¹ Baitu omwoyo asimoola nti omunaku ezikusembayo walibawo abalizza omu kilikiirya ,nka bawula emyoyo ezi kyamire no okusomesya kwa ba setaani; ² Olwa obunanfussi bwe babeyege,nka bokyebwe emyoyo zabwe nke ekyuma ekikwokya. ³ Abo besoomere okusumbirigana erate nka bakwesoma okulekanga ebiribwa o'Kanca bye ya tondere biribwenge omu kwebalya abaikiiriri ni bategera kyarumwe amazima. ⁴ Olwakubanga buli kitonde kya Kanca kisai so ndowo kyakunanga nikitolebwa n'okwebulya. ⁵ . Olwakubanga kyerukibwe na kigambo kya Kanca n'okusaba. ⁶ Ni waizukilanga abw'oluganda okwizza kubanga muwerezzi musai owa Kristo Yesu ,ng'okukola omu bigambo byakwikirizza n'okwegesya okusai kwe wasengereire. ⁷ Baitu ensubiiro ezi tali zza ddini eza busirusiru ni zo leke wemanyi lyenge okutina o'Kanca, ⁸ Olwakubanga okwemanyizza okwa mubiiri kuta n'akassera kadyoli;baitu okutiina oKanca kuli omu byoona byoona, kubanga kulina okusubiza kwamwe obwomi bw'ati bwakwa kwizza. ⁹ Ekigambo kyaamu kyesigibwa era kisaanira okwikirizibwa kwonakwona. ¹⁰ Kubanga nikyo tuzwa tubonabona ni tunyiikira, kubanga twasubire OKanca omwomi, omujuni wabantu boona boona, okusinga wabaikiriiri. ¹¹ Lagiranga ebyo, okusinga ebyegesa. ¹² . Omuntu yena yena takunyoomanga lwa munyetto gwamu; baitu bbanga kyakuboneraku edi abo abaikiriza omukusimoolanga, omukutambulanga nomukubba abaculeeri. ¹³ . Okwikya ni naliyiza, wekalangulenge okusoma, n'okubuliranga. ¹⁴ Tolekanga kirabo ekiri omuwe, kye weweyibwe olw'obuyabbi amwe norokutebwaku emikono za bakayire. ¹⁵ Ebyo obirowoozenge, obenge omubyo byonabyona babonenge ng'okwaba mu maiso. ¹⁶ . Weekumenge wenkai no'kusobola kwamu. Wekalungulenge omu mwebyo, kubanga n'okola otyo, olyerokola wenkayi era n'abo abakuwura.