¹ Ale mutyo, abakazi mugonderenga abaami bannywe abenyenere, era niwabangawo abatakwikiriza kigambo, balyo bawangulwenga tilwa bigambo baitu olwampisa zabakazi baabwe, ² . Kubbanga babonanga empisa zaabwe ezisai ezakutiina. ³ . Obuyonjo bwanywe tibwabe bwa kuruguru, obwa kulanga eisoke nokutamu ezaabu nokuzwala engoye; ⁴ . Baitu omuntu wamwoyo taboneka, mu kizwalo ekitasisikala, nigwo mwoyo omuculeri oguteki, no gwa muwendo ogwingi omu maiso ga Kanca. ⁵ . Kubbanga mutyo erai era nabakazi abakiriire abasuubiranga Okanca, nebeyonjanga nka bakugondera abababwei benyini; ⁶ . Nka osaala ni yagondere Ibulayimu, nga akumweta omwami ate nanywe muli baana bamwe nikula okusai ni kutatinisibwa okutiina kwoona kwoona. ⁷ . Ale mutyo abasaiza mubenge nabakazi bannywe namagezi nka mukubawanga ekitinisya omukazi nka ekitaabu okisinga obunaki, kubbanga boona basika bairanywe aba kisa kya bwoomi, okusaba kwanywe kulekenge kugobebwa. ⁹ Temuwalanangananga kibbi olwaki kibbi, oba ekizumo olwakizumo, baitu obutaisana nka ebyo, mube abasabira omukisa; kubbanga ekyo nikyo mwayeteirwe, mulyoke mugweite omukisa. ⁸ . Ekikusembyayo, nyweena nyweena mubenge nomwoyo gumwe abasasirananga abendya abaluganda, aba kisa era abagondu. ¹⁰ . Kubbanga akwendya obwoomi, nokubona enaku ezingi aziyizenge olulimi lwamwe omububbi neminwa jamwe jiremenge kusimoola bukurupya. ¹¹ . Era alekenge obubbi, akolenge okusai; aswagenge emirembe, ajisengerenge. ¹² . Kubbanga amaiso ga Kanca gali ku baikiriiri, na matwi gamwe gali eji okusaba kwabwe. ¹³ . Era nani eyabakolanga okubbi, nimwakolanga okusai? ¹⁴ . Baitu wade nka mukugadibwa gadibwa olwa bwikiriiri, muta no mukisa timutinanga kutinisya kwabwe era timweralikiranga. ¹⁵ . Baitu mwerukyenge OKristo omu myooyo gyanywe okuba omukama wanywe, nga mu kwetegekanga buliizo okwiramu buli muntu ababulyanga ensonga eyakusuubira okuli omunywe baitu mugondenge nokutiina. ¹⁶ . Mubenge nomwoyo ogusai ne babazumanga, oba abababazaku okubbi, olwampisa zaanywe ezisai omu Kristo balyoke bakwatibwenge ensoni. ¹⁷ . Kubbanga nikyo kisinga obusai, okubonyabonyezebwa olwakukola okusai, nikuba nka nikwo kwendya kwa kanca, okusinga okubonyabonyezebwa olwa kulokoka okubbi. ¹⁸ . Kubbanga era no Kristo yawalalibwe olwabibbi omurundi gumwe, omwikiiri olwa bo abatali bakiriiri, atuleete eji Okanca ni yaitiibwe omubiri baitu nayimboka omwoyo; ¹⁹ . Era nigwo yabiremu okukoba emyoyo eziri omu kadukulu. ²⁰ . Eirai abatagonda,okuguminkiriza Kanca ni kwaali nga kukulindiirya omu biro Nuuwa ,amaizi mwe golokoleire abantu tibangi, nijo emyoyo omunanai. ²¹ .era anti nigwo gabalokoire nywe omu kiisani kya mazima,nikwo kubatizibwa,tikwiiyawo bicaamu bya mubiri,wabula okiiramuokwa mwooyoogusai eji oKanca,olwa kuyimbooka kwa Yesu Kristo. ²² . Ali oku mukono ogulyo ogwa Kanca, niyamaare okwaaba omwiiguri; abantumwa nabalina obukama nabakamara ni batekebwa ansi wamwe. 4