¹ Isiraeri n'abba e Sitimu, abantu ni batanula okwenda ku bawala ba Mowaabu ² kubanga bayetanga abantu okwiza ku sadaaka gya bakatonda baabwe; abantu ni balya ni bavuunamira bakatonda baabwe. ³ Isiraeri nu yeegaita ne Baalipyoli obusungu bwa Mukama ni bubuubuuka ku Isiraeri. ⁴ Mukama n'a koba Musa nti twala abakulu b'a bantu bonabona, obawanikire Mukama mu maiso g'e isana ekiruyi kya Mukama kikyuke kive ku Isiraeri. ⁵ Musa n'a koba abalamuli ba Isiraeri nti mwite buli muntu Abasaiza be abeegaitire n'e Baalipyoli. ⁶ Era, bona, omumu ku baana ba Isiraeri n'a iza n’a leetera bagande be omukali Omumidiyaani mu maiso ga Musa n'o mu maiso g'e kibiina kyonakyona eky’a baana ba Isiraeri, bwe babbaire nga bakungira amaliga ku mulyango gw’e weema ey'o kusisinkanirangamu. ⁷ Awo Finekaasi mutaane wa Eriyazaali mutaane wa Alooni kabona bwe yakiboine, n'a golokoka wakati mu kibiina, n'a irira eisimu mu mukono gwe; ⁸ n'a sengererya omusaiza omu Isiraeri mu kanyumba, n'a basumitira dala bombiri, omusaiza Omu Isiraeri n'o mukali mu kida kye. Awo kawumpuli n'a ziyizibwa atyo ku baana ba Isiraeri. ⁹ n'abo abafiire kawumpuli babbaire emitwaalo ibiri mu nkumi ina. ¹⁰ Mukama n'a koba Musa nti ¹¹ Finekaasi mutaane wa Eriyazaali mutaane wa Alooai kabona akyusirye obusungu bwange okuva ku baana ba Isiraeri, kubanga akwatibwe eiyali lyange mu ibo, n'o kuzikirirya ni ntazikirirya baana ba Isiraeri mu iyali lyange. ¹² Kyewava okoba nti bona, muwa endagaanu yange ey'e mirembe ¹³ era yabbanga gy'ali, n'eri ezaire lye eryamwiririranga, endagaanu ey'o bwakabona obutaliwaawo; kubanga yakwatiibwe eiyali olwa Katonda we, n'a tangirira abaana ba Isiraeri. ¹⁴ Era omusaiza omu Isiraeri eyaitiibwe, eyaitiirwe awamu n'o mukali omu Midiyaani, eriina lye Zimuli, mutaane wa Salu, omukulu w'e nyumba ya baitawabwe mu basimyoni. ¹⁵ N'o mukali omu Midiyaani eyaitiibwe, eriina lye Kozebi muwala wa Zuuli; oyo yabbaire mutwe gw'a bantu ab'o mu nyumba ya ba itawabwe mu Midiyaani. ¹⁶ Mukama n'a koba Musa nti ¹⁷ Beeraliikirirye Abamidiyaani obaite ¹⁸ kubanga babeeraliikirirya n'e nkwe gyabwe, gye basalire ni babasendasenda mu bigambo bya Pyoli n'o mu bigambo bya Kozebi, muwala w'o mukulu we Midiyaani, mwanyoko wabwe, eyaitiibwe ku lunaku olwa kawumpuli olw'e bigambo bya Pyoli. Essuula