Yesu Awoniya Omukongobafu ¹ Endaalo ntono nichabitawo, Yesu khandi nikali nikengira mu Kaperunawumu, syawulirikhana siiti kali akowooye engo. ² Abatu bewuusa bangi aba ngawuma esifwo ata nende mumulyango, kabawoolera emboosi. ³ Echawo abasaacha, nibakingire omulwaye owakongobala, nakingirwe nabatu bane. ⁴ Okhuba mbo si ali sifwo okhumwosa eyiri Yesu olwesidiikha sya’batu, bawiikhula amukuklu khu nyumba Yesu akali, badomola eriina, beesera omulwaaye owakongobala khumukeeka khukali nakonire. ⁵ Yesu nikawona okhufukiirira khwaawe, kawoola owakongobala ati, “Musyani, ebibi byawo bikhulekherwemo.” ⁶ Naye aliwo abasomesa bamalako bandi nibekhaye nibabaasa mu myooyo chaawe, ⁷ baati, “Ono siina esimulomyalomya siityo? Afwotokheresa! Nanu onyala okhulekheramo esibi okhutusakho mulala nje Were yeηηene?” ⁸ Wangu wene Yesu nikamanya ebyaali mukati mu myoyo chaawe, kabawoola ati, “Siina esibabasisa ebyo? ⁹ Esyangu nje esiri: okhuwoola okongobaaye, oti ebibi byawo bikhulekheywemo,’ nawo okhuwoola oti, Siingira, okiinge omukeka okende?” ¹⁰ Naye mumanye muuti omwana wo mutu ali nowunyala khu syalo okhulekheramo ebiibi....” kawoola okongobaaye ati, ¹¹ “Nkhuwoola, siingira, okiinge omukeka kwawo okowoleyo engo.” ¹² Kasingira, ketwiikha wangu wene omukeka kabatulakho bosi boosi nibawona. Sino syawukiya wuli mutu bawuka bakiniya Were, nibawoola baati, “Sikhuwonangakho esiitu nga sino!” Okhulangiwa Khwa Leefi ¹³ Amangu ako Yesu katuli erwanyi kaacha khutulo wenyanjja, esidiikha sikhongo syecha yali, namala achaka okhubasomesa. ¹⁴ Nikali naabita, kawona Leefi omwana wa Alufaayo nikekhaaye yibawoosera kamuwoola ati, “Noonde,” Leefi kasingira kamulonda. ¹⁵ Yesu nikali nikekhaaye munyuumba ya Leefi naalya, abawoosa bangi nende abakhosi “be’bibi” bali baliira alala nende abeeki, olwokhuba bali bangi abamulondakho. ¹⁶ Abasomesa ba malako abali Abafalisaayo nibamuwona naalya alala nende abakhosi “be’bibi” nabawoosa, bateeba abeeki baye baati: “Lwaasi alya khandi anyweera alala nabawoosa khandi nende abali ‘ne’bibi’?” ¹⁷ . Yesu nikawulira sino, kabawoola ati, “Abalamu sibadakha omusawo, okhutusakho, abalwaaye. Sineecha okhulanga abolerefu, okhutusakho abali ne’bibi.” Yesu Ateebewa Khu’byokhusiiba ¹⁸ Awene awo abeeki ba Yokananende Abafalisaayo bali nibasiiba beecha bamuwoola baati, “Siina esisiibya abeeki ba Yokananende abeeki Babafalisaayo ne abawo sibasiiba?” ¹⁹ Yesu kakowolamo ati, “Abaana boweeya banyala batye okhusiiba odekhisye omweeya naali nabo? Sibanyala, khasita baba bali naye. ²⁰ Ne endaalo chakhoole odekhisye omweeya lwalibatusiwakho, kho basiibe khuludaalo olwo. ²¹ “Yiwuma omutu onaba esiraka syenguwo embyakha khusyambalo esikhale. Nisiba siityo, esiraka esiyakha syekhwesa, okhutula khusikhale, syakira awatandukha wemeeda. ²² . Khandi si ali mutu ochukha omwenge okuyiiye mu seero ekofu. Nisiba siityo, omwenge kutandula eseero, omwenge kunyaasikha neseero lyene. Khaba, achukha omwenge muyakha mu maseero mayakha.” Omwami We Ssabbiiti ²³ . Awo olwola Yesu nikali nakeenda mundalo yeηηano, alala na abeeki baye olwa ssabbiiti, abeeki baye bacha nibakusuchula ebikala bye eηηano. ²⁴ Abafalisaayo bamuwoola baati, “Wona,siina esibakhosa sino okhukhalaka amalako khuludaalo lwa ssabbiiti?” ²⁵ Kabawoola ati, “Simusomangakho Daudi sikakhola nikali njala nende abo bakali nabo? ²⁶ Nikengira mu nyumba ya Were, Abiyasaali nikali ninje khawona okhira owukhulutu, kaalya emigaati echali echa bakhawona kachiwa nende bakali nabo.” ²⁷ Kabawoola ati, “Olwe ssabbiiti luliwo khu lwo mutu, ne omutu syabawo khu lwa ssabbiiti. ²⁸ Siityo omwana wo’mutu nje Omwami wa ssabbiiti yosi.”