¹ Nimbola ntii, "mutekelese, enwe abemeresi aba yakobo enwe abatuki be nyumba ya isirayili, simumanyire ebyo khukhenga emisango?" ² "Enwe abakhaya esirayi mwadakha esibi," abatandula esero okhutula khubaatu bange nende enyama okhutula khumakumba kawe. ³ Abalya enyama kyabaatu bange, "ne batusakho esero lyabwe ne bakhalaka amakumba kawe mubitundutundu, ababaswaka nge nyama yokhukhalanga, enyama endayi nga eyokhuta mu nungiro?" ⁴ Manu balirira eri Omwami neyenga salibakowolamo. Mubikha ebyo alikisa omweni waye okhutula yibali khulwe sibi sibakholire. ⁵ Sino nje Omwami syawola atii "eyiri abalakusi abalangirira abaatu bange mukhukota, nibayo abalisa, balangirira emirembe neyenga niwatabawo batekekha okhutula yali. ⁶ Nolwesyo esiro sicha okhwicha khwimwe myiwuma okhusibasakho nende esirima niyuma okhulakula. Elyuba licha okhufukha esirima yibali. ⁷ Abawoni becha okhuba nesoni nende abalakusi okhuswara. Becha okhwewikha oweni wawe khulwokhuba yiwuma esikowolwamu eyiri Weere. ⁸ Ne nga khulwange nechusiwa na mani nomwoyo w'Omwami, nende ebyo khukhenga emisango nowunyala, okhulangirira eyiri yakobo okhwonona khwaye eyiri isirayili esibi syaye. ⁹ Muwulire Sino, enwe abemeresi be nyumba ya yakobo, enwe abatuki be nyumba ya isirayili, abalekeresa ebyo khukhenga emisango wulayi nende abakodya ebyo byosi ebitufu. ¹⁰ Abo abombakha sayuni nokwidisa amabanga, nende yerusalemu nowubi. ¹¹ Abemeresi bayo bakaya emisango khulwengusi, bakawona bayo basomesa khulwosasulwa, abalakusi balakula khu lwe lubiya. Ate nga beira khu Mwami nende okhuwola baati sinje Omwami mwife? yiwuma owubi wosi owucha okhutwichakho. ¹² Nolwesyo khulwawo sayuni yicha okhulimiwa ngendalo, yerusalemu yicha okhuba etumo yamagingiri, nolugulu olwe nyumba ya Weere lulisikha lwechula okunyasi.