¹ .Omuntu yeena yeena omu nywe n'abba nensonga okumwiramwe, ayayaana kuwozerya ensonga abatali baikiriiri, baitu ti baikiiri. ² . Oba timumaite nka abaikiiri nibo balisaara ensi omusango? Obate nka ensi ninywe muligisaara omusango,timusobola kusala nsonga ezitono eziri omu nywei? ³ . Timumaite nka tulisara abantumwa omusango? tulemwa tutyai okusala emisango eja mu bwoomi bunu? ⁴ .Ale ni mubba nokusala emisango eja mu bwoomi bunu, abanyomebwa omwiramyo abo nibo mutaawo? ⁵ . Nsimoire bini kubakwatisya nsoni. ale omu nywe timuyinza kubonekamu muntu omugezi ayinza okusaara ab'aganda baamwe ensonga, ⁶ . Baitu ow’aluganda awoze no w’aluganda erate omu maiso gaabo abataikiriza? ⁷ . Baitu erate mutyo mu maare okubbaaku akabbi,olwakubba muliina emisango nywenkai na nywenkai. Lwaki obutamala gakolwanga kubbi? lwaki obutamala galyakibwanga? ⁸ . Baitu nywe benyenere mukola kubbi, mulyaaka erate n'abaluganda. ⁹ . Obate timumaite nka abataali baikiriiri tibalisikira bukama bwa Kanca? tibababeyeganga: gonze abakaba, gonze abasinza ebisani, gonze abasiani,gonze abafooka abakali, gonze abalya ebisiyaga, ¹⁰ . gonze abaibbi,gonze abegomba, gonze abatamiire, gonze abazumi, gonze abanyagi, tibalisikira bukama Kanca. ¹¹ . Erate abamwe oku nywei mwaali nk'abo,baitu babanabirye, baitu mwatukuziibwe,baitu mwaweweibwe obwikiriiri olwa’ibala lya Mukama waiswe oYesu Kristo no lwa mwooyo gwa Kanca waiswe. ¹² . Ebintu byoona byoona bisai jendi. baitu byoona byoona tibingasa.Byoona byoona bisai jend, baitu nje tinkwaaba kufugibwa kintu kyoon kyoona. ¹³ . Ebyakulya byanda, n’enda yabya kulya: baitu byoona byoona ebibiri oKanca alibitoLawo. Baitu omubiri tigwa busiani, baitu gwa Mukama waswei; n'Omukama waiswe avunaana omubiri. ¹⁴ . Erate oKanca ya yimbokerye Omukama waiswei, erate naiswe ali tuyimbokya olwa'maani gaamwe. ¹⁵ . Timumaite nk’emibiri janywe nibyo bitundu tundu bya Kristo? ale nyirirenge ebitundu bya Kristo mbifoole bitundu bya busiani? kitalo! ¹⁶ . Obate timumaite nk'eyegaita n’omusiani nigwo mubiri gumwei? Olwakuba asimoola ati, Boona ababiri balifookamu mubiri gumwe. ¹⁷ . Baitu eyegaita n’Omukama waiswe bafooka omwe omu mwooyo. ¹⁸ . Mwekumenge obusiani. Buli kibbi kyoona kyoona omuntu ky'akola kiri kuruguru kwa mubiri, wazira omusiani akola ekibbi oku mubiri gwaamwe ye. ¹⁹ . Obate timumaite nk'omubiri gwanywe niyo yekaalu y’amwooyo omwikiiri ali omu nywe, gwe muliina ayazwiire edi oKanca? Nanywe timuliwo ku lwanywe; ²⁰ Olwakubba mwaguliibwe namuwendo, ale mugulumiryenge oKanca omu mubiri gyanywe.