¹ Ngisa sina chindi nacho! ndi nga oyo owusa ebyamo mundaalo chomubasu mundalo yibamala okhukesamo; eyimamo omusabibu kwosi okwokhulya, yiwuma emisala chosi echebyamo emikhale chinekomba. ² Owa Weere wutusiwewo musyaalo; yiwuma omuutu yesi omwolerefu eyadonggawo. Abasaacha bosi bawondera okhulindilira okhwidisa omusayi, buli muutu ayima mwananggina nolutimba ³ Amakhono kabiri keka okhukhola ebibi; omutuki adakha enirabo. omulamusi affukirira engusi, owamani akoyeresa ebyo biyekomba-bosi bekhobela walala. ⁴ Khubosi akhira obulayi alinga omusabakwa, omukololofu khu abo affanana olukhomera lwa mawa. Oludaalo lwo mulindi lwolire, Oludaalo lwa Weere okhukhusyalira. Wunanu nibyo ebikha byawe ebyokhutawukha-tawukha. ⁵ Siwesika omuliranwa; otata owesikwa mumwicha wawo. Ata nende oyo akona musilifuba nokhwegenderesa nembosi chawo. ⁶ khulwokhuba omusyani shatya baba waye, omukhana asingira nalekeresa ggina, mukhowana-khu masalanggene-abalabe bomuutu nibo abo abomunyumba yaye. ⁷ Nayenga esse, newunya nessubi eyiri Omwami, ninda oyo Weere omuwoniya; Weere wange acha okhumbulira. Isirayili yicha okhusingira ⁸ Ota sangarira ningwa, ewe omulabe wange! ata ningwiye ndisingira. Ata ninikhala musilema Omwami aliba wulafu wange. ⁹ khulwokhuba nakhola esibi mumoni chaye, ndifuna owusungu w'Omwami, okhwola lwali khengera omusango khandi kambalira owolelefu. Acha okhutunsayo kandeta muwulafu; nja okhuwona owolelefu waye. ¹⁰ Awo omulabe wange alisiwona nekawikhiwa nesoni, oyo owumbola atii, Omwami Weere waye ali yena? Emoni change chiliwona okhufa khwaye; ata wunanu balimusenakirira nga amadossi kokhungira. ¹¹ Oludaalo lwo khwombakha edda lyawo lulyola, Oludaalo lwo khwongera enjakho chawo. ¹² Khuludaalo olwo abaatu bacha okhwicha yoli okhutula eBusuli nende ebiko bye Misiri, atta okhutula emisiri okhwora efarata nende okhutula khu nyanja okhwola khu lugulu. ¹³ Esyaalo siliba esikhuyuko khu lwabo abasimenyamo, okhutula khusambo chawe. ¹⁴ Yaya abaatu bawo nendawukhi yawo, esiyicho syobusikha wawo, ako akamenya akene mulukaka, mulwayiro lweroba egimu. Lekha kalire eBasani nende eGiliyadi nga lusyali mundalo khale. ¹⁵ "Nga lusyali mundalo chimwatuliramo emisiri, ndibekesa ebyewunyisa byange." ¹⁶ Ebyaalo biliwona khandi bya bawambya esoni, amani kawe kosi bali Wulira emikhono chawe bachita khuminwa nende amatwi kawe kalikala. ¹⁷ Balikhomba oluffu nga enjukha, nga ebilonge ebyekhwesa khuloba. Balicha nibatengerekha nibatula muggings chawe; bali chukha mukhutya eyiri Omwami Weere weffe ni khandi balibatya. ¹⁸ Nanu Weere oli nga ewe, oyo olekheramo khandi kasasira esibi abitawo khu abo abandongga mubusikha bwaye? Ewe syonyala khuba nokhusunguwala emirembe chosi naye owulilira mukhwekesa esisa. ¹⁹ Ewe wicha lundi okhuba nokhusasira khu effe; Ewe olisenakirira ebibi byeffe wasi wokhukulu nende okhusukuna ebyonono byeffe wasi ewusiba munyanja. ²⁰ Ewe wicha okhuba namasima eyiri yakobo, khandi wekese esisa eyiri Ibrayimu, nga luwalayira esilayiro eyiri babaaba beffe mundalo echa khale khale.