¹ .Omuntu atulowoozenge ati nka tuli bawereeza ba Kristo erate abawanika ba byaama bya Kanca. ² . erate kigwanira abawanika, omuntu okubonekanga nka mwesigwa. ³ . Baitu okunje kigambo kidooli `muno nywe okunsaara omusango, obate omuntu yeena yeena; erate nanje tinteekwa kwe saara musango. ⁴ . Olwakubba tinemaiteku kigambo; baitu ekyo tikimpesya bwikiriiri:baitu ansaara omusango niye Mukama waiswe. ⁵ . Ale timusalanga musango gwa kigambo kyoona kyoona, obwiire nka bukyali kwiika, okwiikya Omukama waiswe naliiza, alimulikya ebikwekebwa omu kirikiirya, erate alibonekya okuteesa kw'amutima; ale buli muntu aweebwe eittendo lyaamwe ewa Kanca. ⁶ . baitu ebyo ab'aluganda mbigereire kuninje n’oku Apolo oku lwanywe; leke mwegere oku iswe obutaswiikanga oku byawandikiibwe; omuntu yeena yeena alemenge kwegulumiza olw'omwe okusiinga owondi. ⁷ . Olwakubba akwaawula niye naani? erate oliina kiki kyotaweweibwe mbbe? baitu okuweebwa, obate nka waweweibwe kiki ekikweyumiirya nka ataweweibwe. ⁸ . Mu maare okwikuta, mu maare okuguduwala, mwafugire nka abakama iswei wetutabbaire: erate mubba kufuga nanditakire, erate isweena leke tufugire amwe nanywe. ⁹ .Olwakubba ndowooza nka oKanca iswei abatume ya tuteire okunkomeero nka abatalirema kufa:olwakubba twafookere ekyelorerwa kya nsi erate n’abantumwa n'abantu. ¹⁰ . Iswe tuli basirusiru oku lwa Kristo, baitu nywe muli bagezigezi omu Kristo; iswe tuli banaki, baitu nywe muli ba maani ;nywe muli ba kitinisya, iswei tuli bakunyomebwa. ¹¹ . Erate nokwiica naati, tukyalumwa enzala erate namalo, erate tubba bwereere, erate tukubbwa ebikonde, erate tuliina waiswe. ¹² . Erate tukola emirumu jini nka titweganyiirya n’emikono jaiswei; nibatuzuma, tubasabira mikisa; nituyiganyizibwa tuguminkiriza; ¹³ . Nibatuwayirya , twegayiira; twafookere nk’ebisasiro by'ansi, ekyenyanyalwa edi boona boona okwica ati. ¹⁴ . Ebyo timbiwandiikire okubaswaaza nywe, wazira okubabuuliira nk'abaana bange benyendya. ¹⁵ . olwakubba gonze nka muliina abeegesya kakumi omu Kristo oYesu,baitu timulina baitanywe baiinji; olwakubba ninje nababyaire n’enjiri omu Kristo. ¹⁶ .Nikyo nzwa mbbegayiira mumbonerek. ¹⁷ . Nikyo nzwa ntuma oTimoseewo jimuli niye mwaana wange gwenyendya omwesigwa omu Mukama waiswei, alibaizukirya enzira zange eziri omu Kristo, nka ninyegesya yoona yoona omu buli Iramyo. ¹⁸ . Baitu walowo abandi abegulumirya nka bakulowooza nje tinkwakwiiza jimuli. ¹⁹ . Baitu ndiiza jimuli mangu, Omukama waiswe nalyendya; erate ndi mmanya amaani gaabo abeegulumirya baitu ti kigambo kyaabwe. ²⁰ . Olwakubba obukama bwa Kanca tibuli mu bigambo, wazira mu maani. ²¹ . Mukwendyaku ki? nnyize jimuli n'omwiigo, obate mu kwendya n’omu mwooyo ogwabuwumbeeki.