Nabbi Otaasi No’luyaali. ¹ Yesu katulayo kaacha mu siko sye wawe, nali alala nabeeki baye. ² Manu olwe ssabbiiti nilwoola, kachaaka okhusomesa mu nyumba ya Were, bangi abamuwulira bawuka. Nibawoola baati, “Omusaacha ono bino kabitusa yeena?” Khandi baati, “Makesi si kano kakaweewa ono ata khandi ebyamayiya ebyakiiye ano ebikholewa mumukhono kwaye! ³ . Si nje ono omubaachi? Si nje ono omwana wa Malyaamu mwanaaηηina Yakobo, Yusufu, Yuda nende Simoni? Ne bambochooηηene sikhuli nabo ano ewefwe?” Manu bamwekaana. ⁴ . Yesu kabawoola ati, “Nabbi syakhaywa oluyaali okhutusakho mu syalo syaye nende musikha syaye nende mu nyumba yaye yeene.” ⁵ . Manu sikanyala okhukholerayo ebyamayiya byoosi, okhutusakho kata amakhono khu balwaaye batono kabawoniya. ⁶ . Ne kawuka olwo’wutafukiirira khwawe. Yesu Atuma Ekhumi Nababiri. Manu Yesu kewodookhaniya mungoongo emaande choosi nasomesa. ⁷ . Kalaanga ekhumi na babiri bache yaali, kachaaka okhubatuma babiri babiri kabawa owunyala khu dayimooni. ⁸ Bino nje ebyali ebiragiro byaye: “mutakinga siitu syoosi khulukendo lwenywe okhutusakho endawukhi yoηηene__ mutakiinga ebyokhulya, ata eguniya ata ebbeesa mu nkhoba chenywe. ⁹ . Mwambale sapatu, khandi simukinganga enguwo yindi. ¹⁰ . Nawuli nyumba yoosi yimunengireengemo, mubeenge omwo okhwoola lumulitula mu siko esyo. ¹¹ . Nawuli sifwo esitabasangaalirenge oba okhubatekeresa, mukhukhumulenge olufu mu makulu kenywe nimutulamo, okhuba owujulisi yibali.” ¹² . Abeeki batula bawuulira okhweyolobya. ¹³ . Berusya dayimooni mungi babakha amafuta khu balwaaye bangi babawoniya. Yokana Omubatiisi Atemewakho Omutwe. ¹⁴ . Manu Kerode omwene’ngo kawulira bino, olwokhuba eriita lya Yesu lyacha enfuma. Abaatu bandi bawoola baati, “Yokana omubatiisi asyukhiiye mubafu, ebyamangaliima bino sakira bimukholeramo.” ¹⁵ . Ne abandi bawoola baati, “Nje Eriya.” Abandi bawoola baati, “Nnabbi, nga balala khuba Nabbi abendaalo nkhale.” ¹⁶ . Naye Kerode nikawulira, kawoola ati, “Yokana, omuutu yinatemakho omutwe, nje osyukhiiye!” ¹⁷ Olwokhuba Kerode omweene kamuta mujeera, khulwa Kerodiya, omukhasi wa mwanaηηina Firipo olwokhuba kamudeekhya. ¹⁸ . Olwokhuba Yokana kawoola Kerode ati, “Sisiri mu malako ewe okhudekhya mukha mwanawamawo.” ¹⁹ . Ne Kerodiya kali kewoyera Yokana nadakha okhumwiita nibimukhayire. ²⁰ . Olwokhuba Kerode kali atya Yokana khandi namukhingakira namanyire ati omusaacha ono mulungifu khandi mulaawota. Kerode ni kawulira Yokana, keecha kawunga; ne kadakhaanga lukali okhuwulira byalomaloma. ²¹ . Manu oludaalo lulayi lwoola. Kerode lukadeekhera abakhoongo baye embaga eyo’khwichulisa ameewulwa kaye, nabakhuluutu babasirikale na’baami abe Ggaliraaya. ²² Manu omukhaana wa Kerodiya mwene nikeecha kakhina, Kerode nende abo bakalinabo nibekhaaye nibalya bamusiima. Manu omwene’ngo kawoola omukhaana ati, “Nsabe syodakha syoosii ndasikhuwe.” ²³ . Kamwechubira ati, “Syosi syoosi syonaansabe ndasikhuwe, nende sibe esitundu syo’weneengo wange.” ²⁴ . Omukhaana katula erwaanyi kateeba ηηina ati, “Ndasabe si?” ηηina kamuwoola ati, “Ssaba omutwe kwa Yokana omubatiisi.” ²⁵ . Wangu wene omukhaana kanguwa kaacha eyiri omwene’ngo, kamusaba nawoola ati, “Ndakha wumbeerese wunanu wuno omutwe kwa Yokana omubatiisi khu luderu.” ²⁶ . Omwene’ngo keecha kelalikhirira lukali, naye olwokhwechuba khukali nakholire mumoni chabakeni baye nibekhaaye nibalya, kawona nga syanyala khumwiima. ²⁷ . Wangu wene omwene’ngo katuma omusirikale waye omulinda kamulagira okhuleeta omutwe kwa Yokana. Manu omusirikaale kaacha mu jeera katema khu Yokana omutwe, ²⁸ . kaleetera omutwe kwa Yokana khu luderu. Kakuwa omukhaana, omukhaana kakuwa ηηina. ²⁹ . Manu abeeki ba Yokana nibawulira bino, becha bayira omulambo kwaye bakuta muηηani. Yesu Aliisa Elifu Chitaanu ³⁰ . Abatume becha bewuusira ali Yesu, bamuwoolera emboosi choosi chibakhola, nende chibasomesa. ³¹ . Awo, khulwokhuba abaatu bali becha yali khandi nibawawo muwungi, nga sibaba ata nebikha byo’khulya, kaabawola ati, “Mwiiche yindi mweηηene munyale okhujoηηolokha.” ³² . Manu bachiira mulyato muwekisi mu sifwo eyitaasi baatu. ³³ . Ne abaatu bangi abecha babawona nibawaawo babekhalirisa, berukha namakulu okhutula mu biko byoosi beecha babesookhayo. ³⁴ Ne Yesu nikatula wusa ati mulyato kawona ebidiikha bingi, kabakwira esisa, olwokhuba bali nga amakoondi akataasikho omwaayi. Kachaaka okhubasomesa ebitu ebiingi. ³⁵ . Manu owiire wali wiira na abeeki baye becha yali bamuwoola baati, “Esifwo sino sichiimi,” “ne wunanu owiire wiirire. ³⁶ . Basiiwule bache mubyalo nende mu biko ebyo’khumaande choosi bekulire ebyo’khulya. ³⁷ 37. Naye Yesu kakowolamo kabawoola ati, “Enywe mubawe ebyo’khulya.” Bamuwoola baati, “sino syakhayira omusara kwo’muutu okwe’myesi munana! Khwakhacha khwakula emigaati ech’erubya echo choosi khubawe balye?” ³⁸ . Yesu kabateeba ati, “Muli nende emigaati chiinga?” “Muche muwone.” Nibamanya bawoola baati, “Chitaanu__ nende eηηeeni chibiri.” ³⁹ . Yesu kabalagira bawoole abaatu bekhale boosi mubikanda khuwunyaasi wo’muwoka. ⁴⁰ . Abaatu beecha bekhala mubikanda bya baatu emya emya, nende kataanu kataanu. ⁴¹ . Kawukula emigaati chitaanu nende eηηeeni chibiri katingaala amakulu, kebasa kakhalakamo emigaati. Kawa abeeki baye bachiwe abaatu. Khandi kawukula eηηeeni chibiri kachikabira boosi. ⁴² . Balya boosi bekuta, ⁴³ . abeeki baye bawuusa ebikhukhumukhire byechusa ebideru ekhumi na bibiri eby’emigaati ne bye’ηηeeni. ⁴⁴ . Abalya ebyo bali abasaacha elifu chitaanu. Yesu Akenda Khu’maachi ⁴⁵ . Wangu wene Yesu kaawoola abeeki baye okhwiingira mu lyato bamwesookheyo engerekha we Besusayida, ye nasisiiwula ebidiikha bya baatu. ⁴⁶ . Manu nikamala ohubasiiwula, kacha khu lugulu okhwekalikhiira Were. ⁴⁷ . Manu owiire niwiirire, eryato lyali mu nyanja ewusiba, ne Yesu kaIi yeηηene khulukerekha. ⁴⁸ . Kawona abeeki baye nibanyaakhana okhufuka eryato, olwokhuba embuunga yaIi yibatulire mumoni. Mubikha nga ebye’sawa chine echesiro katula kacha yibali nakeenda khu Nyanja. Nali ambi okhubabitakho, ⁴⁹ ne nibamuwona nakeenda khu Nyanja, babaasa baati sikhyeeno. Bakhubba wuuwi, ⁵⁰ . olwokhuba boosi bamuwona baba no’khutya. Wangu wene kalomaloma nabo kawoola ati; ‘’Mugume! Niise. Mutatya.” ⁵¹ . Kengira mulyato mubali, manu embuunga yawa. Bawuka lukaIi mu myoyo chaawe, ⁵² olwokhuba ebye migaati sibabitegeera; naye emyoyo chaawe chali emiwandakanyu. ⁵³ . Manu niboola khulukerekha, bola mu syalo asye Genesaleeti bawowa awo eryato batulamo. ⁵⁴ . Manu nibatula mu lyato, abaatu wangu wene bategeera Yesu. ⁵⁵ Beeruha bewodoohaniya mu syalo esyo syoosi, nibakiingira abalwaaye khumikeeka okhubaleeta yibawuliraanga baati Yesu ali eyo. ⁵⁶ . Nawuli Yesu yi kachaanga__ mungoongo, mu biko bikhuluutu oba mu byalo__ abaatu bataanga abalwaaye mu wutale. Bamwekalikhiranga abafukiirire ata badirekho wusa khu kemo lye nguwo yaye, ne nawuli wamudiiraangakho kawonaanga.