¹ Mukama n'a koba Musa n'a Alooni nti ² Mubale omuwendo gw'a baana ba Kokasi ku baana ba Leevi, ng'e nda gyabwe bwe giri, ng'e nyumba gya ba itawabwe bwe giri, ³ abaakamala emyaka asatu n'o kusingawo Okutuusya ku myaka ataanu, bonabona abayingira mu kuweererya okwo, okukolanga omulimu mu weema ey'o kusisinkanirangamu. ⁴ Guno niigwo mulimu gw'a baana ba Kokasi mu weema ey'o kusisinkanirangamu, ogw'e bintu ebitukuvu einu ⁵ olusiisira bwe lwa situlanga, Alooni yayingiranga n'a baana be ne batimbulula eijiiji eritimbibwa, ni balibiika ku sanduuku ey'o bujulizi ⁶ ni bateeka okwo amawu g'e ntukulu okubiikaku, ni baaliirira okwo olugoye olwe kaniki lwonalwona, ni bayingirya emisituliro gyayo. ⁷ N'o ku meenza ey'e migaati egy'o kulaga bayaliirangaku olugoye olwe kaniki ni bateeka okwo esaani, n'e bijiiko, n'e bibya, n'e bikompe eby'o kufukanga nabyo n'e migaati egitavangawo gyabbanga okwo ⁸ era bayaliiranga ku ebyo olugoye olumyofu, ni balusabikaku olwo n'a mawu g'e ntukulu agasabika, ni bayingirya emisituliro gyayo. ⁹ Ne bairira olugoye olwa kaniki, ni basabika ku kikondo ky'e tabaaza, n'e by'e tabaaza byakyo, ne makansi yaakyo, n'e saani gyakyo egy'e bisiriirya, n'e bintu byakyo byonabyona eby'a mafuta, bye bakiweereresya ¹⁰ ne bakisiba ikyo n'e. bintu byakyo byonabyona mu mawu g'e ntukulu agasabika, ni bakiteeka ku musaale. ¹¹ N'o ku kyoto eky'e zaabu bayaliirangaku olugoye olwa kaniki, ni balusabikaku amawu g'e ntukulu agasabika, ni bayingirya emisituliro gyakyo ¹² ni bairira ebintu byonabyona eby'o kuweererya, bye baweereresya mu watukuvu, ni babisiba mu lugoye olwa kaniki, ni babisabikaku amawu g'e ntukulu agasabika, ni babiteeka ku musaale. ¹³ Ni batoola eikoke mu kyoto, ni bakyaliiraku olugoye olw'e fulungu ¹⁴ ne bakiteekaku ebintu byakyo byonabyona, bye baweereresya emirimu gyakyo, emumbiro, n'e by'o kukwatisya enyama, n'e bijiiko, n'e bibya, ebintu byonabyona eby'e kyoto; ni bakyaliiraku amawu g'e ntukulu agasabika, ni bayingirya emisituliro gyakyo. ¹⁵ Awo Alooni n'a bataane be bwe bamaliranga dala okusabika ku watukuvu, n'e bintu byonabyona eby'o mu watukuvu, olusiisira nga lulikumpi okusitula; oluvannyuma bataane ba Kokasi kaisi ni baiza okubisitula naye ti bakomanga ku watukuvu, baleke okufa. Ebyo niigwo mugugu gwa bataane ba Kokasi mu weema ey'o kusisinkanirangamu. ¹⁶ Ne Eriyazaali mutaane wa Alooni kabona by'a gisisibwa byabbanga mafuta ge tabaaza n'o bubaani obw'a kaloosa, n'e kiweebwayo eky'o bwita ekitavaawo, n'a mafuta ag'o kufukaku, eya gisisibwanga eweema yonayona, n'e bigirimu byonabyona, awatukuvu n'e bintu byawo. ¹⁷ Mukama n'a koba Musa n'a Alooni nti ¹⁸ Ekika eky'e nyumba gy'Abakokasi ti mukisalaku okukitoola mu Baleevi ¹⁹ naye mubakole mutyo, babbenga abalamu, balekenga okufa, ng'a basemberera ebintu ebitukuvu einu Alooni n'a bataane be bayingiranga, ni balagira buli muntu okuweererya kwe n'o mugugu gwe ²⁰ naye tebayingiranga n'a kamu konka kubona watukuvu, baleke okufa. ²¹ Mukama n'a koba Musa nti ²² Bala omuwendo gw'a baana ba Gerusoni boona, ng'e nyumba gya baitawabwe bwe giri, ng'e nda gyabwe bwe giri; ²³ abaakamala emyaka asatu n'o kusingawo Okutuusya ku myaka ataanu b'wobba obala; bonabona abayingiire okulwana olutalo olwo, okukola omulimu mu weema ey'o kusisinkanirangamu. ²⁴ Kuno niikwo kuweererya kw'e nda egy'Abagerusoni, mu kuweererya n'o mu kusitula emigugu ²⁵ basitulanga amajiji ag'e nyumba, n'e weema ey'o kusisinkanirangamu, ebisabika ku iyo, n'a mawu g'e ntukulu agagisabikaku waigulu, n'e ijiji ery'o lwigi lw'e weema ey'o kusisinkanirangamu; ²⁶ n'e gitimbibwa egy'o luya, n'e ijiji ery'o lwigi lwa wankaaki w'o luya, oluli ku weema n'o ku kyoto enjuyi gyonagyona, n'e miguwa gyabyo, n'e bintu byonabyona eby'o kuweererya kwabyo, n'e mirimu gyonagyona gye byakolanga, ebyo bye baweereryanga. ²⁷ Alooni n'a bataane be niibo balagiranga okuweererya kwonakwona okwa bataane ba Gerusoni, mu kusitula kwabwe kwonakwona n'o mu kuweererya kwabwe kwonakwona era imwe mwabagabiranga okusitula kwabwe kwonakwona okubakukwatisya. ²⁸ Okwo niikwo kuweererya kw'e nda gya bataane ba Gerusoni mu weema ey'o kusisinkanirangamu n'o kulagirwa kwabwe kwabbanga wansi w'o mukono gwa Isamaali mutaane wa Alooni kabona. ²⁹ Bataane ba Merali, wababala ng'e nda gyabwe bwe giri, ng'e nyumba gya ba itawabwe bwe giri; ³⁰ abaakamala emyaka asatu n'o kusingawo okutuusya emyaka ataanu bw'obba obala, buli ayingira mu kuweererya, okukolanga omulimu ogw'e weema ey'o kusisinkanirangamu. ³¹ Era kino niikyo kiragiro eky'o kusitula kwabwe, ng'o kuweererya kwabwe kwonakwona bwe kuli mu weema ey'o kusisinkanirangamu; embaawo egy'e nyumba, n'e misituliro gyayo, n'e mpango gyayo, n'e biina byayo; ³² n'e mpango egy'o luya olwetooloola, n'e biina byagyo, n'e ninga gyazo, n'e miguwa gyagyo, wamu n'e bintu byagyo byonabyona, n'o kuteesya kwagyo kwonakwona era mwabagabiranga ng'a maina gaabwe bwe gali ebintu bye balagirwanga bye basitulanga. ³³ Okwo niikwo kuweererya kw'e nda gya bataane ba Merali, ng'o kuweererya kwabwe kwonakwona bwe kuli, mu weema ey'o kusisinkanirangamu, wansi w'o mukono gwa Isamaali mutaane wa Alooni kabona. ³⁴ Awo Musa n'a Alooni n'a bakulu b'e kibiina ni babona bataane b'Abakokasi, ng'e nda gyabwe bwe gyabbaire, era ng'e nyumba gya baitawabwe bwe gyabbaire, ³⁵ ababbaire baakamala emyaka asatu n'o kusingawo, okutuusya emyaka ataanu, buli eyayingiire mu kuweererya, okukolanga omulimu mu weema ey'o kusisinkanirangamu ³⁶ era abo ababaliibwe ku ibo ng'e nda gyabwe bwe gyabbaire babbaire enkumi ibiri mu lusanvu mu ataanu. ³⁷ Abo niibo baabaliibwe ku nda egy'Abakokasi, bonabona abaaweereryanga mu weema ey'o kusisinkanirangamu, Musa n'a Alooni be baboine ng'e kiragiro kya Mukama bwe kyabbaire mu mukono gwa Musa. ³⁸ N'abo abaabaliibwe ku bataane ba Gerusoni, ng'e nda gyabwe bwe gyabbaire, era ng'e nyumba gya baitawabwe bwe gyabbaire, ³⁹ ababbaire baakamala emyaka asatu n'o kusingawo okutuusya emyaka ataanu, buli eyayingiire mu kuweererya, okukolanga omulimu mu weema ey'o kusisinkanirangamu, ⁴⁰ abo abaabaliibwe ku ibo, ng'e nda gyabwe bwe gyabbaire, ng'e nnyumba gya baitawabwe bwe gyabbaire, babbaire enkumi ibiri mu lusanvu mu asatu. ⁴¹ Abo niibo babaliibwe ku nda gya bataane ba Gerusoni, bonabona abaweereryanga mu weema ey'o kusisinkanirangamu, Musa n'a Alooni be babalire ng'e kiragiro kya Mukama bwe kyabbaire. ⁴² N'abo ababaliibwe ku nda gya bataane ba Merali, ng'e nda gyabwe bwe gyabbaire, ng'e nyumba gya baitawabwe bwe gyabbaire, ⁴³ abaakamala emyaka asatu n'o kusingawo okutuusya emyaka ataanu, buli eyayingiire mu kuweererya, okukolanga omulimu mu weema ey'o kusisinkanirangamu, ⁴⁴ abo ababaliibwe ku ibo ng'e nda gyabwe bwe gyabbaire, babbaire enkumi ibiri mu bibiri. ⁴⁵ Abo niibo babaliibwe ku nda gya bataane ba Merali Musa n'a Alooni be babalire ng'e kiragiro kya Mukama bwe kyabbaire mu mukono gwa Musa. ⁴⁶ Abo bonabona ababaliibwe ku Baleevi, Musa na Alooni n'a bakulu ba Isiraeri be babalire, ng'e nda gyabwe bwe gyabbaire, era ng'e nyumba gya baitawabwe bwe gyabbaire, ⁴⁷ ababbaire bakamala emyaka asatu n'o kusingawo okutuusya emyaka ataano, buli eyayingiire okukolanga omulimu ogw'o kuweererya, n'o mulimu ogw'o kusitula emigugu mu weema ey'o kusisinkanirangamu, ⁴⁸ abo ababaliibwe ku ibo babbaire kanaana mu bitaano mu kinaana. ⁴⁹ Ng'e kiragiro kya Mukama bwe kyabbaire, babaliibwe n'o mukono gwa Musa buli muntu ng'o kuweererya kwe bwe kwabbaire, era ng'o kusitula kwe bwe kwabbaire Atyo bwe yababalire, nga Mukama bwe yalagiire Musa. Essuula