¹ Chibakanire abo abatekekha obutasi wutufu, era abo abakhola ebibi khu bitanda byawe. Muwulafu wechuli basikinga basitusa elwanyi siri muwunyala wawe okhusikhola. ² Bekomba endalo niba chinyaka nende amayumba nibakayira. Era bajooga omusaacha mudaala lyaye nobusikha bwaye. ³ Olwesyo, Omwami awola ati, ntekekha okhuleta akhabi eyiri abaatu bano khamutaliwonya abenne, simulikenda nende amalala khulwokhuba biriba bisera byebibi. ⁴ muludaalo olwo abaatu balibakanira olukano era bali liira mulwembo olwengisa nyingi era ebitu byabaatu baribikabanamo nga abibatusakho nga akabira abajemu ebyaalo byeffe. ⁵ Olwesyo olikhaya okhuba nomuutu yesi mu lukhunggano lwo Mwami nakhalulu. ⁶ "Simulakulanga mulyo," abalakusi bawe bawola bati, simulakulanga khubiitu bino amanyeko sikakhawewo. ⁷ Sikyo khwelomaloma siiti Oo enyumba ya yakobo. "omwoyo wo mwami anyolera? "Akhola ebiitu ngebyo?" "embosi eyiri oyo engira chaye ngololofu?" ⁸ mundalo chino abaatu bange basingiye nga omusiku, mutusekho ekanyula eyiri abo ababita nibatafayo nga abasaacha abatula mu lutalo. ⁹ Mwirusha abakhasi ba baatu bange okhutula mumadala kawe malayi. Mutusa khubaana bawe ekhabi yange endaalo chosi. ¹⁰ singira weme owewo! khulwokhuba esifo sino sisyawo syokhuwumuliramo khulwokhuba syanyasiwa shasikhirisiwa owutateresewa. ¹¹ Omuutu mubacha nabacha nawola atii nja okhukhulakulira yoli omwenge mungi na malwa achakhuba mulakusi wa baatu bano. ¹² Nja okhukhungganya emwe mwesi, ewe yakobo.Nja okhuleta abo bosi abasikalawo isirayili mbate mumukanda nga amakondi nge esidwoli esiri okhuwaya. ¹³ Oyo akekula engira acha okhutangiramu nibosi bacha okhukhalaka esiriwa batule elwanyi. "Omwenengo wawe acha okhubitamo abe emutwe, Omwami nali khumutwe kwaye."