¹ Ekhabi lindi kacha mu sinaggogi, ne omusaacha w’omukhono okwafwa kali awo. ² Abandi khubo bali bakoonya esonga eyokhuwabira Yesu, manu bamutiingaala nibamwekhalirisa bawone nikaakhanyala okhumuwoniya khulwa Ssabbiiti. ³ Yesu kawoola omusaacha w’omukhono kwafwa ati, “Siingira weeme mumoni cha wuli muutu.” ⁴ Manu Yesu kabateeba ati, “Esiri mu malako nje esiri khu Ssabbiiti: okhukhola esirayi oba okhukhola esibi, okhuwoniya owulamu oba okhwiita?” Naye bawuleera wusa. ⁵ Kabisya emoni kabatiingaala netiima khandi nga abanyigiiye olwe myoyo chaawe emiwangalafu, kawoola omusaacha ati, “Kololosa omukhono kwawo.” Kakukololosa, manu omukhono kwecha kwakowolera erala awene. ⁶ Manu Abafalisaayo becha baatula erwaanyi baachaaka okhukheenga amakesi alala nende Abakeradiyaani nga lubaneete Yesu. Ebidiikha Bilonda Yesu ⁷ Yesu katulawo nende abeeki baye baacha khunyaanja, manu esidiikha sikali okhutula e Ggaliraaya syalondakho. ⁸ Nibawulira byosi bikali naakhola, abatu bangi beecha yaali okhutula e Uyudaaya, Yerusalemi, Yidumeya, nende ebitundu by'engerekha wa Yoludaani nende okhwewodokhaniya Tiiro nende Sidoni. ⁹ Olw’esidiikha, kawoola abeeki baye bamufunire eryaato etono bamutekekhere esidiikha sitamufiinyirira. ¹⁰ Olwokhuba kali awonisye bangi, manu abo abali nendwaaye bali basiindikhana okhucha emutwe okhumudiirakho. ¹¹ Wuli emyoyo emibi luchamuwonaanga, chakwaanga asi yaali nichirira chiiti, “Niiwe Omwana wa Were.” ¹² Naye kachwichwisaanga owutawoola baati nje 'Rabbi'. Okhwangala Khw’abatume Ekhumi Nende Babiri ¹³ Yesu kacha amukulu khuntulotulo wolugulu kalaanga abo bakadakha, manu beecha yaali. ¹⁴ Kangala ekhumi nababiri__ babeenge naye abatume__ kho babeenge naye kho anyale okhubatumaanga erwaanyi okhuwuulira. ¹⁵ Khandi babe n'owunyala owiirusya dayimooni. ¹⁶ Bano nje ekhumi nababiri bakangala: Simoni (Yikataakho eriita ati Petero); ¹⁷ Yakobo omusyani wa Sebbedaayo nende mwanaaηηina Yokana (abo kabawa eriita lya Bowanarege, amakhulutu mbo Abana bokhwaduulukha), ¹⁸ Andereya, Firipo, Bbatolomaayo, Matayo, Tomasi, Yakobo omusyani wa Alufaayo nende Sadaayo, Simoni omukananaayo ¹⁹ Nende Yuda Yusukalyoti, owamulyamo olukhwe. Yesu Nende Beresebbuli ²⁰ Manu Yesu keecha kengira mu nyumba, lundi esidiikha syewuussa, syamukayira nende abeeki baye ata nokhulya. ²¹ Abewaye nibawulira sino, bacha okhumulinda, olwokhuba bawoola baati, “Akosisye ebibaaso byaye.” ²² Nende abasomesa b’amalako abekhirira okhutula e Yerusalemi bawoola baati, “Alikho omusambwa kwa Beresebbuli! Akhosesa omusambwa kwo’wen'engo we’misambwa okhwiirusya emisambwa.” ²³ Manu Yesu kabalaanga kalomaloma nabo mu ngaado ati: “Sitaani anyala keerusya atye sitaani? ²⁴ wene’ngo niwukawukhanamo owene noweene, owen’engo owo siwunyala okhwemawo. ²⁵ Niyiba mbo enyumba yikawukhaniremo eyene neyeene enyumba eyo siyinyala khwemawo. ²⁶ Khandi sitaani nikeyiinganiya omwene nomweene khandi kakawukhanamo, syanyala khwemawo; enjakamo yaye yiiba yoolire. ²⁷ Masima keene, yiwuma owingira mu nyumba yo’musaacha wamaani kawukula ebiitu byaye okhutusakho nga asookha kawoya omusaacha w’amaani oyo, kho kachaaka okhwiba enyumba yaye. ²⁸ Mbawolera amasima ebibi byosi nende okhufwotokheresa khwabaatu biribalekherwamo. ²⁹ Naye ofwotokheresa Omwoyo Mwolerefu syalilekherwamo; aba aniyeye omusango okutaliwaawo.” ³⁰ Kawoola sino olwokhuba bali bawoola baati, “Alikho omusambwa mubi.” ŋηina Yesu Nende ba Mwanaηηina ³¹ Manu ηηina Yesu nende ba mwanaηηina beecha boola. Beema erwanyi, batuma omutu yaali okhumulaanga. ³² Esidiikha syali siikhaaye nisimwewodookhaniisye, bamuwoola baati, “Maamawo nende bamwanaamawo bali erwanyi bakhukoonya.” ³³ Kabateeba ati, “Maama nende bamwanaama nje abali?” ³⁴ Manu katingaala hwaabo abali bekhaaye nibamwewodohaniisye kawoola ati, “Bano nje ba maama nende bamwanaama! ³⁵ Wuli okhola Were byadakha nje mwanaama nje mboocho yange nje maama.”