¹ Mundalo echisembeyo olugulu lwe nyumba yo Omwami licho okhwomisiwa nga olwaggamukulu khungulu chosi; lucho khusingisiwa okhukhira otugulu twosi nende abaatu bacha okhulukusirayo. ² Amawanga mangi kalicha kawola kati, "mwiche khuche amukulu khulugulu lw'Omwami, eyiri enyumba ya Weere wa yakobo. Acha okhutusomesa engenda chaye kho khunyale okhukendera mu ngira chaye." Elakolilitusiwa okhutula mu sayuni, nje embosi yo Omwami okhutula mu yerusalemu. ³ Acha okhukhenga omusango akati wa abaatu bangi khandi okhutusawo amayingani khulwa mawanga kamani eyale nende muwubambali. Bacha okhwataanya akakhande kawe bakakholemu embako chenggombe, nende amafumo kawe bakakholemu esolobyo. Ewanga silicha okhuwukula okuhande okhulwanisa Ewanga, ata okhutendekha olutalo lwosi ⁴ Buli musacha acha okhwikhala yasi mumusabibu kwaye kwene nende mumutini kwaye kwene, nende yiwuma yesi ocha okhubatisa, khulwokhuba Omwami wamani nje osiwoye. ⁵ Amawanga kosi kanyale okhukenda mulita lya bawere, bawe effe khucha okhukendera mulita lw'Omwami Weere weffe emirembe ne mireembe. ⁶ "muludaalo olwo," Omwami alangirira atii ndiwusa abalema; nja okhutaalala abasalana nende abo benaletakho engisa. ⁷ Nja okhukhola abalema abasikalawo, abo aberusiwa ewanga lyamani. Omwami acha okhubatukira mu olugulu sayuni okhutula khudalo lwo nende emirembe chosi. ⁸ Nga khulwawo, Oomulindi wa makondi, Oomusiro kwamani okwomukhana wa sayuni, obutuki bukhale bwicha okhwicha okhukowosewa yoli; "Owunawami wucha okhwicha eyiri omukhana wa yerusalemu." ⁹ Lwasina wunanu olilira amukulu_ owuma Omwenengo? omukelaki wawo kawawo? owuchuni Owo bukwewodokhanisye nga owomukhasi olumwa. ¹⁰ Sindikha mu buchuni ewe omukhana wa sayuni, nga omukhasi olumwa, khulwawunanu oli nokhulekha esiko sikhongo oche obe mundalo eyaggalaffu. Olicha ebabuloni, eyo nje yocha okhuwonesewa. Eyo Omwami nje yacha okhuneserya okhutula mumukhono kwabasiku bawo. ¹¹ Naye wunanu amawanga mangi kakwewusiyekho okhukhulwaniya. kawola kati lekha kononekhe, era emoni cheffe khachewunje amukulu khu sayuni. ¹² Nayenga sibamanyire ebibaso byO'mwami; sibategera entekekha yaye, oyo abawusa nge ebisakanya bibayira yabakhubakira. ¹³ Singira okhubake, Oo omukhana wa sayuni khulwokhuba nja okhukhuwa enjika chesichuma; nja okhukhuwa ebibonge bye sikomo Khandi ocha okhukhalaka amawanga mangi mubitundutundu. Ocha okhuwayo amagoba kawe kowubi eyiri Omwami, owuyinda wawe eri Omwami owesyaalo syosi.