¹ Bano niibo bakabaka ab'e nsi abaana ba Isiraeri be baakubbire, ne balya ensi yabwe emitala wa Yoludaani ku luuyi olw'e buvaisana, okuva ku kiwonvu ekya Alunoni okutuuka ku lusozi Kerumooni; ne Alaba yonayona ku luuyi olw'e buvaisana. ² Sikoni kabaka w'Abamoli, eyabbaire mu Kesuboni, era eyafugire okuva ku Aloweri, ekiri ku mbali kw'e kiwonvu ekya Alunoni, n'e kibuga ekiri wakati mu kiwonvu, n'e kitundu kya Gireyaadi, okutuuka ku mwiga Yabboki, niiyo ensalo ey'a baana ba Amoni ³ ne Alaba okutuuka ku nyanza Kinerosi, ku luuyi olw'e buvaisana, n'o ku nyanza ya Alaba, niiyo nyanza ey'o munyu, ku luuyi olw'e buvaisana, mu ngira ey'e Besuyesimosi; n'o ku luuyi olw'o bukiika obulyo, wansi wa Pisuga: ⁴ n'e nsalo ya Ogi kabaka w'e Basani, ow'o mu Balefa abaasigairewo, eyabbaire mu Asutaloosi n'o mu Ederei, ⁵ era eyafugiire ku lusozi Kerumooni, n'o mu Saleka, n'o mu Basani yonayona, okutuuka ku nsalo ey'Abagesuli n'Abamaakasi, n'e kitundu kya Gireyaadi; ensalo ya Sikoni kabaka w'e Kesuboni. ⁶ Musa omuweererya wa Mukama n'a baana ba Isiraeri babakubbire; n'o Musa omuweererya wa Mukama n'a giwa okugirya eri Abalewubeeni, n'Abagaasi, n'e kitundu eky'e kika kya Manase. ⁷ Era na bano niibo bakabaka ab'e nsi Yoswa n'a baana ba Isiraeri be bakubbire emitala wa Yoludaani ku luuyi olw'e bugwaisana okuva ku Baalugadi mu kiwonvu kya Lebanooni okutuuka ku lusozi Kalaki, oluniina e Seyiri; Yoswa n'a giwa ebika bya Isiraeri okugirya nga bwe bayawuliibwe; ⁸ mu nsi ey'e nsozi, n'o mu nsi ey'e nsenyu, n'o mu Alaba, no ku nsozi awakirwa, n'o mu idungu, n'o mu nsi ey'o bukiika obulyo; Omukiiti, Omwamoli, n'Omukanani, Omuperizi, Omukiivi; n'Omuyebusi; ⁹ kabaka w'e Yeriko, omumu; kabaka w’e Ayi, ekiriraine Beseri, omumu; ¹⁰ kabaka w’e Yerusaalemi, omumu; kabaka w’e Kebbulooni, omumu; ¹¹ kabaka w'e Yalamusi, omumu; kabaka w'e Lakisi, omumu; ¹² kabaka w'e Eguloni, omumu; kabaka w'e Gezeri, omumu; ¹³ kabaka w'e Debiri, omumu; kabaka w'e Gederi, omumu; ¹⁴ kabaka w'e Kaluma, omumu; kabaka w'e Yaladi, omumu; ¹⁵ kabaka w'e Libuna, omumu; kabaka w'e Adulamu, omumu; ¹⁶ kabaka w'e Makeda, omumu; kabaka w'e Beseri, omumu; ¹⁷ kabaka w'e Tapua, omumu; kabaka w'e Keferi; omumu; ¹⁸ kabaka w'e Afeki, omumu; kabaka w'e Lasaloni; omumu; ¹⁹ kabaka w'e Madoni, omumu; kabaka w'e Kazoli; omumu; ²⁰ kabaka w'e Simulonimeroni, omumu; kabaka w'e Akusafu, omumu; ²¹ kabaka w'e Taanaki, omumu; kabaka w'e Megido, omumu; ²² kabaka w'e Kedesi, omumu; kabaka w'e Yokuneamu ku Kalumeeri, omumu; ²³ kabaka w'e Doli ku lusozi Doli, omumu; kabaka w'e Goyiyimu mu Girugaali, omumu; ²⁴ kabaka w'e Tiruza, omumu; bakabaka bonabona asatu na mumu.