¹ Wulira Omwami syawola: "Singira weme, yira omusango emberi wengulu; lekha otugulu tuwulire byoli nokhuwola. ² Wulira, Oo engulu Omusango kw'Omwami; wulirisa, enwe emisingi chemirembe nemirembe echokhusyaalo. Omwami ali nomusango eyiri abaatu baye: Aleta omusango kwaye eyiri Isirayili. ³ Baatu bange, sina simbakholire? mukuku sina kumbaweye? mungowolemu. ⁴ Nabatusa okhutula emisiri Nabakula okhutula musyaalo syowuwambe. Natuma Musa okhubemerera, ata Alooni nende Miriamu. ⁵ Baatu bange, mwichulise bi Balaki Omwenengo owa Mowabu lukakeraka nende Balaamu omusolili wa Beori nga lukakowolamu. mwichulise olukendo lwenwe okhutula e'Sittima okhwora e'Giligali. okhuba nga mumanya ebikolwa byolelefu by'Omwami." ⁶ Sina sinyala necha nasyo eyiri Omwami okahwinamira Weere wa jja mukulu? Nakhecha mumoni chaye nen nende ebiwewayo byokhusamba? nende emosi yomwaka mulala? ⁷ Omwami anasangalire emitwalo chemoosi, emitwalo ekhumi chemyaalo chemyaalo chamafuta? Nyala okhuwayo omwana wange wamberi khulwe sibi syange, esyamo syomubiri kwange khulwesibi syomwoyo kwange? ⁸ Akhwekesise Oo muutu ewe esirayi. Naye Weere akhudakhakho sina? okhwebisa birayi nende okhudakha esisa nende okhukenda muwuwumbefu nende Weere wawo. ⁹ Wulilisa! Omwami alanga esiko-nende okhutya elita lyawo nje amakesi- "Wulilisa endawukhi nende oyo owayitawo. ¹⁰ wunanu nyala okhwirabira, Oo enyumba yobubi, eyiri owuyinda wawo wuwafuna mumakira mabi owakholimirwa? ¹¹ Nyala nafukirira omuutu nende emisaani yowubacha? nende esawo yowusito wowubacha? ¹² Abasacha bayinda baye besifabbi; na abaatu baye babacha nende enimi chawe chilomaloma ebyowubacha. ¹³ Khulwesyo, nakhachaka okhubonona nokhubamalawo khu lwe bibi byenwe. ¹⁴ Muchokhulya nayenga simwikuta; enda chenwe chicha okhudongga ninjerere. Muchokhungganiya naye yiwuma simucha okhubikha, "khulwokhuba bimubikha ndibiweresa okukhande. ¹⁵ Muchokhutaaka nayenga simukesa;" muchokhukhamula Amafuta komunasi nayenga simucha khukakhosesa abenne, mucha okhukhunya omusabibu naye simucha okhunwa omwenge kwakwo ¹⁶ Mwalonda amateka ko Omiri nende esambo chenyumba ya Ahabu nokhulondakirira ebyowuwangwa wawe. Khulwesyo nja okhubawayo mukhusikhirira nende abaatu benwe mukhukotakota, mucha okhukinga esoni chebyaalo.