¹ Awo olwatuukire kawumpuli ng'a weire, Mukama n'a koba Musa n'e Eriyazaali mutaane wa Alooni kabona nti ² Bala omuwendo gw'e kibiina kyonakyona eky'a baana ba Isiraeri, abakamala emyaka abiri n'o kusingawo, ng'e nyumba gya baitawabwe bwe giri, bonabona abasobola okutabaala mu Isiraeri. ³ Musa n'e Eriyazaali kabona ni babagambira mu nsenyu gya Mowaabu ku Yoludaani e Yeriko nti ⁴ Mubale omuwendo gw'a bantu, abaakamala emyaka abiri n'o kusingawo; nga Mukama bwe yalagiire Musa n'a baana ba Isiraeri, abaaviire mu nsi y'e Misiri. ⁵ Lewubeeni omuberyeberye wa Isiraeri bataane ba Lewubeni; okuva ku Kanoki, enda ey'Abakanoki okuva ku Palu, enda eya Abapalu ⁶ okuva ku Kezulooni, enda eya Bakezulooni okuva ku Kalumi, enda eya Bakalumi. ⁷ Egyo niigyo nda egya Balewubeeni n'abo ababaliibwe ku ibo babbaire emitwaalo ina mu nkumi isatu mu lusanvu mu asatu. ⁸ N'a bataane ba Palu; Eriyaabu. ⁹ N'a bataane ba Eriyaabu; Nemweri n'o Dasani n'o Abiraamu. Abo niibo Dasani n'o Abiraamu abo, abaalondeibwe ekibiina, abaawakaine n'o Musa n'o Alooni mu kibiina kya Koola, bwe bawakaine n'o Mukama ¹⁰ ensi n'e yasama omunwa gwayo, n'e bamira wamu n'o Koola, ekibiina ekyo bwe kyafiire; mu biseera ebyo omusyo bwe gwayokyerye abasaiza bibiri mu ataanu, ni bafuuka kabonero. ¹¹ Naye bataane ba Koola ti bafiire. ¹² Bataane ba Simyoni ng'e nda gyabwe bwe gyabbaire okuva ku Nemweri, enda eya Banemweri okuva ku Yamini, enda eya Bayamini okuva ku Yakini, enda eya Bayakini ¹³ okuva ku Zeera, enda eya Bazeera okuva ku Sawuli, enda eya Basawuli. ¹⁴ Egyo niigyo nda egya Basimyoni, obukumi bubiri mu emitwaalo ibiri mu bibiri. ¹⁵ Bataane ba Gaadi ng'e nda gyabwe bwe gyabbaire okuva ku Zefoni, enda eya Bazefoni okuva ku Kagi, enda eya Bakagi okuva ku Suni, enda eya Basuni ¹⁶ okuva ku Ozeni, enda eya Baozeni okuva ku Eri, enda eya Baeri ¹⁷ okuva ku Alodi, enda eya Baalodi okuva ku Aleri, enda eya Baaleri ¹⁸ egyo niigyo nda egya bataane ba Gaadi ng'abo abaabalibwa ku ibo bwe babbaire, emitwaalo ina mu bitaanu. ¹⁹ Bataane ba Yuda, Eri n'o Onani Eri n'o Onani ni bafiira mu nsi y'e Kanani. ²⁰ Na bataane ba Yuda ng'e nda gyabwe bwe gyabbaire bano; okuva ku Seera, enda eya Baseera okuva ku Pereezi, enda eya Bapereezi okuva ku Zeera, enda eya Bazeera. ²¹ Na bataane ba Pereezi bano; okuva ku Kezulooni, enda eya Bakezulooni okuva ku Kamuli, enda eya Bakamuli. ²² Egyo niigyo nda gya Yuda ng'a bo abaabaliibwe ku ibo bwe babbaire, emitwaalo musanvu mu kakaaga mu bitaanu. ²³ Bataaane ba Isakaali ng'e nda gyabwe bwe gyabbaire okuva ku Tola, enda eya Batola okuva ku Puva, enda eya Bapuva ²⁴ okuva ku Yasubu, enda eya Bayasubu okuva ku Simuloni, enda eya Basimuloni. ²⁵ Egyo niigyo enda gya Isakaali ng'abo ababaliibwe ku ibo bwe babbaire, emitwaalo mukaaga mu nkumi ina mu bisatu. ²⁶ Bataaane ba Zebbulooni ng'e nda gyabwe bwe gyabbaire okuva ku Seredi, enda eya Baseredi okuva ku Eroni, enda eya Baeroni okuva ku Yaleeri, enda eya Bayaleeri. ²⁷ Egyo niigyo enda egya Bazebbulooni ng'abo ababaliibwe ku ibo bwe babbaire, emitwaalo mukaaga mu bitaano. ²⁸ Bataaane ba Yusufu ng'e nda gyabwe bwe gyabbaire Manase ne Efulayimu ²⁹ Bataaane ba Manase okuva ku Makiri, enda eya Bamakiri Makiri n'a zaala Gireyaadi okuva ku Gireyasdi, enda eya Bagireyaadi. ³⁰ Bano niibo Bataane ba Gireyaadi okuva ku Yezeeri, enda eya Bayezeeri okuva ku Kereki, enda eya Bakereki ³¹ n'o kuva ku Asuliyeri, enda eya Basuliyeri n'o kuva ku Sekemu, enda eya Basekemu ³² n'o kuva ku Semida, enda eya Basemida n'o kuva ku Keferi, enda eya Bakeferi. ³³ N'o Zerofekadi mutaane wa Keferi teyazaire baana b'o bwisuka, wabula ab'o buwala na bawala ba Zerofekadi amaina gaabwe Maala n'o Toowa, Kogula, Mirika, n'o Tiruza. ³⁴ Egyo nigyo enda gya Manase n'abo ababaliibwe ku ibo babbaire emitwaalo itaani mu enkumi ibiri mu lusanvu. ³⁵ Bano niibo bataane ba Efulayimu ng'e nda gyabwe bwe gyabbaire okuva ku Susera, enda eya Basusera okuva ku Bekeri, enda eya Babekeri okuva ku Takani, enda eya Batakani. ³⁶ Na bano niibo bataane ba Susera okuva ku Erani, enda eya Baerani. ³⁷ Egyo niigyo enda gya Bataane ba Efulayimu ng'abo ababaliibwe ku ibo bwe babbaire, emitwaalo isatu mu nkumi ibiri mu bitaanu. Abo niibo bataane ba Yusufu ng'e nda gyabwe bwe gyabbaire. ³⁸ Bataane ba Benyamini ng'e nda gyabwe bwe gyabbaire okuva ku Bera, enda eya Babera okuva ku Asuberi, enda eya Basuberi okuva ku Akiramu, enda eya Bakiramu ³⁹ okuva ku Sufamu, enda eya Basufamu okuva ku Kufamu, enda eya Bakufamu. ⁴⁰ Na bataane ba Bera babbaire Aluda n'o Naamani okuva ku Aluda, enda eya Baluda okuva ku Naamani, enda eya Banaamani. ⁴¹ Abo niibo bataane ba Benyamini ng'e nda gyabwe bwe gyabbaire n'abo ababaliibwe ku ibo babbaire obukumi buna mu nkumi itaanu mu lukaaga. ⁴² Bano niibo bataane ba Daani ng'e nda gyabwe bwe gyabbaire okuva ku Sukamu, enda eya Basukamu. Egyo niigyo enda gya Daani ng'e nda gyabwe bwe gyabbaire. ⁴³ Enda gyonagyona egya Basukamu, ng'abo ababaliibwe ku ibo bwe babbaire, babbaire emitwaalo mukaaga mu enkumi ina mu bina. ⁴⁴ Bataane ba Aseri ng'e nda gyabwe bwe gyabbaire okuva ku imuna, enda eya Baimuna okuva ku Isuvi, enda eya Baisuvi okuva ku Beriya, enda eya Baberiya. ⁴⁵ Okuva ku Bataane ba Beriya okuva ku Keberi, enda eya Bakeberi okuva ku Malukiyeeri, enda eya Bamalukiyeeri. ⁴⁶ No muwala wa Aseri eriiina lye Seera. ⁴⁷ Egyo niigyo enda egya bataane ba Aseri ng'abo ababaliibwe ku ibo bwe babbaire, emitwalo itaano mu nkumi isatu mu bina. ⁴⁸ Bataane ba Nafutaali ng'enda gyabwe bwe gyabbaire okuva ku Yazeeri, enda eya Bayazeeri okuva ku Guni, enda eya Baguni ⁴⁹ okuva ku Yezeeri, enda eya Bayezeeri okuva ku Siremu, enda eya Basiremu. ⁵⁰ Egyo niigyo enda gya Nafutaali ng'e nda gyabwe bwe gyabbaire n'abo ababaliibwe ku ibo babbaire emitwaalo ina mu nkumi itaanu mu bina. ⁵¹ Abo niibo babaliibwe ku baana ba Isiraeri, obusiriivu mukaaga mu lukumi mu lusanvu mu asatu. ⁵² Mukama n'a koba Musa ⁵³ nti Abo niibo baligabirwa ensi okubba obusika ng'o muwendo gw'a maina bwe guli. ⁵⁴ Abayinga obungi olibawa obusika okusukirirya, n’a batono olibawa obusika okukendeeryaku buli muntu ng'a bo ababaliibwe ku iye bwe babbaire, bw'a liweebwa atyo obusika bwe. ⁵⁵ Era naye ensi erigabibwa na bululu ng'a maina g'e bika bya baitawabwe bwe gali niibwo balisika. ⁵⁶ Ng'o bululu bwe bulibba obusika bwabwe bwe buligabirwa abo abayinga obungi n'a batono. ⁵⁷ Na bano niibo babaliibwe ku Baleevi ng'e nda gyabwe bwe gyabbaire okuva ku Gerusoni, enda eya Bagerusoni okuva ku Kokasi, enda eya Bakokasi okuva ku Merali, enda eya Bamerali. ⁵⁸ Gino niigyo enda gya Leevi enda eya Balibuni, enda eya Bakebbulooni, enda eya Bamakuli, enda eya Bamusi, enda eya Bakoola. Kokasi n'a zaala Amulaamu. ⁵⁹ N'o mukali wa Amulaamu eriina lye Yokebedi, muwala wa Leevi, eyazaaliirwe Leevi mu Misiri n'a zaalira Amulaamu Alooni n'o Musa n'o Miryamu mwanyoko wabwe. ⁶⁰ Alooni n'a zaalirwa Nadabu n'o Abiku, Eriyazaali n'o Isamaali. ⁶¹ Nadabu n'o Abiku ni bafa, bwe baawaireyo omusyo ogundi mu maiso ga Mukama. ⁶² N'abo abaabaliibwe ku ibo babbaire emitwaalo ibiri mu nkumi isatu, buli musaiza eyaakamala omwezi ogumu n'o kusingawo kubanga tebabaliibwe mu baana ba Isiraeri, kubanga tebaweweibwe busika mu baana ba Isiraeri. ⁶³ Abo niibo babaliibwe Musa n'o Eriyazaali kabona; abaabaliire abaana ba Isiraeri mu nsenyu gye Mowaabu ku Yoludaani e Yeriko. ⁶⁴ Naye mu abo ti mwabbaire n'o mumu ku abo abaabaliibwe Musa na Alooni kabona; abaabaliire abaana ba Isiraeri mu idungu lya Sinaayi. ⁶⁵ Kubanga Mukama yabbaire atumwire ku ibo nti ti balireka kufiira mu idungu. So ti wasigairewo ku ibo n'o mumu wabula Kalebu mutaane wa Yefune n'o Yoswa mutaane wa Nuni. Ensuula