¹ Wunanu ebidiira khu mmere eyiwewayo khu misambwa: khumanyire khuuti fwesi khuli namakesi. Amakesi kakhudumbasa, naye okhudakha khwombakha. ² Omutu obasa ati amanyirekho esiitu syoosi asiri okhumanya syakhoyire okhumanya. ³ . Naye omutu odakha Weere amanyikhanire nende Weere. ⁴ . Manu, sakira ebidiira khu mmere eyiwewayo khu misambwa: khumanyire khuuti emisambwa si siitu mu syalo khandi khuuti awumawo Weere wundi okhutusakho mulala. ⁵ . Olwokhuba nende aliwo babalanga ba “were”, mwikulu oba khu syalo nga amasima lusibasirisiwa baati aliwo ba “were” bangi nende “abaami” bangi, ⁶ . naye eyiri efwe aliwo Weere mulala yenηηene, Sefwe, yi bitu byoosi byatula khandi yi khuliwo khulwaye; nende omwami mulala, Yesu Kurisito, yi bitu byosi byoosi yi byabitamo yi khuliwo khulwaye. ⁷ . Naye sisiri mbo wuli mutu sino asimanyire. Abatu bandi abasiri mu munalo kwe emisambwa siba nti ni balya emmere nga yinno babaasa baati bayiweyeyo eyiri emisambwa, ni khulwokhuba enfukirira yawe nafu, emmere yino bayiwona nge’yinyasikhire. ⁸ . Naye emmere siyitusudya ambi nende Weere; sikhuba nowubi woosi ni khutayiriye, ne ni yiwuma wulayi woosi nikhuyiriye. ⁹ . Mwerinde, nende siri siityo, ekhosesa yo’wulekhule wenywe khutakira abanafu boola okhwekumula. ¹⁰ . Khuba omutu yeesi owe’nfukirira ntono nawona ewe omanyire bino bitu no’liira mu khakaali khe’misambwa, syaba nanafune amaani yesi okhulya emmere eyiweyweyo khubawongeye misambwa? ¹¹ . Sakira, mwanaamawo munaffu ono, Kurisito yi kafiririra, kola kasikhirisiwa olwa makesi kawo kano. ¹² . Ni wonoona mu moni cha ba mwaanaamawo mu ngeri yino manu wayeresa ammaawa enfukirira yawe ntono, oba okholire esibi eyiri Kurisito. ¹³ . Nolwesyo, nisiba mbo sindya sikira mwanaama kakwa mu sibi, sindirya enyama lundi, kho nkhaye okhumuletera okhukwa.