Yesu Mu moni Cha Piraato ¹ Echuli mu mawiiwi, khawona bakhulutu, alala nende abatangirisi be bikha, abasomesa ba malako nende abolukhiikho boosi, boola okhufukirisaniya. Bemawo badiira Yesu, bamutangisa bamuyira eyiri Pirato. ² Pirato kateeba Yesu ati; “Ewe niiwe Omwen’engo wa Bayudaaya?” Naye Yesu kamukowolamo ati, “Nga luwooye, nje siri.” ³ Manu ba khawona bakhulutu ba’mufunaana ebitu bingi. ⁴ Khandi Pirato kateeba Yesu ati, “Ewe owumakho emboosi yoosi yukowolamo? Wonakho emisango nga luchiri mingi chibali okhukhutaakho.” ⁵ Naye Yesu khaba sikakowolamo emboosi yoosi, manu Pirato kawuka lukali lweene. ⁶ Ni nga luyali enkhola khu ludaalo lwa Pasaka okhulekhula omuwowe abatu yibali nibadakhire. ⁷ Omusaacha olangiwa Balaba kali mu jeera alala nende abajeemu abali khu musango kwo khwiita. ⁸ Esidiikha syecha eyiri Pirato nibamusaba abakholere nga lukali nabakholeranga. ⁹ Ne Pirato amala ateeba ati, “Mudakha mbalekhulire Omwen’engo wa Bayudaaya?” ¹⁰ Khulwokhuba kali amanyire ati abakhulutu ba bakhawona bamudiisya Yesu nga bema khu khiinda. ¹¹ Naye bakhabona bakhulutu beecha basekeya abatu nga badakha Pirato abalekhulire Balaba mu sifwo sya Yesu. ¹² Pirato kemawo kabateeba ati, “Naye nkhole ntye, omusaacha ono yimulanga muuti Omwen’engo wa Bayudaaya?” ¹³ Naye abatu boosi bakhumulira amukulu baati, “Mukhomerere!” ¹⁴ Pirato kabateeba ati, “Lwasiina? Musango siina kwakholire?” Naye bacha mumoni no’khukhumulira amukulu wene baati, “Mukhomerere!” ¹⁵ Ne olwokhudakha okhusangaasa esidiikha, Pirato kabalekhulira Balaba. Ne nibamala okhutoocha Yesu, kamubadiisya bache bamukhomerere. Abasirikale Bakhomoola Yesu. ¹⁶ Abasirikale babirikisa Yesu bamuyira mu lubiri olwamanyiwa nga (praetorimu) ne bamala balaanga esikaanda sya basirikale bosi boosi. ¹⁷ Bamwambasa enguwo yerangi nga esimuli sye fwafwa, khandi balukha esitwetwe sya mawa basimutwiikha nga engule. ¹⁸ Ne bachaaka okhumukhoolocha yaali bati, “Wekhoye, Omwene’ngo wa Bayudaaya!” ¹⁹ Nawuli sikha bali bakowocholamo ni bamukhubba khu mutwe ne’ndawukhi ni’bamufuchakho amate. Bamwinamira, nibamubbaaka. ²⁰ Nibamalire okhumukhomoola, bamutusamo enguwo yibali bamwambasise bamukoowosera echali chaye chene. Ne bamala bamutangisa okhumuyira okhumukhomerera. Okhuhomererwa ²¹ Omusaacha wundi owali natula e Sayirine, Simoni, simwana wa Alexanda nende Rufasi, kali nabitawo natula mu syalo, ono bamuyiinga okhukiinga omusalabba. ²² Baleeta Yesu mu sifwo sibalanga Gologosa (esyeekesa esifwo sye siyanga). ²³ Manu bamuweresa omwenge kubali nibateyemo esyo’khunywa sibalanga baati mira, ne khaba sikakunywa. ²⁴ Ne bamukhomerera. Ne ni bamala bakhubba akhalulu okhuwona nanu anayire enguwo chaye. ²⁵ Yali esawa yo’khudatu nibamukhomera. ²⁶ Esiwandiiko esyekesa omusango kwaye syasoma siiti: OMWENE’NGO WA BAYUDAAYA. ²⁷ Bakhomerera abanyakka babiri alala naye, mulala khu mukhono mu’lungi, owundi khu mukhono mukooda. ²⁸ Aawo esyawandiikiwa nisyolerera, esiwola siiti, "Nabaliwa allala nende abakholi bebibi." ²⁹ Abaliingi nibabitawo bamukhomoolanga nibateenganiya emitwe chaawe nibawoola baati, “Kho! ewe ocha okhukwiisa enyumba ya’Weere omale oyombakhe mu ndaalo chidatu, ³⁰ manu yiikha okhutula khu musalabba wewoniye omwene!” ³¹ Nasirala abakhulutu ba bakhawona bakhulutu nende abasomesa ba malako bamukhomoola mu bene na beene. Nibawoola baati, “Kawoniyanga abandi, ne syanyala okhwewoniya omwene! ³² Wunaanu Kurisito ono, Omwene’ngo wa Yisirayiri, yiikha okhutula khu musalabba, kho khuwone khu khufukirire.” Nende abo bakakhomererwa nabo bamukuchikhakho amanyeko. ³³ Mu saawa yo’mukaaga esiirema syadiira esyalo syosi syoosi okhwolera elala esawa mwenda. ³⁴ Ne khusawa yo’mwenda Yesu kalira mukkono lya amukulu ati, “Eloi, Eloi, lama sabachthani?”_ esyekesa siiti, “Weere wange, Weere wange, lwa siina wunyanjukhire?” ³⁵ Abandi khu bali nibemire ambi nibawulira, bawoola baati, “Wulira, ali okhulanga Eriya.” ³⁶ Omusaacha mulala, kerukha, kenikha esyangu syechula omwenge kubalanga viniga, kakuta khu lusala kayeresa Yesu okhunywa. Ne omusaacha oyo awoola ati, “Wunaanu mumulekhe yenηηene. Manu khuwoone Eriya naneche kamwiisa assi.” ³⁷ Nalira mu kkono lya amukulu, Yesu kayeera omuya kwaye okwakamayo. ³⁸ Olutimbe lwa enyumba ya Weere lweyatamo khabiri okhutula amukulu okhwoola assi. ³⁹ Ne omusirikale, wo’musikanda sye mya owali nikemire mu moni wa Yesu, nikawulira okhulira khwaye kawona nga lukafwa kawoola ati, “Mu masima omusaacha ono abeye mwana wa Weere!” ⁴⁰ Aliwo abakhasi abali nibawona bino, nibemire akhanaayiro. Mwabo nje omwali Malyamu Mangudaleni, Malyamu nηηina wa Yakobo omuwere nende owa Yosesi, nende Salome. ⁴¹ Mu Galiraaya abakhasi bano bali bamulondangakho okhukhola khu byetaago byaye. Abakhasi bandi bangi abali nibechire naye e Yerusalemi boosi bali awo. Okhusiikhiwa Khwa Yesu. ⁴² Lwali ludaalo lwokhwetekekherakho (nilwo olwali oludaalo kho sabbiti yimale yoole) Ne engolobe niyoola, ⁴³ Yosefu ewe Erimaseya, mulala khubakhulutu bolukhiikho, owali omwene nalindirira okhwiicha khwo’Wene’ngo wa Weere, kacha nga syatya eyiri Pirato kasaba omulambo Kwa Yesu. ⁴⁴ Pirato kesiindukha okhuwulira ati kali amalire okhufwa. Kemawo kalanga omusirikale we’sikanda sye mya, kamuteeba Yesu nikali amalire okhufwa. ⁴⁵ Nikamala okhuwulira emboosi cho musirikale we bikaanda bye’mya, ati syali sityo, kayeresa Yosefu omulambo. ⁴⁶ Manu Yosefu kakula enguwo ya liiri, keesa assi omubiri, kakuwowa mu nguwo ya liiri, kakuta mu ηηani eyabaachiwa mu lwanda. Kamala kasiindikha ekina kalita khu mulyango okweηηani. ⁴⁷ Malyamu Mangudaleni nende Malyamu ηηina Yosesi bawona