Okhusyukhira . ¹ Olwa Sabbiiti niluweye, Malyamu Mangudaleni, Malyamu nηηina Yakobo nende Solome bakula amafuta akawunya wulayi akokhubakha omulambo kwa Yesu. ² Echuli wene khu ludaalo lutangira mu juma, eryuba kho lyakhatula, bali khu lukendo nibacha khu nηηani. ³ Ne batebana baati, “Naanu onasindikhe ekina okhutula khu mulyango kwe nηηani?” ⁴ Ne nibewunjayo, bawona nga ekina, eryali ekhongo lukali lwene, bali balisindikhire entulo. ⁵ Nibengira mu nηηani, bawona omusyani musimbukha nikambaaye enguwo e'ndafu nikekhaye khu mukhono mu'lungi, batya lukali. ⁶ Kabawoola ati; “Mutatya.” “Muli okhukoonya Yesu omunasalesi, owakhomererwa. Asyukhiye! Khaba syaali ano. Muwone esifwo abali nibamukoniisye. ⁷ Naye muche, mwekese abeeki baye nende Petero. ‘Abatangiriye acha mu Galiraaya. Munamuwone, eyo nga lukabawoolera.’” ⁸ Nibatengerekha khandi nga bakwiiye eηaηηa, abakhasi berukha okhutula khu nηηani. Sibawoolerakho omutu yeesi, olwokhuba bali batiiye. [Ebiwandiiko byesikikha ebyasookha no'wujjulisi wundi owukhale biwuma mu Maako16:9-20] ⁹ Yesu nikasyukhira mu nηηani khuludaalo lwa mberi olwe’juma, kasookha okhuwonekhera Malyamu Mangudalene, yikali nikerusyamo ba dayimoni musanfu. ¹⁰ Kacha kawoolera abo abaliingi naye abali ni’balira nibamoosa amasika. ¹¹ Nibawulira baati Yesu mulamu khandi nga kali amuweene, khaba sibafukiirira. ^{13 12} Olunyuma Yesu kabawonekhera nibali bombi nali mu nfani yiindi nibali nibakenda mu syalo. 13 Bano bakowola bekesa abasyawe; naye bosi khaba sibafukiirira. ¹⁴ Olunyuma Yesu kawonekha eyiri ekhumi namulala nibali nibalya; kaboolobya lukali olwowutaba nenfukiirira alala nokhuba ne’myoyo myomeranu olwokhuba bali bakhayire okhufukiirira emboosi chabo abali nibamuweene namalire okhusyukhira. ¹⁵ Manu kabawoola ati, “Muche mu syalo syoosi mu wuulire emboosi ndayi eyiri ebilonge byoosi. ¹⁶ Oyo ofukiirira, khandi kabatiisiwa acha okhuwonesewa, naye oyo otafukiirira omusango kulimukhira. ¹⁷ Manu wuno nje owuwonero owucha okhuba nende abo abafukirira: mu liita lyange mucha okhwiirusyanga emisambwa; okhulomaloma enimi mbyakha; ¹⁸ Bacha okhudiiranga enjokha nende amakhono kawe; khandi nende nibananywenge owusiba wa maani, siwucha okhubakhola wubi; bacha okhutanga amakhono kawe khubatu balwaaye, ni bawona.” ¹⁹ Ne Omwami Yesu nikamala okhulomaloma nabo, kayirwa mukulu manu kekhala khu mukhono mu'lungi okwa Weere. ²⁰ Manu abeeki baye bacha bawuulira emboosi ndayi wosi woosi ne Omwami kali nakholera alala nabo nga komiisa emboosi yaye nende owuwonero