Owuyonjo Nowutaasi Wuyonjo ¹ Abafalisaayo nende abasomesa bamalako bandi abali nibatulire e Yerusalemi beecha bewuusira Yesu akali ² bawona abeeki ba Yesu bandi nibalya obyokhulya byawe nende amakhono “akataasi mayonjo,” Kabetesaabire. ³ (Abafalisaayo nende Abayudaaya boosi sibalya nibatesaabire amakhono kaawe, olwokhuba badiira emisiro chabakhale. ⁴ Nibatula mukhatale sibalya nibatesabire. Khandi bali nende emisiro chibalondakirira nga okhwosaanga esikoombe, esaani nende entamu eche bichuuma.) ⁵ Manu Abafalisaayo nende abasomesa bamalako bateeba Yesu baati, “Siina esikayira abeeki bawo okhukendera khumisiro chabakhale ninga bamala wusa balya ebyokhulya nende amakhono ‘akataasi mayonjo’?” ^{6 7} Manu Abafalisaayo nende abasomesa bamalako bateeba Yesu baati, “Siina esikayira abeeki bawo okhukendera khumisiro chabakhale ninga bamala wusa balya ebyokhulya nende amakhono ‘akataasi mayonjo’?” ⁸ . Mulekha amalako ka Were mwadiira emisiro cha baatu.” ⁹ . Kabawoola ati: “Mukaanira erala birayi byene amalako ka Were ne mulonda emisiro chenywe! ¹⁰ . Olwokhuba Musa kawoola ati, ‘Otaanga mu lataawo nende maakowo oluyaali,’ lundi ati, ‘Omuutu yeesi owabaanga simwana oba ηηina bamwitaanga.’ ¹¹ Naye enywe muwoola muti: ‘syoosi sinakhakhuweeye okhukhuyeeda nje kolubani’ (amakhuluutu nti, siwanwa sya Were), ¹² . Simusimukanya okhukholera simwana oba ηηina esitu syoosi. ¹³ Mulekha emboosi ya Were olwemisiro chaawe chimwesomesa khandi mukhola emboosi chiindi nyiigi nga echo.” ¹⁴ . Yesu khandi kalaanga esidiikha kasiwoola ati, “Muntekerese, mweesi, mumanye sino. ¹⁵ Siyali siitu esiri erwanyi wo’muutu esinyala ‘syamukhola owutaba muyonjo’ nisimwingiramo. Okhutusakho, esitula mu muutu nje ‘esimukhola kaakhaya okhuba omuyonjo.’” ¹⁶ (Nawuli olin'amatwi akokhuwulira awulire.) ¹⁷ . Nikamala okhulekha esidiikha sya baatu keecha kengira mu nyumba, abeeki baye bamuteeba amakhulutu kolukaado olwo. ¹⁸ . Yesu kabawoola ati, “mweesi muli balendaafu mutyo?” “Simumanyire muuti syoosi ensingira mu mutu okhutula erwanyi sisinyala syamukhola okhuba otaasi muyonjo?’ ¹⁹ . Olwokhuba sisingira mumwoyo kwaye wawula munda yaye, okhwoola nisitula mumubiri kwaye.” (Mukhuwoola sino, Yesu kalangirira ati ebyokhulya byoosi birayi.”) ²⁰ . Kemeeda kawoola ati: “Esitula mu muutu nje ‘esimukhola kaakhaya okhuba omuyonjo’. ²¹ . Olwokhuba mukati mu myoyo cha baatu, mutulamo ebibaaso ebibi, owudaamba, Owiibi, owiiti, owukeendaani, ²² omululu, olugaambo, okhwekoomba ebya beene, owubi, owubacha , emoni embi, owulekeresi, okhwewulisa, amalala n'owubbungaafu. ²³ . Ebibi ebyo byoosi bitula mukati manu ‘byaletera omuutu okhutaba omuyonjo.’” Enfukiirira yomukhasi Omusulofoyiniiki ²⁴ Yesu kasiingira katula mu sifwo esyo kaacha mu syalo sye Ttuulo. Kengira mu nyumba nga syadakha omuutu amanye; ne byamukhaya okhwekisa. ²⁵ Masima kene, wangu wene omukhasi owali nende omukhaana waye owalikho dayimooni nikamuwulira, keecha kamusigamira mu makulu kaye. ²⁶ Omukhasi kali Omuyonaani, owewulwa mu Solofiniiki. Kamwekalikhira Yesu kerusye dayimooni khu mukhaana waye. ²⁷ . Yesu kamuwoola ati, “Lekha abaana bayere balye byosi byoosi bibadakha,” “Olwokhuba sisirayi okhuwukula ebyo’khulya bya baana okhubisukunira embwa chaawe.” ²⁸ . Naye omukhasi kamukowolamo ati, “Eee, Mukhoongo wange, “Ata embwa chosi chirira assi wemeesa ebikhukhumukhire abaana nibalya.” ²⁹ . Yesu kamuwoola ati, “Khulwemboosi yawo, weweerewo; dayimooni atulire khumwana wawo.” ³⁰ . Omukhasi kakowolayo ewaye kawukaana omwana waye nakonire khusitanda, ne dayimooni nichimuweeyekho. ³¹ Okhuwonesewa khwa diimbe otalomaloma . Yesu nikatula e Ttuulo, kacha kabita mu Sidoni, kekhirira khu nyanja eye Ggaliraaya nende akati wa Dikapoli. ³² . Eyo bamuleetera omusaacha mudiimbe otalomaloma wulayi, bamwekalikhira amutekho omukhono kwaye. ³³ . Yesu keecha kamuta embbodocho ale nesidiikha, kamutaamo enjala mumatwi kaye. Kafuucha amate kamudiira khu lulimi. ³⁴ Katiingaala amukulu mwikulu kesa omwoyo kamuwoola ati, “Efasa! (amahulutu nti, “Yikukha!”) ³⁵ . Khu lwasino, amatwi kaye kamala kekukha, no’lulimi lwaye lwawololokha kachaaka okhulomaloma wulayi. ³⁶ . Yesu ka’bakhuutira bakhaye okhuwooleraho omuutu yeesi. Ne nga lukemeeda okhubakhuutira nje lubemeeda lukali lweene okhusilomalomakho. ³⁷ . Abaatu beecha bawuka lukali lwene nibawoola baati, “Byoosi akholire wulayi,’’ “Ata kekula abadiimbe bamatwi khandi kalomalomya abatalomaloma.