¹ Kyesigwa ekigambo ekyo kiti, omuntu nataka obulabirizi, abba yegombere mulumo gusai. ² Ale Omulabirizi kimwetagisya obutabbaku kamogo, abbenge musaiza nka ali nomukali omwe, ate nga tatamiira, nga yegendereza, mukwaatampola, ayaniriza abagenyi, ayegesya; ³ . Atalwanira ku mwenge, timwandi; baitu muculeeri nga tatongana erate nka taali namairu ga sente. ⁴ Nka afuga kusai enyumba yamwe, akuuma abaana nga bawulize erate nka bali nekitiibwa. ⁵ Olwakubba omuntu natamanya kufuga nnyubba yamwe ayinza atyai okulabiira ekanisa ya Kanca? ⁶ Tasanira kubba eyakacuuka, elekenge okwekulumbalya aleke okugwa omumutego gwa sitaani. ⁷ Omungeri niyo emwe asanira okubbanga nebigambo ebisai edi abo abanzai alekenge okuggwa omukuzumibwa n'omuguguwa gwa sitaani. ⁸ Erate kityo abawereza kibasanira abantu abalumu ekitinisya, nka tibali nenkwe nka tibafugibwa mwenge, nga tibali namairu gabintu olwakufuna amagoba. ⁹ Nga bakuuma ekyama kya kwikiriza ommwoyo ogusai. ¹⁰ Erate bekeerenge okubagezesya basobole okuwereza nka tibaluku kyakubanenya. ¹¹ Erate nabakali batyo kibasanira okubbanga nka bulumu ekitinisya, nka tibawangiirya nka begendereza nka besigibwa omu byoona byoona. ¹² Abawereza babbenge basaiza ba mukazi omwei nga bafuga abaana baabwe okusai nenyumba zaabwe. ¹³ Olwakubba abamala okuwereza okusai befunira obukulu obusai nobugumu bwingi omukwikiriza okuli omu Kristo Yesu. ¹⁴ Nkuwandikiire ebyo nka nkusubira okwiiza jooli mangu. ¹⁵ Baitu nindibba ndwirewo obbe nka omaite ekisanira okolebwa omunyubba ya Kanca nka niyo ekanisa ya kanca omwoomi, empagi nomusiingi ebyamazuma. ¹⁶ Erate nka ndoowo kugulukyagulukya, ekyama kyakutiina OKanca nikyo kikulu oyo eyabonekeire ommubiri mbamuwa obwikiriiri omumwoyo, nabonebwa omalaika, nakoberwa amawanga naikirizibwa omunsi natwalibwa omukitinisya.