¹ Kale okusooka kwa byoona byoona mbabuliira okwegayiranga n’okusabanga n'okukakalukananga n'okwebalyanga bikolebwenge oku lw'abantu boona boona; ² Oku lwa bakama n'abakulu boona boona;leke tubbenge n'obwomi obutereeri obwa mirembe omu ku tiina oKanca kwoona kwoona no mu kwegendereza. ³ Ekyo nikyo kisai,ekkikiribwe omu maiso ga Mulokozi waiswe o'Kanca, ⁴ ataka abantu boona boona okucungurwa erate okwika omukutegera kimwe amazima ⁵ Olwakubba walowo o'Kanca omwe,erate omugaitaganya wa Kanca na abantu omwe,omuntu Kristo Yesu, ⁶ eyewaireyo abbe omutango olwa boona boona: okutegeeza kulibbaawo omu biro byakwo. ⁷ Olwa bini nje natekeibwewo okubba omubuulizi omubaka (nsimoola mazima,timbeyega),omwegesya wa mawanga olwa kwikiriza n'amazima. ⁸ Nikyo nzwa nyendya abasaiza basabenge omu buli kifo ,nka baimukya emikono ejikiriiri awatali busungu na mpaka. ⁹ Ale batyo n'abakali beeyonjenge omubyambalo ebisanire ,n'okukwatibwa ensoni,n'okwegendereza;baitu timu kusiba isoke ,ne zaabu oba luulu oba engoye eza muwendo ogwingi; ¹⁰ . Baitu(nga kisaanire abakali abeeyeta abatiina o'Kanca)ne bikolwa ebisai. ¹¹ Omukali ayegenga omu buculeeri omu kugonda kwoona kwoona . ¹² Baitu omukali mmugaine okwegesyanga, gonze okufuga omusaiza baitu okubbanga omu buculeeri. ¹³ Olwakubba Adamu niye eyekereire okutondebwa oluzwanyuma o'Kaawa natondebwa; ¹⁴ Erate Adam ti niye eyabegeibwe baitu omukali odi niye yabegeibwe n'omu kusiisa. ¹⁵ Baitu aiza okucungurwanga omukubyara, ni banyinkiiranga omu kwikirizza,n'okwendya n'obwikiiri amwe n'okwegendereza.