¹ OPeetero, omukwenda wa yesu Kristo, edi abakome abasansain, abatambuli ABBA mu Ponto,Galatiya, Kapadokiya, Asiya no Bisuniya, ² . Nka niyekereire okwetegye Okanca oitaiswe,mukwerukya olwa mooyo nolwa kugonda nolwa kumansiraku omusayi gwa yesu Kristo ekisa nemilembe byeyongerenge jemuli. ³ . Yebalibwe, Okanca erate oitamwe wa omukama waiswe O'Yesu Kristo, eyatubyeire omurundi ogwakabiri, nka okusasira kwaamwe okwingi nikuli tubbenga, ne eisubi eryoomi olwa kuyimbookakwa Yesu Kristo omubaffu. ⁴ . Twiingire omubusika obutawaawo, obutalina nziro, obutawotoka obwabatekeibwewo nywe omwinguru, ⁵ . Amaani ga Kanca bbe gakuumire olwakuyiboka okufuna obulokozi obwetekeretekere okuswekulwa omubiro ebya nkomerero. ⁶ . Obwo bwemujaganyizamu, gonze nka mwanakuwazibwe omukukemebwa okutali kimwe omukaseera akadooli ati, oba nka kibasanira, ⁷ . Okugezesebwa kwa kwikiriiza kwa nnywe okusinga omuwendo ezabu ewaawo, gonze nka ageizesebwa omumuuro, kulwoke kuleeta eitendo ne kitinisya nokuwangirizibwa oYesu Kristo nali swekulibwa: ⁸ . Nka mumwendya nka muhyalo kuboona; , gwe mutabona ati baitu mumwikiriiza, nimuwangiriza eisanyu eritasimolwa, eririna ekitinisya :. ⁹ . Nka mukuwebwa ebyabaikirizisirye, nibwo bulokozi obwa bwoomi. ¹⁰ .Ebyabulokole obwa abalaguranga e yakisa ekyali kikwaba okwiz9a gyemuli, baswaganga munno nibekenenyanga: ¹¹ .nka bakuswagana ebiiro nibkli oba nibikwiisana omwoyo gwa Kristio ogwali mubbo beyarangire nka akweekera okutegeeza ebibonbono ebya Kristo, nekitinisya ekibisengerya,. ¹² . Boona baswekulirwe nka tikulwabwe bonka nebula okulwanye Perez ebyo byemwakaiza mukoberwe ati oba abbabakobale enjiri omwoyo akweera eyatumibwe okuzwa omwiiguru; abamarayika byebegombere okulingiza ale musibenge ebintu ebya mugenzi gannywe, mutamirukukenge musubirenge kimwe ekisa ekiri baletera Oyesu Kristo nali swekulibwa. ¹³ . Musibenge ebikekera bya magezi ga nnywe, mutamirukukenge, muusubirenge kyarumwei ekisa. Oyesu kyali baletera naliswekulibwa. ¹⁴ . Nka abaana abagonda, nka timwesanangana ogwegomba okweire okwa mubutamannya kwa nnywe. ¹⁵ . EErate nka oyo eyabetere naali omwikiriri erate nnywe mubbenga beruki; omu mpisa zona ¹⁶ . Olwakubba kyawawandiikibwe nti, '' mwabbanga beruki olwakubba ne ndi mweruki. ¹⁷ . Erate nimumwetanga oitannywe, assala omusango owati kusalirya nka omulumu gwa buli muntu niguli, mutambulenge nentiisa omuubiro bya nnywe ebya kubba abbakali: ¹⁸ . Nka mumaite nka timwanunulibwe na bintu ebiwaawo, ffeeza oba zaabu, omumpisa ezitalumu zemwewewebwe abazeiza bannywe;. ¹⁹ . Wabula no musaayi ogwamuwendo ogwingi, ogwa, mwaana wa ntaama ogutaliluku bulema gonze ekipapi, niye Kristo. ²⁰ . Eyategekeibwe erai ensi nka zikyali kutondebwa, baitu nabonesebwa okunkomerero yabiro okulwannywe, ²¹ . Abaikiriize okubwamwe oKanca, eyamuyimbokyerye omubaffu na muwa ekitinisya; nokwikiriiza kwaa nnywe nokusubira biryoke mubenge omu Kanca. ²³ nimwebyalibwe omulundi ogwakabiri, ti na nsiigo ewaawo, wabula eteewaawo, nekigambo ekya Kanca ekyo ekyakwekera . ²² . Olwakubba mumaare okweyerukya obwoomi bwannywe omukugondera amazima olwakutakangana Okwa baluganda otalumu bukuyikuyi, Mwendyenganenge omumwoyo nokufuba okwiigi, ²⁴ . Kubbanga omubiri gwona gulinka ekisiko., Ekiwootaka ekimuli niki gwa: ²⁵ . Baitu ekigambo kya mukama kibbaawo emirembe nemirembe. Erate ekyo nityo kigambo ekya enjiri ekyabajurwa.