya. ⁵ . Amwe n'okukayana okw'abantu nabasinsikaire amagezi,abaibwaku amagezi,nka ni baloowoza oku kutiina o'Kanca nikwo kufuna amagoba. ⁶ . Baitu okutiina Kanca o'butayayaananga nigo magoba againgi. ⁷ . Olwakubba titwaletere kintu omunsi ,erate tetuyinza kwiyamu kintu . ⁸ . Baitu netubba n'emmere ne by'okuzwala ,ebyo byatumalanga. ⁹ . Baitu abendya okuguuduwala bagwa omu kwoyera n'omu mitego n'okwegomba okwingi busirusiru busiisa,n'okwiniika abantu omu kubula n'okuwerekeerya. ¹⁰ . Olwakubanga okwendya ebintu nikyo kikolo ekya ebibbi byoona, walowo abayayanira ebyo ,nabayindurwa okuzwa omwikwikiriiza,ni beesumitira kimwe obujune obwingi. ¹¹ . Baitu we, omuntu wa oKanca, irukanga ebyo, osengerye obwikiriiri, okutina oKanca, okwikiriza, okwendya, okuguminkirizanga n'obugudda. ¹² . Lwananga okulwana okusai okwa kwikiriza, gumyanga abwomi obutawaawo, bwe waiteirewo, no yatula okwatula okusai omu maiso ga bajjurwa abaingi. ¹³ . Nkukuutira omu maiso ga oKanca, awa byoona obwoomi, no Kristo oYesu eyategeize okwatula okusai okuji oPontiyo oPiraato; ¹⁴ . Weekumenga ekiragiro awataali kipaapi, awatali okunenyezebwa, okwicya okukubwonekka okwa Yesu Kristo. ¹⁵ . Kunu kulirangibwa omu ntuuko zaakwo o'Mukama wa buyinza yenkai ayangirizibwa Mukama wa bakama,era wa baandi. ¹⁶ . Alina okutafa yenkai,aikara omu kutangala okutasemberekeka ,omuntu yeena gwa tabwonangaku ,awebwenge ekitinisya n'obukama obutawaawo Amiina. ¹⁷ . Okalatirenge abaguuda aba mu miijo jaati obutegulumirizanga gonze okwesiga obuguuda obu taali obwaluberera ,wabula o'Kanca atuwerye byoona olwa buguuda tulyoke twesanyusenge n'ebyo; ¹⁸ . Bakolenge kusai, babenge baguuda omu bikolwa ebisai ,babbenge benda ,baicenge kimwe balowozenge kimwe. ¹⁹ . Olwo babbanga beebikira ekya kusinziiraku ekisai olwa biro ebikwaba okwizza,balyoke bagumyenge obwomi kacarumwe. ²⁰ . OTimoseewo,kumanga kye wabiikisibwe, nka okwewala ebigambo ebitalimu ebitali bya oKanca n'okwawukana kwa bigambo bi beyegere omu magezi. ²¹ . Walowo abantu abekoba okubba nakwo, ni bakyama omu kwikiriza ekisai kibenge nanywe.