¹ Wunanu nja okhubekesa engira yikhira owulayi. Nimba ninomaloma mu nimi echa batu nende echa ba malayika, ne nga sindi no’khudakha, mba nsikaye nge’sidde syo’lukhero oba nge’ndeke yibwangalikhana. ² Ne nimba ne’siwanwa syo’wu nabbi ninyala okhufumbula embyama namakesi koosi, ne naba ne’nfukirira eyinyala okhutusawo engulu, ni mbuma okhudakha, mba sindi situ. ³ Ninyala okhuwa byoosi bindi nabyo eyiri abaati nende okhuwaayo omubiri kwange kusambiwe, ne sindi no’khudakha, awuma sinfuna. ⁴ Okhudakha khwesimiirisa, okhudakha sisa. Okhudakha khuwuma embalikha, sikhwedakha khandi sikhwewulira. ⁵ Sikhuwalaba, sikhwekonyera ebyakwo, sikhudiriwa tima, sikhubikha bisobyo. ⁶ Okhudakha sikhusangalira mu sibi naye khusangalira mu bya masima. ⁷ Khu khingakira, khwesikikha, khusubiira, khwesimirisa. ⁸ Okhudakha si khukhaywa. Naye eyiri owunabbi wucha okhwakama; eyiri enimi, chiryakamisiwa; eyiri amakesi kaliwawo. ⁹ Khuba bikhumanyire bitundutundu nende owunabbi wosi we’bitundu tundu, ¹⁰ naye owulungifu wene niwicha okhwicha, owutali wulungifu niwukotawo. ¹¹ Ninali muwere, nalomalomanga ngo muwere, nabasanga siyere, nakerakanga siyere, naye ninecha nakhula nata ebyesiyere emukongo wange. ¹² Wunanu khuwonana naye khuwona amawulyeesi nga mu monero; ne olwo khuliwonana oweeni khu weeni. Wunanu manyirekho ebitundu; ne olwo ndimanya mu wichufu, nga lusiri mbo namanyikha mu wichuffu. ¹³ Nende wunanu bino bidatu bisikala: enfukirira, ensuubi nende . Ne esikhiramo mu bino byoosi nje okhudakha.