¹ Wunanu khu bitu bimwawandikakho: sirayi omutu owutadekhya. ² . Ne okhwema khu sikhemo syo’wudaamba, wuli musaacha okhoyire abe no’mukhasi waye, khandi wuli mukhasi okhuba no’musaacha waye. ³ . Omusaacha akhoyire koserese omulimo kwaye khu mukhasi waye, siityo nasirala no’mukhasi yesi eyiri omusaacha waye. ⁴ . Omubiri kwo’mukhasi sikwaye khu lwaye yeηηene ne kwo musaacha. Mu ngira nasirala, omubiri kwo’musaacha sikwaye khulwaye yeηηene ne khu lwo’mukhasi. ⁵ . Mutemananga abeene nabeene wuli otula eyiri owasye okhutusakho nimufukirisanisye khandi olwebikha, khu munyale okhwewaayo mu khusaba. Khandi mwiche alala kho setani akhaye okhubakhema khulwokhuterinda khwe’mibiri chenywe. ⁶ . Mbola sino olwe’mbulirisaniya, si khu lwe’lako. ⁷ . Nakhekombire nti wuli mutu kakhabeye ngesse. Naye wuli musaacha ali ne’siwanwa syaye okhutula eyiri Weere; mulala ali no’mukawo kuno, owuundi ali na kula. ⁸ . Wunanu eyiri abatadekhya nende abakhasi bafwire mbola sino: sirayi owutadekhya, ata nga ese lundi. ⁹ . Ne nibatanyala okhwerinda abene, bakhoyire badekhe, khuba sirayi okhudehya okhukhira okhuya no’wekombi. ¹⁰ . Eyiri abadekhesaniya mbawa nge silagiro (sise, ne syO’mwami): omukhasi atekwa okhutaloba wamwe. ¹¹ . Naye nasikhola atekwa okhusikala natadekhire oba esindi balekhanira bakowosaniya ni wamwe. Naye omusaacha syatekwa khwirusya omukhasi waye. ¹² . Eyiri abadoηηire mbawolera sino (ngese, si Omwami): Ni abawo omufukhilisi yeesi kaba no’mukhasi otafukirira nafukirira okhumenya naye atamwirusyanga. ¹³ . Ne ni abawo omukhasi nali no’musaacha otafukirira nomusaacha afukirira okhumenya naye atamulobanga. ¹⁴ . Eyiri omusaacha otafukirira alabisiwa olwo’mukhasi waye; nende omukhasi otafukirira alabisiwa olwo’musaacha waye. Atali awo abaana benywe sibakhabeye abosewa ni nga lusiri, bo bolerefu. ¹⁵ . Ne otafukiirira nawangawo, mulekhe ache. Omusaacha wafukirira oba omukhasi sika muwoyewa mu mbya nga chino; Weere katulanga okhumenya mu mirembe. ¹⁶ . Osimanyire otye, omukhasi, no’liwoniya wamwo? Oba, osimanyire otye, omusaacha ewe noliwoniya omukhasi wawo? ¹⁷ . Nende siri siityo, wuli otula adoŋenge mu sifwo mu wulamu Omwami sikamwakanamo mu ngeri Weere yikamulangiramo. Lino nje elako lyange lindakha libe mu makanisa koosi. ¹⁸ . Omutu kali mukhebe nalangiwa? Asikale ni mukhebe. Omutu kalangiwa natali omukhebe? Atakhebewa. ¹⁹ . Okhukheba si siitu nende okhutakhebewa si siitu. Okhulinda ebilagiro bya Weere nje sibaliwa. ²⁰ . Wuli mutu akhoyire asikale mu mbera yi kalimo Weere namulanga. ²¹ . Wali muwambe no’langiwa? Sitakhuteganya__ noba nonyala lwana nisinyalikha olekhuliwe mu wuwambe. ²² . Olwokhuba ola owali mudire nikalangiwa no’mwami yesi mulekhule mu’mwami; nasirala, ola owali mulekhule nalangiwa mu Kurisito muwambe mu Kurisito. ²³ . Enywe mwakuliwa ne beyi yamukulu; mutaba bawambe babatu ²⁴ . Baana befwe, wuli mutu, ngo’wufunanisiwa eyiri Weere, mukhoyire mudoŋe mu mbera Weere yikabalangiramo. ²⁵ . Wunanu ebidiira khubasisira: mbuma esilagiro esitula eyiri Omwami, ne mbawa enkhenga ngooyoo otusa esibaso syange omwene, nindi koti oyo owanyalirwa olwesisa syo’mwami okhuba omutu owesikikha. ²⁶ . Olwe mbera chiriwo, nsibaasa nti sirayi omutu okhusikala nga lwali. ²⁷ . Wadekha? Otakonya okhuloba. Siwadehya? Otakonya mukhasi. ²⁸ . Ne nomala wadekha, suba nokholire esibi; no’musisira nadekha, syaba nasobisye. Naabo abaddekha bacha okhwakana ebidinyu bingi mu wulamu wuno, khandi nakhadakhire okhubawoniya mu sinno. ²⁹ . Sinekesa, baana befwe, siri nti ebikha bitono. Okhutula wunanu wuno khwabo abali nabakhasi bakhoyire bamenye nga’bawuma abakhasi; ³⁰ . Abo abalira, nga’batalirangakho; abo abali ne’sangaalo, nga batalikho nalyo; abo abakula esiitu syosi, oti fana esitali syawe okhubiikha; ³¹ . Abo abakhosesa ebitu byo’mu syalo, bamenye oti fana sibakholeganangakho nabyo. Olwokhuba emera ye syalo sino yicha niyiwawo. ³² . Nakhadakhire enywe mube abalekhule awuma okhwelarikhirira. Omutu otadekhya kelalikhirira ebitu bidiira khu mwami_ nga lwanyala kasangasa Omwami. ³³ . Ne oyo owadekhya aba nebibaso besyalo sino nga lwanyala kasangasa omukhasi waye__ ³⁴ . Manu ebigendererwa byaye biba ebyakawukhanamo. Omukhana otadekha oba omusisira yeesi abawo no’khwelalikhirira eyiri ebitu bidiira khu mwami byoηηene: nga esilubirirwa syaye khwewayo okhusangasa Omwami mumubiri nende mu mwoyo. Naye omukhasi owadekha aba nebibaaso bye syalo sino _ nga lwananyale okhusangasa wamwe. ³⁵ . Ndi okhuwoola binno khu lwo wulayi wenywe, okhutadakha okhubakayirira, ne munyale okhubawo mu ngira enungifu mu khutakawukhanamo nokhwewayo eyiri omwami. ³⁶ . Ni nabawo omutu yeesi obaasa ati ali okhwebisya wubi khu luwande lwo’musisira yabeye nakhobisye, nachiririye atyo mu myaka nga kewulira ati ali no’khudekha asikholenge nga lwadakha. Syaba nakholire esibi. Badekhesaniye. ³⁷ . No’musaacha oba namaliriye mu mwoyo kwaye, yibatayingire nanyala okhweriinda mu wekombi wo’mubiri kwaye, khandi kakhengawo okhutadekhya omusisira__ omusaacha ono yesi aba akholire esitufu. ³⁸ . Wunanu awo, oyo odekhya omusisira yesi akhola esirayi, naye otamudekhya oba akholire no’wulayi okhukhirakho. ³⁹ . Omukhasi yeesi, aba asi wa wamwe ebikha byoosi omusaacha nasiri mulamu. Ne wamwe nafwa, aba mulekhule okhudekhera omusaacha wundi ya’simire, naye akhoyire okhusikala ni wO’mwami. ⁴⁰ . Mu Khukhengawo khwange, kakhabeye ne’nsangalo ekali ni kakhadoηηire nga lwali__ khandi mbasa nti sesi ndi no’mwoyo wa Weere.