Olukaado Lw’omutaaki ¹ Khandi Yesu kachaaka okhusomesa khuntulo we’nyanja. Esidiikha esikali syene syeewuusira yali, nokhwingira keengira mulyato kalikhalamo erwanyi wenyanja, abatu boosi bali khuntulo wenyanja. ² Kabasomesa bingi mungaado, kabawoola mukhusomesa khwaye ati, ³ “Mutekerese! Omulimi katula kaacha okhuwanya emwo. ⁴ Ngalukali nawanya emwo eyiindi yakwa khungira amayoni keecha kayirya. ⁵ Emwo yiindi yakwa khulwanda okhutali eroba lingi. Emwo eyo yamera wangu, olwokhuba eroba lyali eyeraanu. ⁶ Omubasu nikwaduha, emwo eyo yewootta olwokhuba siyali ne’miisi. ⁷ Emwo yiindi yakwa ali amawa, akakhula kamira ebirime, byaakhaya okhwaama ebyaamo. ⁸ Ne khandi emwo yiindi yakwa khwiroba erayi yamera, yakhula yewula ebyaamo okhwoosa amakhabi amakhumi kadatu, nkaaga, nende okhuhirawo amakhabi emya ndala.” ⁹ Yesu kawoola ati, “Oli nende amatwi kokhuwulira awulire.” ¹⁰ Nikali yeηηene, abeeki baye ekhumi nababiri kho nende abo abali nibamwewodookhaniisye baamuteeba khubidira khungaado echo. ¹¹ Kabawoola ati, “Enywe mwaweewa esyama esyo’wene’ngo wa Were. Ne eyiri abo abali erwanyi wuli situ sibalomalomerwa mungaado ¹² kho sibe nti, “'endaalo choosi bawoneenge wusa neenga sibeengisa, khandi bawulireenge wusa nambula khutegeera; na lundi banyala okhweyolobya balekherwamo!'” ¹³ Awene awo Yesu kabateeba ati, “Simutegeera olukaado luno? Lukaado si lumulitegeera? ¹⁴ Omulimi ataaka emboosi. ¹⁵ Abaatu bandi bali nga emwo yokhuungira, emboosi khuyitaakiwa. Manu nibawulira wangu wene nibakhayiwulira, sitaani keecha kabatusamo emboosi eyabataakiwamo. ¹⁶ Abandi, bali nga emwo eyataakiwa khwiroba lyo’khulwanda, bawulira emboosi bayifukiirira nesangaalo. ¹⁷ Khuba bawuma emiisi babawo esikha sitono. Ne niwabawo owudinyu oba okhuyirimbanisiwa olwe’mboosi, bakwa wangu. ¹⁸ Na’bandi nje bala abali nga emwo eyataakiwa ali amawa, abo, nibawulira emboosi; ¹⁹ ne ebidinyu byesyalo nowubacha w’owuyiinda nokhwekoomba okhwebiindi byoosi, bimika emboosi, yaakhaya okhwaama. ²⁰ Abandi, bali nga emwo echataakiwa khwiroba erayi, bawulira emboosi, bayifukiiriramo, baama ebyaamo amakhumi kadatu, nkaaga olundi okhukhirawo nende emya ndala.” Etaara Khu sisindi ²¹ Kabawoola ati, “Wakhaleeta etaara walita mu bbakuli oba mulwalo wesitaanda? Siwakhalita khusisiindi syaalyo? ²² Olwokhuba nawuli sikisiwa sicha okhukisuliwa, ne nawuli syawikhiwa sikhoyire okhuteewa awalafu. ²³ Oli nende amatwi kokhwulira awulire.” ²⁴ Kemeeda ati, “Baasa wulayi khubyowulira,” esikero syokereramo nje sibali khukereramo__ nokhukhirawo. ²⁵ Oli nasyo balimuwa esikhirawo; ne otali nasyo, ne sitono syali nasyo sirimutusiwakho.” Olukaado Lwolumwo Olukhula ²⁶ . Yesu kabawoola ati, “Owene’ngo wa Were wufwana wuuti, omuutu awaanya emwo muuwuka. ²⁷ . Esiro ne'sideete, oba akona oba asisimukha emwo yimera yakhula, nende naba nataamanyire nga yimerire yakhula. ²⁸ . Eroba lyene nje erimesa emwo__ yekheerera nesisiikha, yalosakho esikala, kho yalosakho owumwo musikala. ²⁹ . Emwo niyilaba, omulimi atulaniramo ne'ngeso kaacha okhukesa, olwokhuba ekesa liba lyolire.” Olukaado Lwo Lumwo Lwo Muyofu ³⁰ . Yesu kateeba ati, “Khunaakeraanye khusiina Owene’ngo wa Were? Nawo khunaakhosese lukaado siina okhuwukeraniyaho? ³¹ . Wufwana nga akhamwo khomuyofu, akho nje akhamwo nikhataakiwa mwiroba, akhaakhaba mbo nje akhakhira owutono mumwo chosi choosi echokhusyalo. ³² . Ne nikhataakiwa, khakhula khaaba khakali, kwaaba kusaala kwene okukhira emisaala choosi, kwaaba namasaga amakhoongo amayoni mukeyikama. ³³ . Yesu kabasomesa mu ngaado nyingi nge'cho nga lubanyala okhutegeera. ³⁴ . Sikalomaloma nabo ataasi lukaado: ne nikabanga yeηηene na beeki baye kabatumbuliraanga byosi byoosi. Yesu Kakamya Enfwinda ³⁵ . Manu khuludaalo olwo engolobe niyoola, kawoola abeeki baye ati, “Khwaambuke khuche khulukoongo era.” ³⁶ . Balekha esidiikha enyuma, baacha naye, yeηηene, mulyato. Aliwo amaato kandi akacha naye. ³⁷ . Manu embunga nyiigi yeecha, amafwiinda mangi kedikha mulyato, lyaba aw'ambi okhwibira. ³⁸ Yesu mwene kali akonire enyuma we’lyato, nateye omutwe kwaye khumuto. Abeeki baye bamusisimusa nibawoola baati, “Omwekesa, sufaayo nikhwiibira?” ³⁹ . Kasisimukha, kakhamukhira omuyaka kawoola embunga ati, “Wuleera! Kwalala!” embuuga yakama, enyaanja yakwalala wulayi. ⁴⁰ . Kawoola abeeki baye ati, “Siina esikira nimutya mutyo? Musiiri okhuba nende okhufukiirira?” ⁴¹ . Batya okhutya khweene okhwamaani, batebana abene nabeene baati, “Manu ono nje naanu?Khulwokhuba embuunga n'omuyaka bimuwulira!”