¹ Yoswa yabbaire ng'akairikire nga yaakamala emyaka mingi; Mukama n'amukoba nti Okairikire, waakamala emyaka mingi, naye wasigairewo ensi nyingi inu okuliibwa. ² Eno niiyo ensi esigairewo: ebifo byonabyona eby'Abafirisuuti n'Abagesuli bonabona; ³ okuva ku Sikoli, oguliraine e Misiri, okutuuka ku nsalo ey'e Ekuloni ku luuyi olw'obukiika obugooda, ebalirwa Abakanani; abaami abataano ab'Abafirisuuti; Abagaza, n'Abasudodi, n'Abasukuloni, Abagiti, n'Abekuloni; ⁴ era n'abavi, ku luuyi olw'obukiika obulyo: ensi yonayona ey'Abakanani, ne Meala ekyabbaire ekya Basidoni, okutuuka ku Afiki, ku nsalo ey'Abamoli: ⁵ n'ensi ey'Abagebali, ne Lebanooni yonayona, ku luuyi olw'ebuvaisana, okuva ku Balugadi wansi w'olusozi Kerumooni okutuuka ku Kamasi awayingirirwa: ⁶ abali mu nsi ey'ensozi bonabona okuva ku Lebanooni okutuuka ku Misurefosumayimu, be Basidoni bonabona; abo ndibabbinga mu maiso g'abaana ba Isiraeri; kyonka ogigabire Isiraeri okubba obusika, nga bwe nakulagiire. ⁷ Kale watynu ensi eno ogigabe okubba obusika eri ebika omwenda, n'ekitundu eky'ekika kye Manase. ⁸ Awamu n'oyo Abalewubeeni n'Abagaadi baaweebwa obusika bwabwe, Musa bwe yabawaire, emitala wa Yoludaani ku luuyi olw'ebugwaisana, nga Musa omuweereza wa Mukama bwe yabawaire; ⁹ okuva ku Aloweri, ekiri ku mbali kw'ekiwonvu eky'Alunoni, n'ekibuga ekiri wakati mu kiwonvu, n'olusenyu lwonalwona olwa Medeba okutuuka ku Diboni; ¹⁰ n'ebibuga byonabyona ebya Sikoni kabaka w'Abamoli, eyafuga mu Kesuboni, okutuuka ku nsalo ey'a baana ba Amoni; ¹¹ n'e Gireyaadi, n'e nsalo ey'Abagesuli n'Abamaakasi, n'o lusozi lwonalwona Kerumooni, n'e Basani yonayona okutuuka ku Saleka: ¹² obwakabaka bwonabwona obwa Ogi mu Basani, eyafugire mu Asutaloosi n'o mu Ederei (oyo niiyo yasigairewo mu Balefa abasigairewo); kubanga abo Musa yabakubbire, n'a babbinga. ¹³ Naye abaana ba Isiraeri tibabbingire Abagesuli waire Abamaakasi: naye Gesuli n'o Maakasi n'o babba wakati mu Isiraeri, ne watynu. ¹⁴ Ekika kya Leevi kyonka teyakiwaire busika; ebiweebwayo ebikolebwa n'o musyo eri Mukama, Katonda wa Isiraeri, niibwo busika bwe, nga bwe yamukobere. ¹⁵ Musa n'a kiwa ekika eky'a baana ba Lewubeeni ng'e nda gyabwe bwe gyabbaire. ¹⁶ N'e nsalo yaabwe yaviire ku Aloweri, ekiri ku mbali kw'e kiwonvu eky'Alunoni, n'e kibuga ekiri wakati mu kiwonvu, n'o lusenyu lwonalwona oluliraine Medeba; ¹⁷ Kesuboni, n'e bibuga byakyo byonabyona ebiri mu lusenyu; Diboni, ni Bamosubaali, ne Besubaalumyoni: ¹⁸ ne Yakazi, n'e Kedemosi, n'e Mefaasi; ¹⁹ ne Kiriyasayimu, n'e Sibuma, n'e Zeresusakali ku lusozi olw'o mu kiwonvu; ²⁰ ne Besupyoli, ne Pisuga awaikiirwe, ne Besuyesimosi; ²¹ n'e bibuga byonabyona eby'o lusenyu, n'o bwakabaka bwonabwona obwa Sikoni kabaka w'Abamoli, eyafugire mu Kesuboni, Musa gwe yakubbire awamu n'a baami ab'e Midiyaani Evi, n'o Lekemu, n'o Zuuli, n'o Kuli n'o Leba, abakungu ba Sikoni, ababba mu nsi. ²² Era n'o Balamu, omwana wa Byoli, omulaguli, abaana ba Isiraeri ni bamwita n'e kitala awamu n’a bandi abaitiibwe. ²³ N'ensalo ey'a baana ba Lewubeeni Yoludaani n'e nsalo yaagwo. Obwo niibwo bwabbaire obusika bw'a baana ba Lewubeeni ng'e nda gyabwe bwe gyabbaire, ebibuga n'e byalo byamu. ²⁴ Musa n'a kiwa ekika kya Gaadi, niibo baana ba Gaadi, ng'e nda gyabwe bwe gyabbaire. ²⁵ N'e nsalo yabwe Yazeri, n'e bibuga byonabyona ebya Gireyaadi, n'e kitundu eky'e nsi ey'a baana ba Amoni, okutuuka ku Aloweri ekyolekeire Labba; ²⁶ era okuva ku Kesuboni okutuuka ku Lamaumizupe, n'e Betonimu; era okuva ku Makanayimu okutuuka ku nsalo ey'e Debiri; ²⁷ n'o mu kiwonvu, Besukalamu, n'e Besunimira, n'e Sukosi, n'e Zafoni, ekitundu ekyasigairewo eky'o bwakabaka bwa Sikoni kabaka ow'e Kesuboni, Yoludaani n'ensalo yaagwo, okutuuka ku lubalama lw'e nyanza ey'e Kineresi emitala wa Yoludaani ku luuyi olw'e buvaisana. ²⁸ Obwo niibwo busika bw'a baana ba Gaadi ng'e nda gyabwe bwe gyabbaire, ebibuga n'e byalo byamu. ²⁹ Musa n'a gabira ekitundu eky'e kika kya Manase: n'o mugabo gwabbaire gwe kitundu eky'e kika ky'a baana ba Manase ng'e nda gyabwe bwe gyabbaire. ³⁰ N'e nsalo yabwe yaviire ku Makanayimu, e Basani yonayona, obwakabaka bwonabwona obwa Ogi kabaka w’e Basani, n'e bibuga byonabyona bya Yayiri, ebiri mu Basani; ebibuga nkaaga: ³¹ n'e kitundu ekimu eky'e Gireyaadi, n'e Asutaloosi, n'e Ederei, ebibuga eby'o bwakabaka bwa Ogi mu Basani, byabbaire bya baana ba Makiri omwana wa Manase, niikyo kitundu eky'a baana ba Makiri ng'e nda gyabwe bwe gyabbaire. ³² Obwo niibwo busika Musa bwe yagabiire mu nsenyi egya Mowaabu, emitala wa Yoludaani ku Yeriko, ku luuyi olw'e buvaisana. ³³ Naye ekika kya Leevi Musa teyakiwaire busika: Mukama, Katonda wa Isiraeri, niibwo busika bwabwe, nga bwe yabakobere.