¹ Wusa emikanda chabalwani bawo, Oo esiko sikhongo sya balwani; khulwokhuba batwewodokhanise. Bacha okhukhuba Omutuki wa Isirayili khutama nendawukhi. ² "Naye ewe, Beserekemu 'Efulasa', wakhaba ngoli mutono mumbya cha yudaa okhutula mwiwe acha okhwicha yindi, oyo esiwukho chaye chatula khale okhutula mundalo khale." ³ Nolwesyo Isirayili yirirekhewa "okhwola ebikha oyo alumwa lwaliwula nende abadonggire khu bamwananggina boosi balikowola okhweyimbaniya khuba Isirayili. ⁴ Alyema khandi kaaya amakondi kaye mumaani k'Omwami, muwunyala we lita ly'Omwami Weere waye. Khandi balimenya muwulindi, khumbeli oluyali lwaye lwole khunjakamo chesyaalo. ⁵ Manu aliba mireembe chawe. okhuwonesewa nokhunyasa Omwasuli nalinyaka esyaalo syeffe khandi kakenda nabita mumayumba keffe khucha, okhumusingisilyakho abayi musanvu atta abemeresi munana abesisacha. ⁶ Balituka esyaalo sya Basuli nokukhande, esyaalo sya Nimurodi nokukhande nikusowokhire. Aliluwoniya okhutula mu mwasuli naba nanyaka esyaalo syeffe. ⁷ Abadongga aba yakobo baliba wakati wa abaatu bangi nga oluwanyakirisi khuwunyasi owutanyalikha khulinda omutu oba okhwewunja omutu yesi. ⁸ Abadongga aba yakobo bacha okhuba khubyaalo wakati wa abaatu bangi nga empologoma munsolo mbalaba echomulukaka, nga omwana kwempologoma wakati musidwoli sya makondi, nga lukaana nokhumerera nikawawo nga wawuma muutu yesi onyala okhukawoniya ⁹ Omukhono kwawo kulisingisiwa okhufinyirira abalabe bawo, nabatakhudakha bosi balisikhirira. ¹⁰ "khuludalo olwo," Omwami awola atti, nja okhusanyawo effarasi okhutula mwinwe nende okhwonona amagali kawe. ¹¹ Nja okhwonona ebiko ebiri musyaalo syawo nende okhutandula ebifo byawo ebyamani. ¹² Nja okhwonona abalakusi benwe nende simucha khuba abalakusi boosi; ¹³ Nja okhwonona ebifananyi bibache nende amakina kenwe kowuwangwa; simuliba bokhukenamira emirimo chemikhono chenwe. ¹⁴ Nja okhukhula esiro chemiwango wakati wenwe nokhunyasa ebiko byenwe. ¹⁵ Kale nja okhuwalana nobusungu nende esiluyi khubuli byaalo ebitafukiririramo.