¹ . Aale mutekenge obubbi bwoona nobukuyikuyi bwoona nobukurupya n'obwiya n'okusimoola okubbi kwoona. ² . Nk’abaana ekerembe abakaiza okubyalibwa, mwegombenge amatai agamwoyo agatalimu bubeyege, galyoke gabakulisye okwika okukulokoka. ³ . Kubbanga mwalozere oku mukama naali omusai. ⁴ .nga mukwiiza eji oyo,eibbaale eryoomi,eryagaaniibwe abantu,naye eji oKanca liroonde,lya muwendo gwingi, ⁵ . Era naanywe nka amabbaale agoomi mwobwokebwa ennyumba eya mwoyo, esiimibwa Okanca mu Yesu Kristo omukama waiswe. ⁶ . Kubanga ekyawandiikibwe kiti, ‘’bona, nkutta omu sayuuni eibbaale erikulu erya kunsonda, erya muwendo ogwingi; era amwikiriza talikwatibwa nsoni. ⁷ . Kale eri nnywe abaikiriza omuwendo gwingi naye edi abatakiriza, eibbaale abomboki lye bagaine, eryo nilyo lyafuukire omutwe ogwa kunsoda. ⁸ . Era eibbaale eriteesitaalwaku, ate olwazi olunaga:kubbanga abeesitaala okukigambo nga tibagonda, era kwebabateekeirweewo. ⁹ . Naye nnywe mu iyanga elilonde, bakabona ba mukama, kika kikiiri, bantu ba nvuma, mulyoke mubuulirenge ebisai ebyoyo ayabeetere okuzwa omu mulikiirya omu kwingira omu kutaangaala kwaamwe okwa kitalo: ¹⁰ . Eirai abataali eigwanga naye aati muli iggwanga lya Kanca; abaali, basaasiirwe,naye aati musaasiirwe. ¹¹ . Bakaagwa, mbeegayiriire nk’abbakali nabatambuli, okwewalanga okwegomba okwa mubiri okulwanna no bwoomi. ¹² . Nga mulina engeso zaanywe ezisai omubamawanga, nka nibabasimoolaku nga bakoore okubbi, olwabikolwa byaanywe ebisai, bye baboina balyoke bagulumize Okanca okubonerwamu. ¹³ . Mwogonderenge buli kiragiro kyabantu kubwa mukama waiswe, oba omukama nga niye asinga boona. ¹⁴ . Oba abamasaza,nga gye abatumire olwa kukangakuvula abakola ekubbi, nolwa kusiimanga abakole okusai. ¹⁵ . Kubbanga okanca nimwo ataka atyo, nnywe okusirikanga obutamanya bwabantu abasirusiru nga mukukola okusai. ¹⁶ . nka abaidembe, ate tinka abalina eiddembe lyanywe olwa kukisanga obubbi.naye nka abairu ba Kanca. ¹⁷ . Mutengemu ekitinisya omukama. ¹⁸ Abaweereza, mugonderenge abakama banywe,nga mubataamu ekitinisya ekiizuli,tinibo abo bonkai na bakwatampola, naye naabo abandi. ¹⁹ . Kubanga kyamukisa omuntu nabonyabonyezebwa awtali nsonga nagumiinkiriza olwakwiikiiirya ekyo oKanca kyayendya. ²⁰ . Kubbanga ni mukola okubbi ni mukubwa empi, ni muligumiiriza ittendo ki? Naye ni mukola okusai nemubonyabonyezebwa, ekyo nikyo kiri siimibwa owa Kanca. ²¹ . Olwakubba ekyo nikyo kyemwayeteirwe, kubbanga eri Okristo yabanyezebwebonyezebwe okulwanywe, nga abalekera ekya kuboneraku, mulyoke mutambuure omumagulu gaamwe. ²² . Ataakoore kibbi, gonze obukuyikuyi tibwabo nekere omukanwa kaamwe. ²³ . Ni yazumiibwe, ataazumire ate ni yabonyebonyezeibwe,atakangire; naye yewaireyo edi oyo asala omusango ogwa nsonga. ²⁴ . eyetiikire abibbi baiswe omu mubibiri gwaamwe okumusalaba, nga iswe tumaare okuffa okubibbi, tulyoke tubenge aboomi edi obwiikiriiri; okukubibwa kwoyo nikwo kwabawawonyere. ²⁵ . Kubbanga mwaali mukyaama nka ntaama,naye aati mwiire eji omusumba era omulabiiri wa bwoomi bwaanywe. 3