¹ 1 Nimwo kikobebwa mbbe kiti omunywe mulumu obusiani, erate obusiani butyo obutaali n’omu bapaati; omuntu okubba n'omukaitamwei. ² . nyweena mwegulumirye erate timunakuwaliire oyo eya koore ekikolwa ekyo, atoolebwe akaati omu nywe, ³ . Gonze tindi nanywe omu mubiri, ndi nanywe omu mwooyo, mmaare okusaara omusango oyo asiisire atyo, ⁴ . Omw’ibara lya Mukama waiswe oYesu, nnywei nka mukumbaine nanje n’omwooyo gwange amwe na maani ga mukama waiswei oYesu, ⁵ . Mu muweeyo omuntu ali nka oyo edi osetaani omubiri okuzikirizibwa, omwooyo leke gucungurwe oku lunaku lwa Mukama waswei. ⁶ . Okwenyuminkirya kwanywei ti kusai. titumaite nke kitumbisya ekidooli kiyimbulukusya ekitole kyona kyoona?. ⁷ . mwetolemu ekitumbisya ekyairai, leke mubbe ekitole ekiyaka, nka timulimu kitumbisya. Olwakubba erate n’okwakalaku kwaiswei kwa kitinisya,niye Kristo. ⁸ . Ale tusumbe embaga,etalumu kitumbisya ekyairai, gonze n’ekitumbisya eky’aitima n'obwibbi, baitu tulye ebitali bitumbisye ebya’butali bukuusa na mananu. ⁹ . Nabawandikiire omu bbaluwa yange obutegaitanga na basiani; ¹⁰ . baitu ti kwewaara kimwe abasiani abamu munsi munu,obate abeegombi n'abanyagi, obate abasinza ebisani, olwakubba nikibba kityo kyandibagwaniire okuzwa omu nsi. ¹¹ . Baitu ati nkubawandikira obutegaita naye, omuntu yeena yeena ayetebwa ow'aluganda nabba nka musiani, obaate mwegombi, obate asinza ebisani,obate omuzumi, obate omutamiire, obate omunyagi; ali atyo n'okulya timulyanga naye. ¹² . Olwakubba nfaayo ki okusaara omusango abali enzai? Nywe timusaara musango bamunyumba? ¹³ . Baitu abanza oKanca niye abasaara omusango. omwibbi oyo mu mutoole omu nywe.